Matiusu 17:2 - Ma Jou ai Demo-demo o Totobelohoka

² De yomahiadonoka genangiye de ona yaruange iwilega-lega o Yesusika de to Una ai rupa idadi o fara moioli to ona manga himangoka. Abe to Una ai himanga yamake ngade-ngade imaketero hoka o wange ma dararono angamoi duru kohadararono. De ai pakeanga gea idadi duru iarehoka ho hiadono hoiletongo.

Matiusu 17:2 ပူးပေါင်းရင်းမြစ်များ

Higiriiri 104:2

De o dararonino abe duru kohamodararono nohidadi ani baju ma guru-gurutuku. De o dihanga de ma muru-murumu nohiwoata imaketero abe hoka o tau o ngoerino hohiwoatika, Hokogenangoli nomahidiai to Ngona ani gogere daku duru kohagurutiye.

Matiusu 17:1

De o wange butaanga ipahaika de o Yesusu wao o Peturusu de o Yakobusu de o Yohanese abe to Yakobusu ai dodoto, de ona yaruange gea wao de wahihira-hira la yodoa daku o loku kohagurutiye.

Matiusu 17:3

De ka itodokanino de o Musa de o Elia onangoo naga genangoka de yomakoketemo de o Yesusu.

Matiusu 28:3

De to una ai himanga gea duru kohadararono abe hoka o leletongo ma dararono, de nako ai baju gea duru ma gare-garehe, abe ma magarehe gea hoka o gotoaka ma gogo ma magarehe.

Maruku 9:3

De ai pakeanga gea idadi duru iarehoka hiadono hoiletongo, abe nako o duniaka ko imakadaenua ma medebini abe hokogea ma magarehe yofoka.

Lukasa 9:29

De o Yesusu womaniata ai gogiriaka de ka itodokanino ai himanga imaturuuruoka ho idadi o fara moioli, de ai pakeanga gea idadi duru iarehoka hiadono hoiletongo.

Yohanese 1:14

O Demo Una womahidadioka o nyawa la gea ka idadi wogogere ngone o nyawa nanga hidogoronaka. De ngomi abe wiwinii-niiki miamakeokau ai medebini ma dararono. De ka Ma Jou o Babaino dika wamake ai medebini ma dararono gea. Una Ma Jou ai Ngofaka womatengoka ho duru ai hiningaka iwiomangoka o dora ma ngango de mata-mata wodiai gea inahimatoko Ma Jou ai hininga ma gou-goungu.

Yohanese 17:24

“O Baba, ona gea nohihidoakoka Ngohino duru toigo la ngaro o kiaka dika Ngohi naga ma onangoo naga genangoka. De Ngohi duru toigo la ona ahao ihimake Ngohi de ahi medebini de ma dararonoka. Abe o dunia ko idadiuahi de duru nohidoraka hiadono nohihidoaka Ngohino ani medebini de ma daronoka gea.”

Roma 12:2

De ngini ufa nimaaduru abe hoka o dunia ma nyawali manga datoro yotobadiai, masara koaho nimahigunoa la nia wowango Ma Jou waturuuruoka. Abe Una ka idadi waturuuru nia hininga homoi-homoi de o hininga ma hungioli la hiadono ngini niakunu niataana Ma Jou ai mauika. De gea to Una ai mau la ngini nihioriki ma datoro o kia abe ma rorahai, de abe o kia iwihisanangi Ma Jouika, de gea ahao ti ngini nia wowango duru itiai to Una ai himangoka.

Himatoko 10:1

De gea ipaha de ahao naga timake o malaekata womatengoli duru ko ai buturungu de una naga wouti daku o Horogaka de wauku. De una gea womahihawoino de o lobi la ma lobi gea imaketero hoka ai baju womahinoauku. De daku ai pea ma lokuiye naga ma dararono abe ma rupa hoka o ngawatoro idiai ihigororomino ai lokuiye. De to una ai himanga gea duru itararono abe hoka o wange ma dararono, de nako to una ai lou gea tamake imaketero hoka o uku ma lou ma rupa.

Himatoko 20:11

De gea ipaha de ahao ngohi tamake o pareta ma kadera ma hohailoa moi ma gare-garehe abe duru kohaamoko. De Una abe naga wogogerukuoka ma kaderauku, Unangoo timake. De ka itodokanino de o dunia de ma dihangoo ka aiaho de ko iliokaua, abe gea hoka iloara Ma Jou ai himangoka de aino.