Matiusu 22:14 - Ma Jou ai Demo-demo o Totobelohoka

¹⁴ De hokogea o Yesusu ai hiketero ma ade-ade wabooto de ahao wahitararono onangika wato, “De gea ahi hiketero ma ade-ade ma demoino de ka idadi hamake abe Ma Jou wahoko o nyawa mata-mataika la yoboa Unangino, masara ko mata-mataikaua abe iwihigihene hiadono yodadi to Una ai nyawa idodutu abe ahao wahikoano ona gea.”

Matiusu 22:14 ပူးပေါင်းရင်းမြစ်များ

Matiusu 20:16

De o Yesusu wato, “Hokogea ahi hiketero ma ade-ade. De genangino ka idadi hamake Ma Jou ai hininga abe ahao ma oraha Una wahikoano ai nyawa. Angamoi igoungu naga o nyawa abe ma oraha naa ona manga gogere hatoli ikurutiye masara ona gea ahao wahitipokouku Ma Jou abe ma oraha ahao iboa. De o nyawa utuoli naga abe ma oraha naa ona ka yotipokoukuohi, masara ahao Ma Jou wagoraka ona gea de wahitihira la manga gogere ikurutiye o Horogaka.”

Matiusu 24:22

De tanu o kokangela ma oraha gea hatoli itedekana de o nyawa mata-mataika o duniaka naa ahao yahikokibinaahaka, masara Ma Jou ahao wabatingi o kokangela ma dekana la ufa hiadono o nyawa mata-mata yokokihonenge. Abe gea Una wato, ‘Masara naga to Ngohi ahi nyawa abe duru tasanangi onangika, ho naa tabatingi o kokangela ma dekana la tato ufa ahi nyawa gea yokokihonenge.’”

Matiusu 24:24

Angamoi naga manga ngoe ahao yoboaino de yomahiromanga ato, ‘Ngohi naa ma Koano abe Ma Jou winihibehehongoka,’ eko utu ato, ‘Ngohi naa Ma Jou ai uru ma dodofanga,’ masara ona gea yotobabudi dika, ko yagou-goungua. De ona gea o heheranga ma ago-agomo yahimatoko o nyawaika la ato yomahitaana abe manga dodunguu gea Ma Jouoka de aino. Gea yodiai la ato o nyawa yabudi, de tanu yoigo ato Ma Jou ai nyawaikaoo yabudi, masara gea ko adadiua yabudi onangika gea.”

2 Peturusu 1:10

Ho ahi gogianongoru, ufa ngini nimaaduru hoka onangoli gea, masara koaho nimaribuutu la nimahitaana abe ngini niagou-goungu niwiniiki Ma Jouika. De kiani hokogea nidiai angamoi Una gea winiahokoka de winiirikoka la nidadi to Una ai debi-debini ma nyawa, ho kiani ka ihikaika niwiniiki Unangika. De nako ka ihikaika ti ngini nia hininga hokogea, de gea ahao nibitumoka nia ngongakuoka de ko idadiua nirehene genangino.

Himatoko 17:14

Ho ona de ma aewani yoiki yomakuduhunu iwiparangi abe o Domba ma Ngofakika, masara o Domba ma Ngofaka de to Una ai nyawa ahao yahikala, angamoi Una gea o balu-baluhu mata-mata manga Baluhu idodutu de o kokoano mata-mata manga Koano. De ai nyawa abe iwinii-niiki, ona gea abe Ma Jou wahokoka manga ngongakuino de wairikoka la yodadi ai nyawa, de ona duru yatobagou-goungu iwiniiki Unangika.”