Matiusu 19:7 - Ma Jou ai Demo-demo o Totobelohoka

⁷ De o Farisi ma nyawa ona iwilehali Unangika ato, “Ho nako hokogea Ma Jou ai hininga, adodoa ho o Musa wahigunoa o nyawa la manga fekata yaoluku? Angamoi nako o Musa ai higunoa ma demoka, una wato nako hiadono womatengo wato womioluku ngoi fekata, gea o ngolu-ngoluku ma hurata moi wodiai dika de gea ahao ka idadi womioluku. Ho gea done sarakia?”

Matiusu 19:7 ပူးပေါင်းရင်းမြစ်များ

Maleaki 2:16

De to ngone o Isiraele nanga Jou o Yawe Una wotemo wato, ‘Ngohi todohata o ngolu-ngolukika. De onagona dika yaoluku manga fekatika, gea Ngohi tohiromanga tato imaketero hoka o datoro ma dualono yodiai, de manga datoro gea todohata enangika.’ Hokogea Ma Jou o Yawe duru Wokokurutiye ai demo nginika. Ho ngini kiani nimagoana la ka ihikaika niatobagou-goungu nia fekatika.

Matiusu 19:6

Ho ona yahinooto ko yomatengo-tengokaua, masara ona yodadioka yomaketero o badanga moi dika. Ho ona abe Ma Jou wahidadioka o giabereki moi, ufa hiadono o nyawa yahikatingakoli.”

Matiusu 19:8

De o Yesusu wopaluhu onangika wato, “Iya, igoungu, abe o Musa winihigunoa la niaoluku de hiadono naga o pareta moi wotulihi. Masara gea wotulihi ko ma titiua abe ai hiningaka wato gea irahai dika nimakoluku. Hokogenangua, masara gea wotulihi ma titi ngini nia pea kohadogowini. Abe ngini ma dodihirainohi de ko nihigihenua Ma Jou ai hiningaika angamoi Una gea ko ai hiningaua la ngini nimakoluku.

Matiusu 5:31

De o Yesusu ka wogila-gilahi wadotoko onangika wato, “Ngini naa nihiorikoka abe o Musa ai Pareta ma demoka itemo ato, ‘Nako naga hiadono o nauru womatengo wato womioluku ngoi fekata, gea o ngo-ngoluku ma hurata moi ka idadi wodiai dika de gea ahao ka idadi womioluku.’

Maruku 10:4

De ona iwipaluhu ato, “Nako o Musa, una wotulihuku ma pareta abe wahigunoa o nyawa la manga fekata yaoluku. Ho nako hiadono womatengo wato womioluku ngoi fekata, gea ma pareta ato o ngolu-ngoluku ma hurata moi wodiai dika de gea ahao ka idadi womioluku.”