Matiusu 20:17 - Ma Jou ai Demo-demo o Totobelohoka

¹⁷ De ipahaino de o Yesusu de iwinii-niiki de o nyawa utuoli yowoe-woe yomakiniiki yoiki daku o Yerusaleeme ma kotaiye. De manga dodagi ma goronaka de o Yesusu wahidohikika ona yangimoi de yahinooto o ngekomo ma datekoka la ka ona dika de womahingahu abe ahao idadi hokokia Unangika.

Matiusu 20:17 ပူးပေါင်းရင်းမြစ်များ

Dodadi 18:17

De Ma Jou o Yawe ai hiningaka womatemo wato, “O Abarahaama naa tiirikoka la wodadi ahi dodiawo, de una ahao ai ngofa-ngofakuku wadotoko la to ona manga wowango hoka to unangoli ai wowango itiai. Abe wahidumutu onangika o ngekomo igou-goungu la duru yaniiki to Ngohi ahi totiai. De ai totoforauku gea ahao duru ko manga ngoe-ngoeuku de yomahiromanga moi dika ngaro manga dutu manga ngoe. De ona gea ahao yodadi o doomu moi abe duru de manga buturungoka. De ngaro o nyawa utu manga gogere o nuuhu eko o tonaka o kiaka dika, de ngaro hokokia manga demo imaketemomomoi ma, onangoo mata-mataika o dunia ma lokuoka ka idadi ahao yamake ma owa o Abarahaamino. De hokogea idadi la tihidoaka o Abarahaamika imaketero abe hoka tihibehehongokau. De ma titi mata-mata gea tihingahuoka, ho nenangoli abe ahao ibootino todiai o Sodomo de o Gomora ma kota-kotaika, enangoo kiani tihingahu ahi dodiawoika naa.”

Matiusu 13:11

De o Yesusu wapaluhu onangika wato, “Ma dihiraino o nyawa ko ihiorikuahi Ma Jou ai dogogono abe ma titi hokokia Una wahikoano ai nyawaika. Masara ma oraha naa Una ai dogogono gea winihimatokoka nginika abe nihinii-niiki la wato ngini ka idadi nihioriki. Masara naga o nyawa utuoli gea abe tanu ko iwa manga hininga Ma Jouika ho Una ko wahidoakua onangika la wato ufa ihioriki.

Matiusu 16:13

De ipahaino o Yesusu de iwitobanii-niiki ona yoiki o Kaisarea Filiipi ma tonakika. Ho ka de yomahiadonika ma tonakika gea de waleha onangika wato, “Ma oraha o nyawa utuoli ihimake Ngohi naa o Nyawa ma Ngofaka, de ona ato Ngohi naa onaguna?”

Yohanese 12:12

Ho o Yesusu iwihiolomo o Betania ma kapongoka de ahao ma dawangeino woiki wogila-gila o Yerusaleeme ma kotaika. De genangoka o nyawa duru ko manga ngoe abe yoboainokau la yaniiki o Totilakuru ma rame-rame naga yomahikokangahuoka ato, “Bootino o Yesusu woboaino.”

Yohanese 15:15

“Ho abe tomahiketero hoka Ngohi o angguru ma roehe de ngini ma jaga-jaga, gea ma titi hiadono ko tinihiromangokaua ahi huhuloko masara tinihiromangoli ahi dodiawo. Angamoi nako o huhuloko manga dutu, una ko wahingahua ai huhulokika ai hininga ma dola mata-mata. Masara Ngohi hokogenangua ahi hininga hiadono mata-mata abe o Baba wohihingahuoka Ngohino, gea Ngohioo tinihingahuoka nginika.

Hidingoto 10:41

De gea ko ma titiua womahimatoko o nyawa mata-mataika, masara ngomi utu dika abe ma dihirainohi de womiirikokau la wato ahao midadi to Una ai hakihii ma nyawa. Ho ngomi abe miahingahu-ngahu o nyawaika ma titi ai momomiki gea. Abe ngomi naa ma oraha womomikoka ai honengino de ngomi de Una mimakutuono miolomo de miokere.