Matiusu 22:18 - Ma Jou ai Demo-demo o Totobelohoka

¹⁸ De o Yesusu ka de woihene manga leleha gea de wahiorikoka ma titi to ona manga hininga ma dorou ho watemo onangika wato, “Ngini naa ka nimadokangelukino dika abe niato niangaku ahi demoika gea! Adodoa ho ngini nihitaili?

Matiusu 22:18 ပူးပေါင်းရင်းမြစ်များ

Matiusu 12:15

De o Yesusu wahiorikoka o Farisi ma nyawa gea manga hininga de manga hidee ma dorou abe Unangika, ho Una wosobo wanoaika ma kapongo gea. De o nyawa manga ngoe iwiniiki Una. De abe onagona dika onangino yopopanyake, ona gea o Yesusu wahikokitogumu.

Matiusu 19:3

De o wange moiuku o Farisi manga doomuino ma nyawa yamuruono naga yoboaino. De ona gea iwihideeoka abe ona ato ihititi la genangoka ato o Yesusu wahowono. Abe ona yomatemo ato, “Nako wotemo ai gogiriaka de ai demo ko imakiniikua de o Musa ai Pareta, gea wahowonoka.” Hokogea o Farisi ma nyawa manga hininga, ho ona iwibole ma goa-goa o Yesusika ato, “Ho sarakia, nako naga o nauru womatengo de mangale ma titi o kia dika de ngoi fekata womioluku, gea watilakuroka ma pareta eko koua?”

Matiusu 22:17

Ho gea miato Ngonaika minileha, de hokonaa mia leleha. Sarakia, abe naga o pajaka ma tiwi abe wogaho-gahoko o Roma ma nyawa manga koano ngone homoi-homoiino, masara nagali nanga agama ma pareta hohidifikiri. Ho gea minileha, Ngona nato ma tiwi gea itiai hohidoaka unangika eko ngaro ufa hohidoaka? Sarakia Ngona?”

Matiusu 22:19

Abeika niaoino moi o tiwi ise-senge abe biaha o nyawa yapake la yofangu ma pajaka, la gea ka idadi tolegahi.” De ahao gea moi iwihidoaka de ahao

Maruku 12:5

De ahao ma redi ma dutu womatengoli wihidingoto ai redi yogoa-goanika, masara una gea iwitomaka dika. Hokogea idadi ho ai huhuloko yamuruonohi naga ho onangoli wahidingoto yomatengo-tengo, de utu yapoha-poha dika, ma utu yatomakali.

Maruku 2:8

Ma ka de hokogea yotemo ngaro manga hiningaka dika de o Yesusu duru wohiorikoka hokokia itagi manga hiningaka. Ho wotemo onangika wato, “Adodoa ho ka doka dika nia hiningaka de nitemo-temo hokogea? Marai niato to Ngohi ahi kuaha ko iwa?

Lukasa 10:25

De ma moiukuoli naga womatengo duru wososawaro o Musa ai Paretaino de una woboaino o Yesusino la wato wileha moi Unangika la ai babaluhino ihititi de hiadono ka idadi wikalaki o Yesusu. Ho una gea wileha wato, “Ahi Guru, ngohi kiani o kia todiai la genangino de o wowango ka hiado-adonika tamake?”

Lukasa 20:23

Masara o Yesusu ka de woihene manga leleha de wahiorikoka ma titi to ona manga hininga ma dorou ho watemo onangika wato,

Lukasa 5:22

De o Yesusu duru wohioriki manga demo abe itagi manga hiningaka. Ho wotemo onangika wato, “Adodoa ho doka nia hiningaka de nitemo-temo hokogea? Marai ngini niato to Ngohi ahi kuaha ko iwa?

Lukasa 9:47

De o Yesusu Una wahioriki to ona manga hininga ma dola gea, ho Una wiaoino womatengo o ngofaka ai etetekohi la womaokoino o Yesusu ai datekoka.

Yohanese 8:6

Hokogea ona iwibole ma goa-goa o Yesusika angamoi iwitaili dika ato wotemo sarakia onangika la genangino ihititi la ka idadi iwitae ato walawana Ma Jou ai Paretaika. Masara o Yesusu ko wotemoua womaponuku dika wotuli-tulihi o tonakuku de ai hagaraara.

Hidingoto 5:9

De o Peturusu womitemo wato, “Done sarakia ngini inihinooto nimahikagaro la niwitaili Ma Jou o Womahika? De naa tonihingahu dika abe ma ngorana gea ma poretoka de naga o goo-goduuru abe ahao kangano ani rokata iwingotaka ai honenge ai lungunika, ho naa bootino dika de ngonali iniaoika!”

Himatoko 2:23

De o ngo Isebele gea ami nyawa abe iminii-niiki, ona ahao tahibinaahaka de o hohonenge. De ahi hohowono gea ona yamakeoka de ahao o gareja ma doomu mata-mataika duru ihioriki abe Ngohi duru tatailako o nyawa manga hininga ma dolaka de manga hidee hokokia manga hininga ma goronaka, de gea ahao tahibalaha onangika abe hokokia imakiniiki de manga hininga gea. Ho o gareja ma doomu mata-mata ka idadi duru ihioriki abe ngaro nginioo, ma gea ngini homoi-homoi tohibalaha nginika abe hoka duru imakiniiki de ti ngini homoi-homoiika nia wowango ma datoro hokokia.”