Matiusu 22:15 - Ma Jou ai Demo-demo o Totobelohoka

¹⁵ De ipaha de o Farisi manga doomuino ma nyawa yomatoomuino de yomakoketemo abe ma titi hokokia iwileha o Yesusika la wahowono ai bobaluhu de ihititi genangino la ka idadi iwitae.

Matiusu 22:15 ပူးပေါင်းရင်းမြစ်များ

Higiriiri 2:2

Abeika o dunia ma kokoano yomaketerimoi yomahidiai yoparangi, De naga utu o dimo-dimono yolingiri o lolaku ma dodagi, Manga hidee ma dorou gea ato ihidagi Ma Jou o Yaweika, Hiadono ato yahikala Ma Jou de ma koano abe Una womadingakoka.

Yeremia 18:18

De ahao ma nyawa gea yomakoketemo ato, “Irahai la ngone hihitogumu dika o Yeremia gea la ibootohi hotobaihene ai demo! Angamoi nagahi nanga gogianongoru utu abe ka idadi inahingahu-ngahu Ma Jou ai demo ngoneino. Abeika, naga ngoneoka o hidemo ma nyawa Ma Jouiye de nanga balu-baluhu abe yososawaro de Ma Jou ai uru ma dodofanga utu, de ona mata-mata ka idadi inadofanga to Una ai demo ngoneino. Ho koaho hiwea-weara dika o Yeremia ai romanga de nanga dadae ma demo la ka idadi hikiniiki ngoneoka de waika ma homoaika. De gea ahao ngaro ufa de ngone hitoihene to una ai demo-demoika!”

Matiusu 12:14

De o Farisi ma nyawa ka de gea yamake de yosoboka de yahoko manga dodiawo la yomatoomuino de yomakoketemo ma titi o Yesusu. Abe gea yomakokeleha hokokia ma ngekomo irahai la ka idadi o Yesusu iwitoma.

1 Korintusu 7:35

De ahi higaro naa mata-mata tinihidoaka nginika la idadi nia utumu, de ko ma titiua ngohi tato tinihidapakiti naa de o pareta. De ngohi duru toigo la ngini niamake ma hohailoa de ka idadi ngini niwileleani nanga Baluhu idodutuika, de gea nia hininga homoi-homoi ko iregua.

Ibarani 12:3

Ho abeika ngone hongano-nganono abe ma titi o Yesusu ai dongohono ma oraha Una o dunia ma lokuokahi womanoa. De gea ngaro o nyawa duru iwilawa-lawana Unangika masara Una womatongohono hiadono ko worehenua o totiai ma ngekomoka de aino. De to Una ai dongohono gea hongano-nganono la ufa ngone nanga hininga itubuho hiadono nanga ngongaku Unangika homahipipidili genangino.