Matiusu 20:9 - Ma Jou ai Demo-demo o Totobelohoka

⁹ “Ho ai duduhunu wahokino ona abe o takoro motoa o bimaowaka yomulaenge yokarajaanga ma redioka, de ona homoi-homoi yamake manga tiwi o haaka moi, abe gea biaha o nyawa yamake nako o wange moi ma gahumu yokarajaanga.

Matiusu 20:9 ပူးပေါင်းရင်းမြစ်များ

Matiusu 20:10

De ipahaino de onangoli wahokino abe hatoli ka o ngoruminohi de wahikarajaanga. De ona gea manga hiningaka yato bote ahao utuohi ilamoko to ona manga hasili manga karajaangino, angamoi manga dekana yokarajaanga. Masara onangoo yamake o tiwi o haaka moi dika, abe imaketero hoka ona utuoli ikuranga yatedekana yokarajaanga.

Matiusu 20:2

De ona de ma dutu yomahiketehibehehongo la bootino o bobimaowaka de wahidoaka onangika o tiwi o haaka moi, abe gea biaha o nyawa yamake nako o wange moi ma gahumu yokarajaanga. De yomahiketehibehehongoka de una wahuloko la yoiki ai redika de yokarajaanga, ho yosobo.”

Matiusu 20:8

“De o wange ihumuririhuku ho ma dutu wahuloko ai duduhunu abe wahitobahiaturu ona yotobakarajaanga wato, ‘Abe ona yokarajaanga o wange naa, ona mata-mata nahokino de manga karajaanga ma hasili nahikokidoaka onangika gea. De ihira-hira nahokino ona abe ahao kangano o takoro motoa de tahikarajaanga. De ahao ona abe o takoro hange de ahao yomulaenge yokarajaanga, onangoli nahokino. De ka hokogea dika hiadono ona abe yohira-hira yokarajaanga, ona ma bobahaka de ahao nahokino de nahidoaka manga karajaanga ma hasili.’ Hokogea wihuloko ai duduhunika.”