Matiusu 19:30 - Ma Jou ai Demo-demo o Totobelohoka

³⁰ “Masara naga o nyawa manga ngoe abe ma oraha naa ona manga gogere hatoli ikurutiye, masara ona gea ahao wahitipokouku Ma Jou abe ma oraha ahao iboa. De o nyawa utuoli naga manga ngoe abe ma oraha naa ona ka yotipokoukuohi, masara ahao Ma Jou wagoraka ona gea la manga gogere ikurutiye o Horogaka.” Hokogea o Yesusu ai hingahu ma demo iwinii-niikika.

Matiusu 19:30 ပူးပေါင်းရင်းမြစ်များ

Matiusu 20:16

De o Yesusu wato, “Hokogea ahi hiketero ma ade-ade. De genangino ka idadi hamake Ma Jou ai hininga abe ahao ma oraha Una wahikoano ai nyawa. Angamoi igoungu naga o nyawa abe ma oraha naa ona manga gogere hatoli ikurutiye masara ona gea ahao wahitipokouku Ma Jou abe ma oraha ahao iboa. De o nyawa utuoli naga abe ma oraha naa ona ka yotipokoukuohi, masara ahao Ma Jou wagoraka ona gea de wahitihira la manga gogere ikurutiye o Horogaka.”

Maruku 10:31

Masara naga o nyawa manga ngoe abe ma oraha naa ona manga gogere hatoli ikurutiye, masara ona gea ahao wahitipokouku Ma Jou abe ma oraha ahao iboa. De o nyawa utuoli naga manga ngoe abe ma oraha naa ona ka yotipokoukuohi, masara ahao Ma Jou wagoraka ona gea la manga gogere ikurutiye o Horogaka.” Hokogea o Yesusu ai hingahu ma demo iwinii-niikika.

Lukasa 13:30

“De naa moioli ka idadi nimafikirohi, abe naga o nyawa manga ngoe abe ma oraha naa ona ka yotipokoukuohi, masara ahao Ma Jou wagoraka ona gea la manga gogere ikurutiye o Horogaka. Masara naga o nyawa utuoli manga ngoe abe ma oraha naa ona manga gogere hatoli ikurutiye, masara ona gea ahao wahitipokouku Ma Jou abe ma oraha ahao iboa.” De hokogea o Yesusu ai dodotoko ma demo onangika abe ma titi hokokia idadi ma oraha Ma Jou wahikoano ai nyawaika.

Galatia 5:7

De ngini ma dihiraino nioaguru duru irahai nia ngongakuoka, masara ma oraha naa naga de ngini hadongoo de nirehenoka ma gou-goungino! De gea done ma titi onagonaino hiadono initatoko de inihirehene hokogea?

Ibarani 4:1

De mangale ma titi nanga totofora utu ko yowohamua ma tonakika gea de ko idadiua yomahiaini de de Ma Jou, ho ngone ma oraha naa naga kiani duru hohidodiai hiniiki Unangika done ngoneoo utu ko idadiua homahiaini de de Una. Angamoi igoungu nagahi Ma Jou ai behehongo ngone ai nyawaino abe wonahibehehongo wato ngoneoo ka idadi homahiaini Unangoka. Ho iti ufa naga nginioka abe ko niwiadonikaua Unangika de gea ko nimahiainua Unangoka, masara abe duru irahai la ngone mata-mata homahiadono Unangika la homahikokiaini de de Una genangoka.