Matiusu 15:8 - Ma Jou ai Demo-demo o Totobelohoka

⁸ ‘O nyawa naa ngaro ato ihihimorene Ngohino, Masara manga himorene ka manga uruoka dika, De manga hiningaka ihiporetino dika.

Matiusu 15:8 ပူးပေါင်းရင်းမြစ်များ

Yesaya 29:13

De ahao nanga Baluhu Ma Jou wohihingahu ai demo moi ma titi ai nyawa abe yomanoa o Yerusaleeme ma kotaka wato, “O nyawa naa ona yomahingahu ato yagou-goungu to Ngohi ahi nyawa, de o higiriiri ma demo Ngohino ipaata manga uruoka de aino. Masara abe igoungu gea manga hiningaka de yomatingakika duru ma gurutika. De ma oraha ato yomahuba-huba Ngohino de gea yanii-niiki dika o nyawa manga hiaturu.”

Matiusu 15:7

Masara ngini naa nimadokangeluku dika abe ka niabobeto ihinii-niikika abe ma titi o pareta ko yanii-niikua.” “De naga ma dihiraino Ma Jou wihiakunu ai uru ma dodofanga o Yesaya la wohitulihuku Ma Jou ai Demo-demo moi abe ai demoino de duru winihitaana nginika. De hokonaa ai demo wato,

Maruku 7:6

De o Yesusu wapaluhu onangika wato, “Naga moi Ma Jou ai demo abe atulihuku ma dodihiraino abe winihitaana ngini naa. Abe to Una ai uru ma dodofanga o Yesaya wohitulihuku ai demo gea ma titi ngini naa abe nimadokangeluku dika, wato, ‘O nyawa naa ngaro ato ihihoromati Ngohino, Masara manga horomati ka manga uruoka dika, De manga hiningaka duru ihiporetika.

Yohanese 1:47

Ho yoboaino o Yesusino de ona yotagiohi iwihimangino abe o Natanele ko womahiadonuahi de o Yesusu wihidaere unangika wato, “Ho ngone naa himakeoka o nauru abe ko woelu-elukua ho itiai una naa hihiromanga o Isiraele ma nyawa ma gou-goungu.” Hokogea o Yesusu wotemo o nyawa manga himangoka.

Yohanese 5:23

Hokogea wohiaturoka la hiadono Ngohino o nyawa manga horomati idadi duru imaketero hoka o Babaika iwihoromati. De angamoi gea Ma Jou o Baba wohihidingoto Ngohi naa ho onagona dika ko ihihoromatiua Ngohino, gea Ma Jou o Babaoo ko iwihoromatiua.” Hokogea o Yesusu womahingahu onangika.

Hidingoto 8:21

Masara ngona duru ko idadiua minihikodoku ngonaika mia leleani naa angamoi ani hininga duru ko itiaiua Ma Jou ai himangoka!

Ibarani 3:12

Ho ahi gogianongoru, ngini kiani nimahitiari de homoi-homoiika nimaagoana done naga nia hiningaka ma dorou de hiadono ko niangakua to Ma Jou ai behehongo ma demoika, de done genangino ma titi hiadono nirehene Ma Jouoka de aino de niwioluku Unangika abe Una gea duru wotobawango.

1 Peturusu 3:10

De gea duru imakiniiki de Ma Jou ai Demo-demo abe ma dodihiraino ihitulihukuoka, de ai demo gea itemo ato, “De onagona dika abe yoigo yowango yosanangi dika la manga wowango itagi ma rorahaiika dika, ona gea kiani yomahipareta manga uru ma demoino la ufa ma dorou ihupu manga uruoka de aino. De kianioo manga uru yomahipareta la ufa yoelu-eluku la ato o nyawa yahibudi manga ngelukino.