Matiusu 21:34 - Ma Jou ai Demo-demo o Totobelohoka

³⁴ De ipahaino naga ma oraha ai redi naga de ma hasiloka, de o redi ma dutu ai huhuloko yamuruono naga wahidingoto yogoa-goanika la wato yale ma hasili ma hononga o angguru ma redino gea.

Matiusu 21:34 ပူးပေါင်းရင်းမြစ်များ

Yesaya 5:4

“De Ngohi ka o kiali ka idadi todiai la tobaliara irahai ahi redi la ma hasili irahai? De adodoa ho ahi redi ihihofoko de ihihidoaka o fuhuku ma hofoko ma suka-suka? Angamoi Ngohi duru tonganono ma hofoko ma muti-mutiti genangino.”

Matiusu 21:35

Masara ma gogoana gea ahao yataokino ma huhuloko gea de womatengo onangino iwipoha-poha, de womatengoli iwitomaka, de womatengohi iwihakaru unangika hiadono unangoo wohonenge.”

Matiusu 21:38

“Masara ka de yogoa-goana iwimake de iwihioriki abe ma redi ma dutu ai ngofaka woboaino de ona yomahikagaro ato, ‘Una gea o redi ma dutu ai ngofaka. Abeika hitoma la naa ai oara mata-mata homahitongoneoka dika!’

Matiusu 21:40

De o Yesusu wotemohi o Yahudi ma nyawa manga hohidimonika wato, “Masara naa moi tinileha. Nako ngini, o angguru ma redi ma dutu gea ahao woboali ai redika de koaho o kia wodiai onangika abe yotobagoa-goana to una ai redioka?”

Matiusu 21:41

De o hohidimono gea yopaluhu ato, “Nako ngomi miato koaho una woboa la ona abe ai redi yogoa-goana de abe yotobatorou, koaho wahibinaaha de o hohonenge ma dorou onangika. Wahibinaaha ibooto de ahao o nyawa utuoli wairiki la onangoli ahao yogoa-goana ai angguru ma redi gea, la nako adonoka ma oraha abe ahao amake o redi ma hasili de ona iwihidoaka ma dutuika ma hasilino ma hononga ai angguru ma redino gea.”

Matiusu 22:3

De o nyawa manga ngoe ma dihiraino de wahingahuokau de wahokino la nako ma oraha adonoka de ka idadi yoboaino de yaniiki ma rame-rame gea. Ho ipaha de ma oraha adonoka, ho ma koano wahuloko ai duduhunu yamuruono naga la yoiki onangika abe ma koano wahingahuoka la ona ato, ‘Adonoka ma oraha abe ma koano ai ngofaka woilaka, ho ngini niboaino ma gogilaka ma rame-rameino!’ Masara gea barikua wahokoka ma ona yoluku yoboa!”

Maruku 12:1

De ahao o Yahudi ma nyawa manga hohidimono gea nagahi o Yesusoka de Una womulaenge wodotoko abe wahiketero ona, wato, “De naga womatengo o angguru ma redi wodatomo. Wodatomo ibooto de wohigilolitino wadaduhu ma redi gea. Wadaduhu ibooto de ahao wofaiti o humu moi abe o angguru ma teongo ahao ihahuru genanguku. De ahao moi wodiai abe o redi yogoa-goana manga tau. De gea mata-mata wabootoka de o nyawa yamuruono naga ahao wahewa la wato ona yoogoana to una ai redi gea. De o redi ma dutu de yogoa-goana yomahiketehibehehongo la nako adonoka ma oraha abe ahao amake o redi ma hasili, de ahao ma hasili gea yaregu la ahao ma hononga iwihidoaka o redi ma dutuika. De yomahiketehibehehongo ibooto de ahao o redi ma dutu wosoboka de wotagi-tagi o tonaka utuikali.

Maruku 12:7

Masara ka de woboa de abe ma redi yogoa-goana yomahikagaro ato, ‘Una gea o redi ma dutu ai ngofaka. Abeika hitomaka la naa ai oara mata-mata homahitongoneoka dika!’

Maruku 12:9

De o Yesusu wotemohi o Yahudi ma nyawa manga hohidimonika wato, “Masara naa moi tinileha. Nako ngini, o angguru ma redi ma dutu gea ahao koaho o kia wodiai? Iya, Ngohi tato koaho una ma hirete wolio ai redika la ai redi yogoa-goana koaho wahibinaaha. Wahibinaaha ibooto de ahao o nyawa utuoli wairiki la onangoli ahao yogoa-goana ai angguru ma redi gea. Hokogea Ngohi ahi hininga.”

Lukasa 20:9

De ahao o Yesusu wotemo o nyawa yowoe-woeika de o hiketero ma ade-ade moioli wato, “De naga womatengo o angguru ma redi wodato-datomo. Ho wodatomo ibooto de o nyawa yamuruono naga ahao wahewa la wato ona yoogoana to una ai redi gea. De o redi ma dutu de yogoa-goana yomahiketehibehehongo la nako adonoka ma oraha abe ahao amake o redi ma hasili, de ahao ma hasili gea yaregu la ma hononga iwihidoaka o redi ma dutuika. De yomahiketehibehehongo ibooto de ahao o redi ma dutu wosoboka de wotagi-tagi o tonaka utuikali la ai dekana womanoa genangoka.”