Matiusu 21:13 - Ma Jou ai Demo-demo o Totobelohoka

¹³ De gea waduhu ai gogiriaka de wataere onangika wato, “Abeika nitotoihene Ma Jou ai Demo-demo abe ma dihira ihitulihukuoka. Ma dihira gea Ma Jou wotemo hokonaa wato, ‘Ahi tau ahao ihiromanga o niniata ma tau la ka idadi o nyawa yoboa ahi tauino naa de yomaniata Ngohino.’ ‘Masara ngini naa nihidadioka Ma Jou ai Tau yotobarusi-rusi manga ngi.’”

Matiusu 21:13 ပူးပေါင်းရင်းမြစ်များ

Yesaya 56:7

De onangoo gea ka idadi yoboaino ahi loku ma debi-debinino o Yerusaleeme ma kotaka la yomahuba-huba Ngohino de gea tasanangi dika onangika. Abe ona ahao tadiai la manga hininga aomanga de o garago ma oraha yoboa ahi Tauino abe genangoka o nyawa yomaniata Ngohino. De ngaro manga huhuba de manga hidoaka abe o huhuba ma ngioka ihidoa-doaka masara enangoo ka idadi todafongo, angamoi to Ngohi ahi Tau gea ihiromanga o tau abe o dunia ma nyawa mata-mataika ka idadi yomaniata genangoka.

Matiusu 2:5

De ona yopaluhu o Herodesika ato, “Una kiani womaboa o Beteleheeme ma kapongoka abe o Yudea ma tonakoka. Gea hohiorikoka angamoi abe ma dihira Ma Jou ai uru ma dodofanga o Mika wonahingahu wato,

Maruku 11:17

De gea ipaha de ahao o nyawa genangoka wadotoko wato, “Abeika nitotoihene Ma Jou ai Demo-demo abe ma dihira ihitulihukuoka. Ma dihira gea Ma Jou wotemo hokonaa wato, ‘Ahi tau ahao ihiromanga o niniata ma tau la tato o nyawa o kia-kiaka dika o duniaka naa ma ka idadi yoboa ahi tauino naa de yomaniata Ngohino.’ Masara ngini naa nihidadioka Ma Jou ai Tau yotobarusi-rusi manga ngi.”

Lukasa 19:45

De o Yesusu ona yowohama o Yerusaleeme ma kota ma goronaika de yogila-gilaika Ma Jou ai Tau ma loaika. De Una wowohamika de naga wamake o nyawa yomatiwi-tiwi genangoka, abe utu yotobafuku-fukunu o aewani la o nyawa yomaija de yomahihuba de o aewani gea. Ho ka de gea wamake de Una womulaenge waduhu ona gea Ma Jou ai Tau ma loaka de aino.

Lukasa 19:46

De abe ma oraha waduhu de wataere onangika wato, “Abeika nitotoihenohi Ma Jou ai Demo-demo abe ma dihiraino atulihukuoka. Ma dihira gea Ma Jou wotemo hokonaa wato, ‘Ahi tau ahao ihiromanga o niniata ma tau, masara ngini naa nihidadioka Ma Jou ai Tau yotobarusi-rusi manga ngi.’ Hokogea itemo Ma Jou ai Demo-demoka.”

Yohanese 15:25

Ma kiani hokogea la idadi duru imaketero hoka itemo Ma Jou ai Behehongo ma Bukuoka abe naga moi itemo ato, ‘Ona ihidohata Ngohino ngaro duru ko iwa ma titi Ngohioka.’”