Matiusu 2:19 - Ma Jou ai Demo-demo o Totobelohoka

¹⁹ O Yusupu de o ngo Maria de o Yesusu ona ka yogogerohi o Mesiiri ma tonakoka de ipaha o koano o Herodese wohonengoka. Gea wohonengoka de nanga Baluhu idodutu Ma Jou to Una ai malaekata gea womahimatokoli o Yusupika ai buluhara ma goronaka.

Matiusu 2:19 ပူးပေါင်းရင်းမြစ်များ

Higiriiri 139:7

Done o kiaika toiki ngohi de ani Womaha ko iwa genangoka? Ngaro tato toara tomatingaka Ngonaino ma ko idadiua.

Matiusu 1:20

Masara o Yusupu ai hininga ma hidee gea ka womahohiningahi de o Yusupu wobuluhara. De ai buluhara ma goronaka de naga Ma Jou ai malaekata womatengo womahimatoko de witemo unangika wato, “Yusupu, to Dautu ai toforauku, ngaro ufa nahuha nomile o ngo Maria gea. Angamoi o ngofaka gea ami pokoroka ko o nyawainoua masara gea Ma Jou o Womaha abe womihidadi de ai kuahaino hiadono ami ngofaka idadi.

Matiusu 2:20

De wihingahu wato, “Yusupu, nengokadau ona ato o Yesusu iwitoma, ona gea yohonengoka. Ho naa nomomiki la ngini nilio o Isiraele ma tonakika ngona de o Yesusu de ngoi meme.” Hokogea Ma Jou ai malaekata ai demo o Yusupika.

Matiusu 2:22

Ho gea yosobo masara ahao o Yusupu woihenoli abe o Herodese ai ngofaka o Akelausu, una wodadi ai baba ai duruuru ho naa unangoli wahikoano ona o Isiraele ma tonaka ma honongaka abe ihiromanga o Yudea ma tonaka. Ho ka de gea woihene, de o Yusupu wohawana wogila-gila manga dumutika gea. De ahao Ma Jou wihitiarioli o Yusupika ai buluhara ma goronaka la manga dumutu waturuuru, ho gea ona o tau moi yoiki o Isiraele ma tonaka ma honongaikali, ma romanga o Galilea ma tonaka.

Matiusu 27:19

De o Pilatusu naga wogogeruku ai pareta ma kaderaka de una walehaka o kokawaahaika masara ona ko yopaluhuahi de naga iboaino o behehongo ma demo abe o Pilatusu ngoi fekatoka de aino mohidingoto. De ami demoka gea de mihibehehongo mato, “Ufa nihohowono Una gea abe ko iwa ai howono, angamoi o futuika de ngohi ahi buluharino de duru ihiruwae ahi hiningaka ma titi Una gea!”

Hidingoto 5:19

Masara ipaha yofutuku de nanga Baluhu idodutu ai malaekata womatengo naga woboaino de wafelengaika o bui ma tau ma ngorana de ahao wahihupu ona ma hoanika. Wahihupuoka de ahao ma malaekata wahuloko wato,