Matiusu 16:7 - Ma Jou ai Demo-demo o Totobelohoka

⁷ De ai demo gea yoihene ma ona ko ihiorikua ho yomakoketemo ato, “Bote ai demo gea ma titi ma roti abe ko homagaoua.”

Matiusu 16:7 ပူးပေါင်းရင်းမြစ်များ

Matiusu 16:6

De ahao o Yesusu wahitiari onangika ma titi o nyawa manga dodotoko wato, “Ngini kiani nihidodiai o Farisi manga doomuino ma nyawa manga ragi de o Saduki manga doomuino ma nyawa manga ragioo kiani nihidodiai.”

Matiusu 16:8

De ona yomakoketemo gea o Yesusu wohioriki ho wataere onangika wato, “Adodoa ho nimakoketemo abe ma titi nia roti ko iwa? De ti ngini nia demoino gea de nimahitaanoka abe nia ngongaku ka ihutulohi!

Matiusu 21:25

Nako nengokadau abe o Yohanese Wotobaohi-ohiki, to una ai kuaha o kiaino ho hiadono o nyawa waohi-ohiki, Ma Jouoka de aino eko o nyawaka dika de aino ai kuaha? Abeika nipaluhu!” Ho ona duru yomakoketemo ma titi ai leleha gea, ho yotemo ato, “Ou, ai leleha naa done sarakia hapaluhu? Nako hipaluhu Unangika hato, ‘Ma Jouoka de aino o Yohanese ai kuaha,’ gea de ahao kiani Una wonalehali wato, ‘Ho gea adodoa ho ko niwingakua unangika?’

Maruku 9:10

Ho gea o Yesusu ai behehongo onangika iwihingounu hiadono ai demo ka agogono dika manga hiningaka. Masara ona yaruange dika yomakokeleha ato, “Ka o kia ma titi gea wotemo, abe wato womomikoli ai honengino?”

Lukasa 24:15

De abe yomakoketemo manga gogiriakahi de o Yesusu Una ma hirete yomakamake de ona ho womahitigino la yomakiniiki manga dodagioka.

Lukasa 9:46

De ahao naga o liliara moi abe ona iwitobanii-niiki yomaketeribuutu, angamoi ona homoi-homoi ato ka onangohi yokurutiye nako de manga dodiawo.

Hidingoto 10:14

Masara una wopaluhu wato, “Ahi Baluhu, ngohi duru ko tadadiua! Angamoi ahi etetekinohi de hiadono naa de ko ma moiuahi taolomo ma roehe abe to ngomi mia Pareta imihuloko ato gea ko idadiua ma roehe gea miolomo.”