Matiusu 19:5 - Ma Jou ai Demo-demo o Totobelohoka

⁵ De naangoli itemo ato, ‘De mangale ma titi Ma Jou watulaada o nauru de o ngofeka la wato yahinooto gea yodadi o badanga moi, gea ma titi ho hiadono o nauru yomatingaka manga baba de manga memeino la gea yogogere moi de manga fekata la ona yodadioka moi.’ Hokogea itemo Ma Jou ai Demo-demoka.

Matiusu 19:5 ပူးပေါင်းရင်းမြစ်များ

Dodadi 34:3

De yomakitigi ipaha de muna duru ami hininga ihuha masara o Sikeme womilaru wato, “Dina, ahi hininga yadaene ngonaika angamoi duru tonidora.” Hokogea ai demo munangika.

2 Samuele 1:26

Ho ngohi ahi hiningaka de duru tonigari ma titi ngona o Yonatana, Abe tonietongo nomaketero dika hoka ahi dodoto ma gou-goungu, ho duru tonidora! De tohioriki abe ngonaoo duru nohidora ngohino, Abe nako to ngona ani dora de o ngo-ngofeka manga dora, Masara ka to ngonahi ani dora ilamoko ngohino!

1 Kokoano 11:2

Masara ona mata-mata abe ma dihiraino Ma Jou o Yawe wahibehehongoka o Isiraele ma nyawaika wato, “Ngini o Isiraele ma nyawa ko tinihigunoaua abe nimahiketehimoloka de o homoaino ma nyawa de onangoo ko idadiua yomale manga fekata eko manga rokata ngini o Isiraele ma nyawaino. Hokogea Ngohi ko tinihigunoaua ngini nidiai angamoi duru tagoungu ona ahao inihirehene hiadono nia hininga adaene manga popangaoika.” Masara ngaro hokogea Ma Jou wahibehehongo, ma, o Saloomo duru ai hininga yadaene o homoaino ma ngo-ngofekaika hiadono woilaka manga ngoeika.

Maleaki 2:15

De naa tinileha, ngini bote niato ko Ma Jouua abe winihidadi moi de nia fekata? Koua, duru Una gea abe winihidadi moi, abe nia badanginoo de nia womahinoo ma nidadi to Una. De gea to Una ai mau sarakia abe nginioka de aino? Gea woigo wamake o ngofa-ngofaka abe iwiniiki Unangika. Ho mangale ma titi gea hiadono ngini kiani nimagoana nia gogao nia fekatika abe ngini ka o goohi de niilaka munangika.

Matiusu 19:6

Ho ona yahinooto ko yomatengo-tengokaua, masara ona yodadioka yomaketero o badanga moi dika. Ho ona abe Ma Jou wahidadioka o giabereki moi, ufa hiadono o nyawa yahikatingakoli.”

Roma 12:9

De naa utuohi tinihigaro ma titi nia wowango Ma Jouoka. Abe ngohi tato ngini kiani nimakodora de nia hininga ma hohailoa ho ufa nia uru ma kaioka dika abe nimakodora. De kiani niodohata o dorouika, masara abe ma rorahai gea nimahigagaoika enangika la ka ihikaika gea dika nianii-niiki.

1 Korintusu 6:16

Abe ma dodihiraka naga itulihuku Ma Jou ai Demo-demoka ato, “Ona yahinooto ahao yodadioka o badanga moi.” Ho mode ngini ko nihiorikua abe nako o nyawa yomahikodofanga onangika abe biaha yomatobafukunu manga badanga, gea ko nihiorikua abe ona yahinooto yodadioka o badanga moi?

1 Korintusu 7:2

Masara mangale ma titi duru ma ngoe idadi abe o nyawa yahiata-atara la yomakitigi abe ko itiaiua, gea ho ngohi tato koaho o rokata homoi-homoi ka nimakokitigiohi de nia feka-fekata de ufa nimahipipidili genangoka. De imaketero hokogea o fekata homoi-homoi, koaho nginioo ka nimakokitigiohi de nia roka-rokata.

1 Korintusu 7:4

Abe ma fekata muna ami badanga ko momaparetakaua, masara gea ami rokata wapareta to muna ami badanga. De imaketero hokogea ma rokatoli ai badanga de una ko womaparetakaua, masara ngoi fekata mapareta to una ai badanga.

Efesusu 5:31

De ahi dodotoko naa duru imakiniiki de abe hoka ma dihirainohi de ihitulihukuoka Ma Jou ai Demo-demoka abe itemo ato, “De gea ma titi ho hiadono o nauru yomatingaka manga baba de manga memeino la gea yogogere moi de manga fekata la gea ona yodadioka moi.” Hokogea itemo Ma Jou ai Demo-demoka.

Higalioli 4:4

Masara ngini onagona dika abe nitobagou-goungu nimahuba-huba nanga Jou o Yaweika dika, gea ngini ko kia-kiaua idadi nginika de ngini nagahi ka hiadono ma oraha naa naga, moioo de ko iwa abe inihihanga!

1 Samuele 18:1

O Goliata gea witomaka de ahao o Dautu de ai koano o Saulu yomakoketemo. De ona yomakoketemo ibooto de ahao o Dautu yomakamake de o Saulu ai ngofaka o Yonatana de o Yonatana duru ai hininga adaene o Dautika hiadono ona yomaketedodiawo duru irahai abe manga gogao ihititi o dora ma gou-goungino.

1 Samuele 25:43

De ma dihiraino abe ko woilakuahi de o ngo Abi de o Dautu woilakokau de o ngo Ahinoama abe o Yisereeloka ma nyawa. Ho naa ona yahinooto yodadioka to Dautu ngoi feka-fekata.