Matiusu 17:4 - Ma Jou ai Demo-demo o Totobelohoka

⁴ Ho ka de gea wamake de o Peturusu wotemo o Yesusika wato, “Ahi Baluhu, abe ngomi miamakeoka naa duru irahai. Ho nako ani hininga adaene ngohi ka idadi o hijai-jai ma tau o gahumu hange todiai nenangoka. Abe moi to Ngona, moi to Musa, de moi to Elia.”

Matiusu 17:4 ပူးပေါင်းရင်းမြစ်များ

Higiriiri 16:11

Ngona Ma Jou ka ihikaika nohihisanangi ngohino, De nohihidumutu o wowango ma rorahai ma ngekomika. De Ngona ka ihikaika nohiniiki o ngekomika gea, Hiadono ahi garago duru ilamoko ma titi Ngona naga, De ahi wowango Ngonaka nohigila-gila ka hiado-adonika, Ho ka hiado-adonika Ngona o sosanangi nohiboa ahi wowangoka.

Matiusu 17:3

De ka itodokanino de o Musa de o Elia onangoo naga genangoka de yomakoketemo de o Yesusu.

Lukasa 9:33

De o Musa de o Elia ona ato yosobo masara o Peturusu wotemo o Yesusika wato, “Ahi Baluhu, abe ngomi miamakeoka naa duru irahai. Ho nako ani hininga adaene de ngohi ka idadi o hijai-jai ma tau o gahumu hange todiai nenangoka. Abe moi to Ngona, moi to Musa, de moi to Elia.” Masara gea o Peturusu ko wofikirikauahi de ka oko dika wotemo.

Yohanese 17:24

“O Baba, ona gea nohihidoakoka Ngohino duru toigo la ngaro o kiaka dika Ngohi naga ma onangoo naga genangoka. De Ngohi duru toigo la ona ahao ihimake Ngohi de ahi medebini de ma dararonoka. Abe o dunia ko idadiuahi de duru nohidoraka hiadono nohihidoaka Ngohino ani medebini de ma daronoka gea.”

Yohanese 7:2

Masara ahao itigioka o Yahudi ma nyawa manga rame-rame abe ihiromanga o Hijai-jai ma Tau ma rame-rame.

Filiipi 1:23

De gea duru tokangela tomaputuhu, abe tanu daku o Kristusiye toigo tosobo la Una tidodiawo, angamoi enangohi ihailoa.

1 Yohanese 3:2

Ahi gogianongoru abe duru tinidora nginika, ngone hagoungu hodadioka to Ma Jou ai ngofa-ngofaka! De gea ngaro duru hohiorikoka abe ai ngofaka hodadioka, masara naga ma titi moi abe ngone ko hohiorikuahi. De gea ko hohiorikua abe ma titi ahao dokengika de to ngone nanga rupa ahao hokokia. De ngaro nanga rupa dokengika ko hohiorikuahi masara ma oraha naa de duru hohiorikoka abe ahao ma oraha womahimatoko de gea to ngoneoo nanga rupa idadi abe hoka to Unangoli ai rupa. Angamoi ma oraha gea de ahao ngone ka idadi himake Unangika abe ai rupa ma gou-goungu. Ho gea to ngoneoo nanga rupa ma hungioli kiani naga la ka idadi homarihimanga ngone de Una.

Himatoko 21:23

De ma kota gea ko imahinganonua o wange de o medeika la ato to ena ma dararono ihitararono ma kotauku. Hokogenangua, angamoi to Ma Jou ma hirete ai medebini ma dararono gea ihitararono ma kota ma amokika, de nagali abe imaketero hoka to ma kota ma hilo gea o Domba ma Ngofakoka de aino wohitararono.