Matiusu 20:13 - Ma Jou ai Demo-demo o Totobelohoka

¹³ “De ma dutu wopaluhu womatengoika onangino wato, ‘Hobata, ani demo gea ko itaanua, angamoi ngini naa tiniao itiai. Abeika nomahihohininga kangano o ngoru-ngorumino de gea nanga behehongo ma demo hokokia? Gea ngohi de ngini homahiketehibehehongoka abe nako ngini nikarajaanga o wange moi, gea ahao niaborimake ma tiwi o haaka moi, angamoi hokogea biaha o nyawa yamake nako o wange moi ma gahumu yokarajaanga.

Matiusu 20:13 ပူးပေါင်းရင်းမြစ်များ

Dodadi 18:25

Abe done sarakia itiai Ngona Ma Jou nahidobinaaha o totiai ma nyawa de o dorou ma nyawa ka ma moi? Ngona gea ko idadiua! Abe nako hokogea nodiai gea hoka o totiai ma nyawa de o dorou ma nyawa nahidotelega de nato yomaketero dika. Ho gea Ngona ko idadiua! Ngona Ma Jou abe o dunia ma nyawa napareta de nahohowono itiai ho duru igoungu ma totiai dika Ngona naniiki.” Hokogea o Abarahaama wotemo-temo Ma Jouika.

Matiusu 20:14

Ho naa irahai nia karajaanga ma hasili niokokidafongo dika de nikokilioka. Angamoi ngohi naa ka ngohi dika ahi hininga la tahikoketero to ona manga karajaanga ma hasili abe naa ma duru yomulaenge yokarajaanga la imaketero hoka ti nginioli.

Matiusu 20:2

De ona de ma dutu yomahiketehibehehongo la bootino o bobimaowaka de wahidoaka onangika o tiwi o haaka moi, abe gea biaha o nyawa yamake nako o wange moi ma gahumu yokarajaanga. De yomahiketehibehehongoka de una wahuloko la yoiki ai redika de yokarajaanga, ho yosobo.”

Matiusu 22:12

De gea ma koano wamake ho woiki unangika de wato, ‘Hobata, naa ani pakeanga done sarakia? Abeika ona utu mata-mata nenangoka yomahinoaukuoka de o rame-rame ma pakeanga, masara to ngona ani pakeanga ka biaha dika. Ho done sarakia hiadono ngona nato nowohamino de naniiki ma rame-rame naa angamoi ani pakeanga ko itaanua!’ Masara una gea ko idadiua womademo ho ka womarii-riidoka dika.”

Matiusu 26:50

De wibounu ibooto de o Yesusu witemo unangika wato, “Ahi dodiawo, abe nohideeoka nato nodiai, gea nomataiti nodiai.” De ahao ona abe yomakiniiki de o Yudasa ka iwikokitaoko o Yesusu.

Roma 9:20

De nako nia hininga hokogea, marai ahao ngohi tinipaluhu hokonaa. Abe ngohi tato ngone o nyawa ko idadiua homademo Ma Jouika, angamoi ngone ka o nyawa dika, de ko iwa nanga kuaha to Una ai himangoka. Ho done sarakia to Una ai dulaada moi de iwileha Una wotobatulaadaika ato, “Ho Ngona adodoa ho nohitulaada hokonaa?” Gea duru ko itiaiua ma leleha gea! Angamoi nako hoka ngone hitaere Unangika abe wonatotulaada, gea imaketero hato to Una ai kuaha ngoneino gea ko iwa.