Matiusu 20:5 - Ma Jou ai Demo-demo o Totobelohoka

⁵ “Ho ipahaino o wange ikorona adonoka de woikoli de wamake o nyawa utuoli de onangoo wahikarajaanga. De to una ai behehongo ma demo onangika ka imaketero dika abe hoka ona kangano wahikarajaanga, abe wato, ‘Bootino o bobimaowaka de nia utumu o kia dika itiai de ti ngini nia karajaanga, gea ahao tinihidoaka nginika.’ Ho onangoli yosobo yokarajaanga.” “De ino de o wange ilobioka abe ngade-ngade o takoro hange de wohupuoli de naga utuoli abe wamake de wahikarajaanga, de ai behehongo ma demo onangika ka imakadaene dika abe hoka kanganoinoli.”

Matiusu 20:5 ပူးပေါင်းရင်းမြစ်များ

Matiusu 20:4

Ho o redi ma dutu onangoo wahikarajaanga de wahibehehongo onangika wato, ‘Bootino o bobimaowaka de nia utumu o kia dika itiai de ti ngini nia karajaanga, gea ahao tinihidoaka nginika.’ Ho onangoo yosobo ai redika la yokarajaanga.”

Matiusu 20:6

“De inoli abe ngade-ngade o takoro motoa o bimaowaka de ma redi ma dutu wohupuoli ma kapongika de ka wamake o nyawa utuoli abe yomakoketemo dika ma ko kia-kiaua yodiai. De onangika una waleha wato, ‘Adodoa ho ngini kanganohi de ko nikarajaangua?’”

Matiusu 27:45

De o wange ikorona abe o takoro ngimoi de hinooto de o tonaka gea mata-mataika duru ifufutu hiadono o wange ikumurukiha abe o takoro hangeino.

Yohanese 1:39

De o Yesusu wopaluhu onangika wato, “Ka idadi nihiniiki naa la nihioriki.” De yahinooto gea iwiniiki o Yesusu ho yomahiadonoka ai ngiika. Gea yomahiadono o bimaowaka abe o takoro iata. De o wange gea yomahidogogere genangoka de o Yesusu.

Yohanese 11:9

De o Yesusu wopaluhu onangika la ihioriki ko kia-kiaua ahao idadi onangika ma dorou nako ma oraha ko adonuahi Ma Jou wahigunoa la yamake. Abe Una wotemo wato, “Sarakia ka o wangeohi naa naga? Nako o nyawa yotagi-tagi o wange-wangeoka ngaro o kia dika naga manga dodagioka ma ko yoduhuputua. De imaketero hokogea onagona dika abe yahitararono de Ma Jou ai mau ko idadiua manga wowango ihihanga Unangoka.

Hidingoto 10:3

Ho o wange moiuku abe ngade-ngade o takoro hange o bimaowaka de una wamake o himatoko moi abe Ma Jou ai malaekata womatengo naga woboa unangino. De ma malaekata gea wiahoko unangika wato, “Koroneliusu!”

Hidingoto 10:9

De ma dawangeino de ona yaruange gea ngade-ngade yomahiadono o Yope ma kapongika. Masara ko yomahiadonuahi de doka o Yopeoka o Peturusu wodoaiye o tau ma lokuiye abe ma baka-baka gea la womaniata genangoka. De itigioka o wange ikorona

Hidingoto 3:1

De o wange moiuku de o Peturusu de o Yohanese ona yahinooto yoiki Ma Jou ai Tauika la ato yaniiki o niniata ma doomu abe o wange-wangeiye o bimaowaka de o nyawa yomatoomuino genangoka la yomaniata.