Matiusu 18:1 - Ma Jou ai Demo-demo o Totobelohoka

¹ De ma oraha gea iwinii-niiki yoboa o Yesusino de iwileha Unangika ato, “Nako ahao dokena nanga himangika de Ma Jou wonahikoano ngone abe to Una ai nyawa, sarakia, ma oraha gea de nako ngomi imingimoi de imihinootoino, ka onagonahi mikurutiye?”

Matiusu 18:1 ပူးပေါင်းရင်းမြစ်များ

Matiusu 18:2

De naga genangoka o ngofaka ma eteteke womatengo. Ho o Yesusu ko wopaluhuahi de ma ngofaka gea wiahokinohi la womaokoino to ona manga hidogoronaka.

Matiusu 23:11

De ufa niawohanga abe onagona dika nginioka nioigo la nia gogere ikurutiye Ma Jou ai himangoka, gea ngini kiani nimahitipokouku de niatobaleleani nia gogianongoruika.

Matiusu 3:2

“Ngini kiani nitoba la nioporetika nia howo-howonika de nianiikoli Ma Jou ai hiningaika dika. Angamoi itigioka abe ma oraha Ma Jou wonahikoano ngone o duniaka naa.” De hokogea o Yohanese ai demo onangika la wato ona ahao iwidafongo irahai manga Koano Ma Jou.

Matiusu 7:21

De o Yesusu wogila-gilali wadotoko onangika wato, “Naga o nyawa manga ngoe yomahibaluhu Ngohino ho ihiahoko Ngohino ato, ‘Ahi Baluhu.’ Masara ko ma titiua o nyawa manga demoino hiadono Ma Jou wadafongo abe ma oraha wahikoano ai nyawa. De naa tinihingahu abe naga o nyawa utu abe ngaro Ngohino ihibaluhu masara ona dokena nanga himangika de Ma Jou ko wadafongua angamoi ko iwa manga hingounu. Ho ona dika abe yatobahingounu de yatobaniiki ahi Baba o Horogaka ai mau, ona gea dika abe Una ka idadi wadafongo.

Roma 12:10

De kiani nimakodora de nia hininga ma gahumu abe hoka itiai o ria-dodoto o tau moioka yomakodora. De kiani ngini duru nimaketehoromati la hiadono ko ti nginiua ma hirete nia perelu nihitihira masara nia gogianongoru manga perelu enangohi niolegaika.

Filiipi 2:3

De ufa nitaleana de ufa o sade inihihira la hiadono nimagorakiye, masara koaho nimahitipokouku la nako o nyawa utu de ngini ma hirete, ma ka onangohi niahayanga.