Matiusu 2:23 - Ma Jou ai Demo-demo o Totobelohoka

²³ De genangoka ona yogogere o Nasarete ma kapongoka. De hokogea hiadono idadi abe ma dodihiraka Ma Jou ai uru ma dodofanga inahingahuoka abe ona yotemo ma titi o Koano abe Ma Jou wonahibehehongoka. De manga demo gea ihitulihukuokau ato, “Una gea ahao iwifetongo o Nasarete ma nyawa.” De itiai iwihiromanga hokogea angamoi o Yesusu wodalamoko genangoka ho una wodadioka o Nasarete ma nyawa imaketero hoka ma dodihiraka Ma Jou wotemoka.

Matiusu 2:23 ပူးပေါင်းရင်းမြစ်များ

Gegetongo 6:13

De Ma Jou wohigila-gila wahitararono ma hiaturu abe kiani o Nasiri ma nyawa ihioriki, wato, “De hokonaa idadi o Nasiri ma nyawa manga hiaturu abe kiani ona yaniiki nako manga behehongo ma oraha yomatingaka Ma Jou o Yaweika yabootoka. Ka de ma oraha gea yabootoka de kiani yoboa o Hikamake ma Tauika abe Ma Jou ai Tau o Ngoerino.

Matiusu 1:22

De gea mata-mata kiani idadi la duru imaketero abe hoka duru ma dodihiraka Ma Jou wonahingahuokau ngone o nyawaino. Abe ai behehongo gea womatengo wihiakunu ai uru ma dodofanga la una gea wohitulihuku wato,

Matiusu 21:11

De o Yerusaleeme ma nyawa utuoli abe iwibuhuku de iwihigilolitino o Yesusu ona yopaluhu ato, “Naa Una o Yesusu, Ma Jou ai uru ma dodofanga abe o Nasaretino woboa abe gea o Galilea ma tonakoka.” Hokogea to ona manga hininga ma sanangi ma demo ma oraha iwidafongo o Yesusu.

Matiusu 26:71

De ipaha ahao o Peturusu una o loa ma ngoranoka de naga moboaino o ngofeka momatengoli abe munangoo o huhuloko ma nyawa. De muna gea mimake o Peturusu ma ngoranoka de ahao onangika abe yomatoomuino genangoka mahingahu mato, “Una naa maraioka to Una ai dodiawo abe o Nasaretoka ma nyawa gea abe iwihiromanga o Yesusu.”

Maruku 1:24

Abe una wopoaka waamo-amokiye wato, “Adoo! Ngona o Yesusu abe o Nasaretoka de naino noboa, Ngona ka o kia nodiai ngomino? Bote Ngona noboaino la nato nomihibinaaha ngomi naa? Ngohi tonihioriki abe Ngona naa o Debi-debini ma nyawa abe Ma Jou wonihidingoto naanguku!”

Maruku 1:9

De ma oraha gea o Yesusu naga o Galilea ma tonakoka abe o kapongo moi ma romanga o Nasarete ho genangoka de waino woboa o Yohanesino. De o Yohanese wiohiki o Yesusu genangoka o Yorodani ma akeruku.

Lukasa 1:26

De igoungu o ngo Elisabete de ami badangoka. De adonoka ami mede butaangau de duru ma oraha gea Ma Jou ai malaekata o Gabiriele wihulokoli la woikoli o Yudea ma tonaka ma honongaika abe ihiromanga o Galilea. Genangoka naga o kapongo moi ma romanga o Nasarete de Ma Jou wihidingoto ai malaekata o Nasaretika gea.

Lukasa 18:37

De naga iwihingahu abe o Nasarete ma kapongino ma nyawa ai romanga o Yesusu, Una naga woboa ma ngekomino gea.

Lukasa 2:39

Ho ipahaino de o Yusupu de o ngo Maria Ma Jou ai Tauoka yodiai ibooto mata-mata gea abe o Isiraele ma nyawa kiani yaniiki abe ma oraha o ngofaka yomaboaka. Ho gea Ma Jou ai Pareta yaniiki ibooto de ahao yolio o Nasarete ma kapongika, abe gea manga kapongo o Galilea ma tonakoka.

Yohanese 18:5

De ona gea yopaluhu ato, “O Yesusu, o Nasaretino ma nyawa gea.” De o Yesusu wato, “Ngohi Naga.” De o Yudasa, abe wifukunu ai musuika gea, una naga manga hidogoronaka.

Yohanese 18:7

De ahao o Yesusu walehali onangika wato, “Ho naa onagona ngini nialingiri?” De ona yopaluholi ato, “O Yesusu, o Nasaretino ma nyawa gea Una wiwilingiri.”

Yohanese 19:19

De o Pilatusu wahitulihi ma titi o Yesusu ai hohowono de ma dodunguu gea yodiai ibooto de ahao ihidapakuika daku o Yesusu ai gotaka. De wohitulihi ma dodunguuoka wato, “O YESUSU O NASARETINO, UNA O YAHUDI MA NYAWA MANGA KOANO.”

Hidingoto 2:22

De o Peturusu ka wotemohi onangika wato, “Ngini o Isiraele ma nyawa kiani nitotoihene ahi demoino! Naa ma duru o Yesusu, abe o Nasaretoka ma nyawa gea, Una wowango ti ngini nia hidogoronaka. De ma oraha gea de Ma Jou winihitaana nginika abe ma titi o Yesusu Una duru wagoungu nanga Mesia, Ma Jou ai Ngofaka abe wodiai o heheranga ma dodunguu ma ngoe Unangino. De gea wodiai duru ti ngini nia hidogoronaka la ka idadi niamake to Yesusu ai kuaha de ai buturungu duru kohaamoko.

Hidingoto 24:5

Abe ngomi duru wiwietongo unangika gea miato una o nyawa abe ka ihikaika wahikapusaka o nyawa manga hiningaika hiadono o kangela miaohana. De una ka ihikaika wahigaro o Yahudi ma nyawaika la yalawana o Roma ma poparetaika. De gea ngaro nenangoka o Isiraele ma tonakoka de ngaro o dunia ma amokika masara duru ma ngoe idadioka abe una wahikapusaka o nyawa manga hininga hiadono o huruhara idadioka. De una gea wodadioka to ona manga hihira abe o doomu moi ihiromanga ato o Nasaretoka manga doomu.

Hihira 13:5

De hokogea nomagoana ani ngokere de ani ngolomino angamoi ani ngofaka gea Ma Jou womadingakoka la ai wowango ma dumutu ka ihikaika Unangoka dika. Abe ka de una womaboa de ani ngofaka wodadi o Nasiri ma nyawa ho ko idadiua ngini niwiguti ai tadauru ngaro o ngai moi dika, de ko idadiua una womakulu. Abe ani ngofaka iwitingakoka Ma Jouika la una ahao Ma Jou wipake la wodadi womulaenge wahihupu o Isiraele ma nyawa o Filistina ma nyawa manga kuahaino.” Hokogea Ma Jou o Yawe ai malaekata ai hingahu o Manoa ngoi fekatika.

1 Samuele 1:11

De ami niniata ma goronaka muna mihibehehongo Ma Jou o Yaweika mato, “Ma Jou o Yawe abe ka Ngonahi Nopoputurungu, nako Ngona nomalega ahi kangelaika, de naga ani dora ma hiokoo ngohino, tomagahoko ahi Jou ani duduhunu. Ngaro ngohi to Ngona ani gilaongo naa ma tomagahoko la ufa nohiwohanga de nohihidoaka o ngofaka o nauru. De nako ahi ngofaka gea tamake ahao titingaka Ngona Ma Jou o Yaweika ka hiadono ai wowango ma bahaika. De una wodadi o Nasiri ma nyawa ma titi una o nyawa abe Ngona Ma Jou nomadingakoka. Ho ahao naga de ai dodunguuoka abe ko ma iwa ai tadauru aguti eko akulu angamoi una Ngona nomadingakoka la wonileleani ka hiadono ai wowango ma bahaika.”