Matiusu 21:46 - Ma Jou ai Demo-demo o Totobelohoka

⁴⁶ De ona manga hininga duru iwingamo Unangika, ho tanu ma oraha gea dika de o Yesusu iwitaokino masara ko idadiua angamoi yohawana abe o nyawa yowoe-woeika. Abe yowoe-woe ona ato o Yesusu Ma Jou ai uru ma dodofanga womatengo. Ho ka iwinoaika dika de ko iwitaokuali.

Matiusu 21:46 ပူးပေါင်းရင်းမြစ်များ

Matiusu 21:11

De o Yerusaleeme ma nyawa utuoli abe iwibuhuku de iwihigilolitino o Yesusu ona yopaluhu ato, “Naa Una o Yesusu, Ma Jou ai uru ma dodofanga abe o Nasaretino woboa abe gea o Galilea ma tonakoka.” Hokogea to ona manga hininga ma sanangi ma demo ma oraha iwidafongo o Yesusu.

Matiusu 21:26

De masara nako hipaluhu hato, ‘O nyawaka dika de aino ai kuaha,’ de done sarakia, angamoi nanga kokawaaha ona ko manga ngoe iwingaku abe o Yohanese una Ma Jou ai uru ma dodofanga womatengo. Ho nako hipaluhu hokogea ahao ma kokawaaha duru inangamo ngoneino de marai o huruhara ihititi genangoka! Ho ngone done sarakia?”

Matiusu 21:45

De o Yesusu wotemo ibooto de o Yahudi ma nyawa manga hidemo Ma Jouiye yokokurutiye de o Farisi manga doomuino ma nyawa ona gea duru yomahiorikoka abe o Yesusu ai hiketero ma dumutu onangika abe tanu wahiketero ona o Yahudi ma nyawa manga hohidimono, abe ona hoka o nyawa gea yotobagoa-goana o angguru ma redi, de abe ona gea iwioluku Unangika.

Matiusu 22:1

Ka de gea ipaha de o Yesusu wahingahu onangika o hiketero ma ade-ade moioli. De Una wotemo wato,

Maruku 11:18

De o nyawa yowoe-woe genangoka o Yesusu wahiheranga ma titi ai demoino gea onangika. De ona abe yodadi manga hidemo ma nyawa yokokurutiye Ma Jouika de ona abe yotobadoto-dotoko o Musa ai Paretaino, onangoo naga yoihene ai demo gea de yamake abe yowoe-woe duru wahiheranga. Ho ona gea yohawanoka de yomakoketemo ato, “Done naa o kokawaaha ahao ko inaniikokaua.” De gea yomulaengoka iwihidee la ato o Yesusu iwitoma.

Lukasa 7:16

De ona mata-mata genangoka duru yokokihawanoka de ona iwihigogiriiri Ma Jouika ato, “Ma Jou ai kuaha de ai duduhunu duru o wange naa dika de itagi ngoneuku to Una ai nyawauku!” De utu iwihigiriiri ato, “O wange naa Ma Jou wihidingotoka ai uru ma dodofanga nanga hidogoronaino naa, de una duru de ai kuahaka!”

Lukasa 7:39

De ma Farisi ma nyawa o Simono, abe una wiahokino o Yesusu ai tauino, una womatemo doka ai hiningaka wato, “Naa duru itararono abe Una naa ko Ma Jou ai uru ma dodofangua. Angamoi nako hoka wagou-goungu Ma Jou ai uru ma dodofanga womatengo, gea ka idadi womihioriki abe muna gea miso-soika ami wowango hokokia, angamoi to muna ami wowango duru itotorou!”

Yohanese 7:30

Ka de ai demo gea yoihene de o Yahudi ma nyawa genangoka duru ihitaili iwitaoko o Yesusu masara ko moiua ka idadi iwiso angamoi ma oraha ko adonuahi abe o nyawaino ka idadi iwitaoko.

Yohanese 7:7

De hokogea angamoi nako ngini naa ko iwa ma titi hiadono o dunia ma nyawa inidohata, masara Ngohi naa ihidohata angamoi ka ihikaika tahidumutu manga datoro itorou ho hiadono ihidohata Ngohino.

Hidingoto 2:22

De o Peturusu ka wotemohi onangika wato, “Ngini o Isiraele ma nyawa kiani nitotoihene ahi demoino! Naa ma duru o Yesusu, abe o Nasaretoka ma nyawa gea, Una wowango ti ngini nia hidogoronaka. De ma oraha gea de Ma Jou winihitaana nginika abe ma titi o Yesusu Una duru wagoungu nanga Mesia, Ma Jou ai Ngofaka abe wodiai o heheranga ma dodunguu ma ngoe Unangino. De gea wodiai duru ti ngini nia hidogoronaka la ka idadi niamake to Yesusu ai kuaha de ai buturungu duru kohaamoko.