Matiusu 19:25 - Ma Jou ai Demo-demo o Totobelohoka

²⁵ De ai demo gea yoihene de iwinii-niiki gea duru yokokiheranga hiadono yotemo ato, “Ou! Genangoka abe miataoko ihowono! Ngomi miato bote ona yokaya-kaya kiani yohapongo dakuiye angamoi duru ona gea abe Ma Jou wahiowa hiadono yokaya. Masara naa ngona nomihingahu nato ngaro ona yokaya-kaya ma ko yohapongua. Ho nako o nyawa yokaya-kayaoo de ko yohapongua, gea done o nyawa ko moiua la yamake o wowango ka hiado-adonika.”

Matiusu 19:25 ပူးပေါင်းရင်းမြစ်များ

Matiusu 19:24

De ahi demo gea ka idadi tinihitararonoli de o hiketero ma demo. Abe nako o aewani ma ago-agomo gea o unta de o populaki ma lakoika iwohama la ato ma honongaika ihapongo, ka enangohi hatoli igapanga. Masara nako ona yokaya-kaya la ato yohapongo o Horogaiye, onangohi duru ihuha yohapongo!”

Matiusu 19:26

De womalega onangika de wato, “Gea duru niagoungu. Nako o nyawa dika, duru ko yakunua, masara Ma Jou hokogenangua. Nako de Ma Jou, ngaro o kia dika, ma ka wakunu.”

Matiusu 24:22

De tanu o kokangela ma oraha gea hatoli itedekana de o nyawa mata-mataika o duniaka naa ahao yahikokibinaahaka, masara Ma Jou ahao wabatingi o kokangela ma dekana la ufa hiadono o nyawa mata-mata yokokihonenge. Abe gea Una wato, ‘Masara naga to Ngohi ahi nyawa abe duru tasanangi onangika, ho naa tabatingi o kokangela ma dekana la tato ufa ahi nyawa gea yokokihonenge.’”

Maruku 13:20

De tanu o kokangela ma oraha gea hatoli itedekana de o nyawa mata-mataika o duniaka naa ahao yahikokibinaahaka, masara Ma Jou ahao kiani o kokangela ma dekana wabatingi, wato, ‘Masara naga to Ngohi ahi nyawa abe duru tasanangi onangika, ho naa o kokangela ma dekana tabatingoka la tato ufa ahi nyawa gea yokokihonenge.’”

Roma 10:13

De ahi demoino gea de duru imakiniiki de Ma Jou ai Demo-demoka moi abe ma dodihiraino ihitulihukuoka ato, “Onagona dika abe yomagahoko o duduhunu nanga Baluhu idodutuika, ona gea ahao waduhunu manga hohowonoka de aino.” Hokogea ai demo abe ma dodihiraino ihitulihukuoka.