Matiusu 17:27 - Ma Jou ai Demo-demo o Totobelohoka

²⁷ De o Yesusu wogila-gila wotemo o Peturusika wato, “Ho tanu ngaro ufa dika de hofangu ma pajaka ma tiwi gea, masara nako ko hofangua ahao done naga utu abe inahininga kuranga ngoneino. Ho naa ngona noiki daukuku o akere ma ngooto ma ngigoruku de nomemekana. De ahao bootino abe o nawoko ihira-hira abe naliarino, de ma nawoko gea namoana to ena ma uru. De doka ma uru ma goronaka ahao namake o tiwi ise-senge moi abe inawedono ma titi to ngone inahinooto nanga pajaka hofangu. Ho ma tiwi gea nagorakoka de noiki nao onangika abe yotobagahoko o pajaka o nyawaino la gea nanga pajaka nonabangu.” De igoungu hokogea idadi abe imakiniiki de to Yesusu ai demo, ho gea ona yofangu Ma Jou ai Tau ma pajaka.

Matiusu 17:27 ပူးပေါင်းရင်းမြစ်များ

Dodadi 1:28

De ona gea wahiowa wato, “Ngohi toigo la ngini ningofa-ngofakuku de nidano-danonguku la duru ko nia ngoe nigogere o dunia ma amokika la o dunia de ma dola mata-mataika niapareta. Ho o nawoko o gahioka de o akeroka, de o totaleo ihoo-hoho, de o aewani mata-mataika ngaro o dofo, de o fuhuku, de imalia-liara, ma, gea mata-mata tinihidoaka nginika la ti ngini nia kuahaka la ka idadi nihiaturu.”

1 Kokoano 17:4

De ngona ahao nogogere genangoka la ka idadi nokere o Keriiti ma ngairino de Ngohi tahuloko o totaleo o wogonika la ena ihiboaino ani inomo inidotaka.” Hokogea Ma Jou ai behehongo o Eliaika.

Higiriiri 8:8

Abe ngaro o dofo ma duduono mata-mata, de ngaro o fuhuku ma aewani mata-mata,

Yunusu 1:17

De o Yunusu iwiumoka dai o gahiuku de o nawoko duru ma amoko Ma Jou wohiboaino la gea o Yunusu iwilahiri masara ko wohonengua. Ho o Yunusu ai wange hangeino de ai futu hangeino, o nawoko ma amoko ma pokoro ma goronaka.

Yunusu 2:10

Hokogea o Yunusu womaniata ipaha de Ma Jou o Yawe wohiaturu la o nawoko gea o Yunusu iwihingunanga dika o dowongiha.

Matiusu 17:26

De o Peturusu wopaluhu wato, “Nako ngohi, o kokoano gea yogahoko la o homoaino ma nyawa dika yofangu ma pajaka ma tiwi.” De gea o Yesusu wopaluhu wato, “Ho nako hokogea yodiai, gea to ona ma hirete manga ngofa-ngofaka ngaro ufa dika de yofangu!” De ai demoino gea de wihitararono o Peturusika abe tanu ngaro ufa dika o Yesusu wofangu Ma Jou ai Tau ma pajaka ma tiwi gea, angamoi Una wodadi nanga Koano Ma Jou Una ma hirete ai Ngofaka.

Matiusu 18:6

Abe ngini naa tinietongo ahi ngofa-ngofaka ma titi nihingakuoka Ngohino. De ngaro o nyawa onagona dika abe ihingaku-ngakuoka Ngohino, ma onangoo mata-mata ahi ngofaka yodadioka. Ho mangale ma titi ngini mata-mata tinihiromanga tato nidadioka ahi ngofa-ngofaka, ho onagona dika inidafongo ngini, gea imaketero Ngohioo ihidafongoka.” “Masara nako ngini nihingaku-ngakuoka de o nyawa inihiatara la hiadono ko nihiniikokauali, ona gea Ma Jou wahohowono onangika. De ngaro ngini ahi nyawa abe nia gogere ma dodipokouku dika, masara nako o nyawa inihiatara la hiadono nirehene Ngohino, ona abe inihiata-atara, ona gea duru Ma Jou wahohowono. De abe ona inihiata-atara duru manga hohowono kohadubuho ho ngaro manga tomarino ihidilikoino de yadideuku o hakaru kohaamoko de yahidotumo o gahi ma lukuku, ma ko kia-kiaua. Hongoli nako nihingaku-ngakuoka de inihiata-atara, duru ka to onangohi manga hohowono itubuho.” Hokogea o Yesusu ai bobaluhu iwinii-niikika.

Matiusu 18:8

“De gea ma titi ho hiadono tinihitiari nginika tato nako inihiatara o howonika, gea tato kiani duru nialawana ma hiatarika gea done nirehene Ma Jouino. Ho nako de nia giama eko nia lou de inihiatara la nako nirehene Ma Jouino, gea nia giama eko nia lou niafoko de niaumoka dika. Angamoi koaho inihipoloka eko inihiluguoka la idadi nia toba genangino la ahao ka idadi niamake o wowango ka hiado-adonika. Masara nako ko nitobaua de gea kiani o Narakaika niwohama, abe genangoka ma uku ko ihone-honengua, genangoka ngaro nia giama ma gahumu eko nia lou ma gahumu nagahi, ma, ko kia-kiaua ma utumu niamake genangino.

Matiusu 5:29

“Ho gea hiadono Ngohi tinihitiari nginika la ngini ka nioporete dika o howonika. Abe nako ani lako ma hononga inihiatara la hiadono ani badanga ma hafini itagi ma dorouika de norehene Ma Jouino, gea koaho ani lako ma gomono nahuputu de naumoka dika. Angamoi koaho ani badanga ma kiahonanga moi ihihanga la idadi ani toba genangino de ahao nodoa o Horogaiye. Masara abeika, nako ko notobaua ho ngaro ani badanga ka iahumohi masara ahao kiani noiki o Narakaika, gea done o kia ani utumu namake genangino?”

Matiusu 5:30

“De hokogenangoli de nanga giama. Abe nako ani giama ma hononga inihiatara la hiadono ani badanga ma hafini ilaku ngonaka ho norehene Ma Jouino, gea ani giama koaho naafoko de naumoka dika. Angamoi koaho inihipoloka la idadi ani toba genangino la ahao namake o wowango ka hiado-adonika. Masara abeika, nako ko notobaua ho ngaro ani badanga ka iahumohi masara ahao kiani noiki o Narakaika, gea done o kia ani utumu namake genangino? Ho gea Ngohi tato kiani ngini duru nioporete dika o howono done inihirehene Ma Jouino.”

Maruku 9:42

“Masara nako o nyawa ihingakuoka Ngohino, ngaro ona gea ka yotipokouku dika, masara onagona dika abe yahiatara la hiadono ihingaku-ngaku yorehene Ma Jouino, ona yahiata-atara, ona gea duru Ma Jou wahohowono. De abe ona yahiata-atara duru manga hohowono kohadubuho ho ngaro manga tomarino ihidilikoino de yadideuku o hakaru kohaamoko de yahidutumo o gahi ma lukuku, ma ko kia-kiaua. Hongoli nako ihingaku-ngakuoka de yahiata-atara, duru to onangohi manga hohowono itubuho.”

Maruku 9:43

De Una wotemohi onangika wato, “Nako de ani giama ma hononga inihiatara la nako norehene Ma Jouino, gea ani giama nafokoka dika. Angamoi koaho inihipoloka la idadi ani toba genangino la ahao namake o wowango ka hiado-adonika. Masara nako ko notobaua de kiani o Narakaika nowohamika, abe genangoka ma uku ko ihone-honengua, genangoka ngaro ani giama ma gahumu nagahi, ma, done o kiaka ma utumu namake ani giamino?

Lukasa 17:2

De abe ona inihiata-atara duru manga hohowono kohadubuho ho ngaro manga tomarino ihidilikoino de o hakaru kohaamoko de yahidotumo dai o gahi ma lukuku, masara ma hohowono gea ko kia-kiaua. Hongoli nako nihingaku-ngakuoka abe ngaro ngini ka nitipokouku dika nia wowango ma gogere, masara nako o nyawa inihiata-atara, duru ka to onangohi manga hohowono itubuho de ona gea abe yahidodotumo de o hakaru.

Yohanese 6:61

Ma ngaro manga demo o Yesusu ko woihenua ma ona iwitobaniiki gea manga gurubungu wahiorikokau ho waleha onangika wato, “Marai ahi demo naa niihene de nia hiningaka inihihuha e?

Roma 14:21

Ho koaho ufa ngini niaolomo o roehe de ufa niaokere o angguru ma gohaka ma teongo, abe nako genangino de ahao niahiruba nia gogianongoru o howonuku. De ngaro nia datoro o kia dika utuoli abe genangino ma titi hiadono nia gogianongoru yoruba, masara enangoo ibootohi nianiiki done niahiruba onangika.

1 Korintusu 8:13

Ho nako ngohi, nako tohioriki ahi inomo abe taolomo ahao iwihigaro ahi gianongoru de hiadono wahowono ho woruba, gea o roehe ko tolomokaua nenangoka de ka hiado-adonika, done o bebeleke todiai ahi gogianongoruika.

1 Korintusu 8:9

Masara ngaro ma inomo gea ko kia-kiaua, ma ngini kiani duru nimahidodiai done o bebeleke nidiai nia gogianongoruika. Abe ngini utu nihiorikoka ka idadi ma roehe gea niaolomo dika, masara ngini utuoli ko nimahigunoauahi la ma roehe gea niaolomo angamoi genangoka de done niato niahowono Ma Jouika.

2 Korintusu 6:3

De ngomi naa mia wowango ma goronaka de duru ko mioigoua la mia datorino de naga moi idadi o bebeleke o nyawaika, done ona ahao yongelo mia tagongika ato ngomi wiwileleani ko itiaiua Unangika.

2 Korintusu 8:9

De abe ma titi o hidoaka o nyawaika, de gea ka idadi homahihohininga ma titi nanga Baluhu idodutu o Yesusu Kristusu. Abe ngini nihiorikoka abe to Una ai hininga ma owa ngone o nyawaino. Abe Una gea ma dodihiraino o Horogaka de duru ko iwa ai kuranga o kia dika, masara mangale ma titi ngini hiadono gea mata-mata wanoaika de wodadi o huha ma nyawa. De womahigunoa wodadi wohuha la ai huhaino gea de ngini ka idadi nikaya abe ma titi niamake ma utumu ma rorahai abe naga Unangoka. Ho irahai nako ngone homaaduru abe hoka to Unangoli ai hininga, abe ma titi ngoneoo homahidoaka la o nyawa utu yamake ma utumu.

1 Tesalonika 5:22

Masara nako o nyawa manga demo abe niatailakoka de ko igoungua, genangika mata-mata ufa nihigihene de ufa nihingounu manga demo gea ma dorouika.

Yakobusu 2:5

Ahi gogianongoru abe duru tinidora nginika, abeika ngini nitotoihene ahi demoino naa. Nako ngini niahitipokouku o huha ma nyawaika, gea duru ko to Ma Jouua ai hininga ngini nianiiki. Angamoi nako Ma Jou ai hininga, Una wairikoka o huha ma nyawa o duniaka naa la ma titi manga ngongakuino de ona yodadi o nyawa abe duru de manga utumoka. De ona gea Ma Jou wahigogere to Una ai kuahaka la ahao Una wahikoano onangika, de gea duru imaketero abe hoka ma dodihiraino wohibehehongoka wato onagona dika yagou-goungu iwidora Unangika de ona gea ahao yogogere to Una ai kuahaka.