Matiusu 20:21 - Ma Jou ai Demo-demo o Totobelohoka

²¹ De o Yesusu wotemo wato, “Ho ani gogahoko Ngohino o kia?” De muna mopaluhu mato, “Marai togahoko tato abe ahao ma oraha o nyawa nahikoano, toigo la kiani ahi ngofaka yahinooto naa onangoo yokoano de de Ngona. De ma oraha o nyawa inihigiriiri de nogogeruku ani pareta ma kaderaka de o nyawa nahikoano, de onangoo ato yogogeruku ani arigumurukoka la to onangoo manga kuaha naga. De moi ani nirakoka yogogere, de moi ani gubadioka yogogere.”

Matiusu 20:21 ပူးပေါင်းရင်းမြစ်များ

1 Kokoano 2:19

De ahao o ngo Baseba muna moiki ami ngofaka o Saloomoika la midofanga o Adonia ai demo unangika. Ho momahiadono ai himangoka de ma koano una naga wogogeruku ai kaderauku. De una womimake ngoi meme moboaino de una womaokoiye de ahao ai pea womaponuku la ai horomati womahimatoko munangika. Gea ipahaino de ahao womagogerukuoli ai kaderauku de wahuloko ai nyawaika la yaoino o kadera moioli la ka idadi ngomi memeoo mogogeruku. Ho o kadera yaoino de yakelenga to ma koano ai nirakoka de ahao muna mogogere ai datekoka gea.

1 Kokoano 3:5

De ahao ma futuku gea de o Saloomo ai giooko ma gogiriaka de Ma Jou womahimatoko unangika ai buluhara ma goronaka. De gea Ma Jou wotemo unangika wato, “Ngona ka idadi nomagahoko moi Ngohino de gea Ngohi tosanangi dika tonihidoaka ngonaika.”

Estere 5:3

De ahao o koano womileha munangika wato, “O kia ma titi ho hiadono ngona ngohi fekata noboa nohitutumu? Estere, marai naga ani perelu hiadono noboa ngohino la o duduhunu nomagahoko e? De ka idadi ngona nomagahoko o kia dika noigo de abeika nako ko tonihidoakua. Angamoi ngaro noigo la ahi tonaka de ahi kiahonanga mata-mata abe ngohi tohikoano kiani taregu hinooto la o regu moi idadi to ngona, de o regu moi to ngohi, ma, ngohi ka tosanangi dika tonihidoaka.” Hokogea o Ahasi-weroso womihibehehongo o ngo Esterika.

Matiusu 18:1

De ma oraha gea iwinii-niiki yoboa o Yesusino de iwileha Unangika ato, “Nako ahao dokena nanga himangika de Ma Jou wonahikoano ngone abe to Una ai nyawa, sarakia, ma oraha gea de nako ngomi imingimoi de imihinootoino, ka onagonahi mikurutiye?”

Matiusu 19:28

De o Yesusu wahingahu wato, “Naa duru tagou-goungu tinihingahu nginika, abe dokena nanga himangika ma oraha Ngohi o Nyawa ma Ngofaka tahikoano ahi nyawa de togogerukuoka ahi pareta ma kadera ma hohailoaka abe ma debi-debini, de ma oraha gea ahao nginioo naga de de Ngohi. Abe ngini nihitobanii-niiki niborigogeruku o kadera ma hohailoaka abe naga ngimoi de hinooto homoi-homoiika. Abe ahao ngini nia kaderaka gea la genangoka de niatobauru-urusu o Isiraele ma nyawa mata-mataika, abe ona manga doomu ngimoi de hinooto angamoi yomahidutu o Isiraele ai ngofaka abe yangimoi de yahinootoino.”

Matiusu 20:22

De o Yesusu watemo onangika wato, “Ngini naa niato nihidodiawo ma oraha o nyawaika tahikoano, masara bote ngini ko nihiorikuahi abe nagali ma kokangela kiani niohimangohi nako nioigo la ahao nidadi o koano. Ho marai duru ko nihiorikuahi abe nimagahokoka. Ho gea abe ma oraha ahi kokangela tohimanga, sarakia, ma oraha genangoo ka idadi niapoa nihidodiawo?” De ona yahinooto iwipaluhu Unangika ato, “Iya. Ngomi ka miakunu hokogea.”

Matiusu 20:32

De o Yesusu woihene manga demo gea de womatogumuku o ngekomoka de wahoko ona yahinootoika wato, “Ngini o kia nimagahoko Ngohino la niato tiniduhunu?”

Maruku 10:51

De wiadonoka de ahao o Yesusu wileha unangika wato, “Ngona o kia nomagahoko Ngohino la nato toniduhunu?” De worafi-rafi gea wipaluhu wato, “Ahi Baluhu, duru toigo tomahioriki.”

Maruku 16:19

De nanga Baluhu idodutu o Yesusu hokogea wahibehehongo de ahao iwigoraka daku o Horogaiye. De daku o Horogaka de o Yesusu wogogeruku Ma Jou o Baba ai nirakoka la yomakutuono yahikoano mata-mataika.

Maruku 6:22

De ahao o ngo Herodiasa ngomi ora moboa de moselo-selo manga hima-himangoka de duru mahisanangi o Herodese de ai dodiawo genangoka. De o Herodese wotemo munangika wato, “O kia dika nomagahoko ngohino, gea de ahao ka idadi tonihidoaka.”

Lukasa 18:41

“Ngona o kia nomagahoko Ngohino la nato toniduhunu?” De wipaluhu wato, “Ahi Baluhu, duru toigo la tomahioriki.”

Lukasa 19:11

De ipahainoli de naga o nyawa yotoihene o Yesusu ai demoino. De ahao wohidogo wadotoko de o hiketero ma ade-ade, angamoi ona hatoli yotigika o Yerusaleeme ma kotaiye. De ona manga ngoe ato bote ma oraha yomahiadoniyeoka o Yerusaleemiye de ahao imulaengoka abe Ma Jou wahikoano ai nyawaika. De gea ma titi hiadono ai hiketero ma ade-ade wahidoaka, la wahingahu onangika abe ma oraha ko yadonuahi abe ai nyawa Ma Jou wahikoano. De Una woigo wahingahuoo abe ma titi kiani yowango hokokia ma oraha Una wosoboka de ko woliouahi o duniauku.

Lukasa 22:24

De ahao ona yomulaenge yomaketeribuutu abe ma titi ahao dokengika de onagonahi duru yokurutiye Ma Jou ai himangoka abe ma oraha Una wahikoano ai nyawaika.

Yohanese 15:7

“Ma nako ka ihikaika nia gogere Ngohioka gea niogoana, de ahi demo-demo ka ihikaika imanoa nginioka, de ahao ngaro o kia dika nimagahoko o Babaiye gea ahao wodiai.

Hidingoto 1:6

De abe ma oraha o Yesusu nagahi de ona abe iwinii-niiki de ona iwileha Unangika ato, “Mia Baluhu, sarakia, marai ma oraha naa dika de Ngona ka idadi nomihihohe o homoa ma nyawa manga paretaino la Ngona dika nodadi ngone o Isiraele ma nyawa nanga koano?”

Roma 12:10

De kiani nimakodora de nia hininga ma gahumu abe hoka itiai o ria-dodoto o tau moioka yomakodora. De kiani ngini duru nimaketehoromati la hiadono ko ti nginiua ma hirete nia perelu nihitihira masara nia gogianongoru manga perelu enangohi niolegaika.

Kolose 3:1

Kangano tinihitararono ma titi abe nako Ma Jou winihidohonengoka ka ma moi de o Kristusu, gea ma titi hiadono tanu ko idadiokaua nianiiki nia wowango ma dihira abe ihititi o dunia ma biahaino. Ho naa moioli tinihingahu, abe ngini winihikokimomikoka ka ma moi de o Kristusu! Ho mangale ma titi gea ho kiani ka ihikaika nia hininga ma dumutu itagi o Horogaika de abe to Una ai mau ngoneino niatobanii-niiki. Angamoi ngone hohioriki o Kristusu Una gea wogogere daku Ma Jou ai nirakoka la Unangoo o dunia wohipareta ai Baba ai datekoka.