Matiusu 19:8 - Ma Jou ai Demo-demo o Totobelohoka

⁸ De o Yesusu wopaluhu onangika wato, “Iya, igoungu, abe o Musa winihigunoa la niaoluku de hiadono naga o pareta moi wotulihi. Masara gea wotulihi ko ma titiua abe ai hiningaka wato gea irahai dika nimakoluku. Hokogenangua, masara gea wotulihi ma titi ngini nia pea kohadogowini. Abe ngini ma dodihirainohi de ko nihigihenua Ma Jou ai hiningaika angamoi Una gea ko ai hiningaua la ngini nimakoluku.

Matiusu 19:8 ပူးပေါင်းရင်းမြစ်များ

Dodadi 2:24

De Ma Jou o nauru de o ngofeka wahidadi o dodadi moiino la gea yomakuduhunu, de gea ma titi ho hiadono o nauru yomatingaka manga baba de manga memeino la gea yogogere moi de manga fekata la ona yodadioka moi.

Dodadi 7:7

De o Nuhi de ngoi fekata de manga ngofa-ngofaka de manga hunungu yahange gea yokokiwohamika o kapa ma goronaika. Yowohama la ufa hiadono onangoo yalutu o nguihoka.

Matiusu 19:7

De o Farisi ma nyawa ona iwilehali Unangika ato, “Ho nako hokogea Ma Jou ai hininga, adodoa ho o Musa wahigunoa o nyawa la manga fekata yaoluku? Angamoi nako o Musa ai higunoa ma demoka, una wato nako hiadono womatengo wato womioluku ngoi fekata, gea o ngolu-ngoluku ma hurata moi wodiai dika de gea ahao ka idadi womioluku. Ho gea done sarakia?”

Matiusu 19:9

De naa tinihingahu abe o nauru onaguna dika nako womioluku ngoi fekata la ahao o ngofeka moioli woilaka, gea wahowonoka ai badangoka. Masara nako to una ngoi fekata muna mahowonoka de o nauru utuika, gea ahao una ka idadi womioluku munangika de ko wahowonua.”

Matiusu 3:15

De o Yesusu wipaluhu unangika wato, “Marai ma oraha naa dika de kiani nohiohiki Ngohi, angamoi ngone kiani haniiki Ma Jou ai hininga mata-mataika abe ngoneino.” De gea o Yesusu wotemo ibooto de ahao o Yohanese wiohiki o Yesusu genangoka.

Matiusu 8:31

De ma tokata abe yabare-barene ma nauru yahinooto gea duru imagahoko o Yesusika ato, “Nako Ngona nomihititoko o nyawaino naa, duru mimagahoko la nomihidingoto doka o odeika gea la ngomi mimahipooteke genangika!”

Maruku 10:5

Masara o Yesusu wataere wato, “Iya, igoungu, abe o Musa winihigunoa la niaoluku de hiadono naga o pareta moi wotulihi. Masara gea wotulihi ko ma titiua abe ai hiningaka wato gea irahai dika nimakoluku. Hokogenangua, masara gea wotulihi ma titi ngini nia pea kohadogowini. Abe ngini ma dodihirainohi de ko nihigihenua Ma Jou ai hiningaika.

Maruku 16:14

De ipahaino de o Yesusu womahimatokoli abe iwinii-niiki yangimoi de yamoiika. Abe ona gea yolomo manga gogiriaka de onangika womahimatoko de wataere wato, “Ngini naa marai nia ngongaku ikuranga. De adodoa ho kangano manga demo ko niangakua abe ma titi Ngohi tomomikoka? Abe ona ihimake de inihingahu ma gea ngini ko niodafongua. Maraioka ngini nia pea ka itogowinohi, e?”

1 Korintusu 7:6

Masara gea totemo ma ko o paretaua, masara gea o higunoa dika tinihidoaka nginika.

1 Samuele 25:43

De ma dihiraino abe ko woilakuahi de o ngo Abi de o Dautu woilakokau de o ngo Ahinoama abe o Yisereeloka ma nyawa. Ho naa ona yahinooto yodadioka to Dautu ngoi feka-fekata.