Matiusu 18:29 - Ma Jou ai Demo-demo o Totobelohoka

²⁹ Ho gea ai dodiawo womamotumuku to una ai himangoka de duru womagaho-gahoko la iti ma duduhunu ihira-hira wihiainohi la wofangu. Abe ai dodiawo wato, ‘Dodiawo, ngohi duru tomagahoko la nohihidoaka ma oraha de tonihibehehongo ngonaika abe ahao ahi nagimi takokitamunu.’

Matiusu 18:29 ပူးပေါင်းရင်းမြစ်များ

Matiusu 18:26

“Masara ma duduhunu gea ka de woihene ma koano ai huhuloko ma demo de womamotumuku ma koano ai himangoka de duru womagaho-gahoko wato, ‘Ahi koano, ngohi duru tomagahoko la nohihiainohi de tonihibehehongo ngonaika abe ahi nagimi ahao takokitamunu.’

Matiusu 18:28

“Ho ma duduhunu gea ma koano ai himangoka de wosobo de woiki ai dodiawoika abe unangoo ma koano ai duduhunu womatengoli ho ona yomahikarajaanga moi. De nengokadau ma duduhunu wohira-hira ai tiwi wihibauoka naa ai dodiawoika, ho ai dodiawo naga ai nagimi ma duduhunu ihira-hiraika abe ma tiwi marai isana, ko ilamokua. Angamoi nako ona yahinooto manga nagimi de ka ma duduhunu ihira-hira ka to unangohi ai nagimi duru ilamoko, masara naa ma koano waofioka. Ho ngaro to ai dodiawo ai nagimi unangika hatoli ieteke masara woiki unangika de wiso ai tomarika de wihookoko. De duru wiribuutu unangika la ma oraha naa dika de wakokifangu ai nagimi.

Matiusu 18:30

Masara ngaro hokogea womagahoko ma una wohira-hira ko wodafongua. Ho wahuloko la ai dodiawo gea iwitaoko de iwibuioka ka hiadono wakokifangu ho ngaro ma hohutuloo ma duru ko iwaka ai nagimi.”

Matiusu 18:33

Ho tanu koaho ngonaoo ani hininga ma dora itagi ani dodiawoika gea abe imaketero hoka to ngohioli ahi hininga ma dora tapake ngonaika!’

Matiusu 6:12

De abe ma titi to ngomi mia howo-howono Ngonaika, gea ngomi mimagahoko la Ngona naofi mia howono abe imaketero hoka ngomioo miaofi o nyawa utu manga howono abe yodiaioka ngomino.

Kolose 4:7

De naa ngohi tato o abari ma hingahu tohidingoto nginika la ka idadi nihioriki hokokia idadi ngohino mata-mata. Ho nanga gianongoru o Tikiku tihidingoto la una ahao winihingahu o abari ma titi ngohino. Abe o Tikiku una gea ngomi duru wiwidora de una duru watobagou-goungu womiduhunu ngomi abe unangoo mia datekoka de wileleani nanga Baluhu idodutu.