Matiusu 15:5 - Ma Jou ai Demo-demo o Totobelohoka

⁵ Masara ngini naa nihikawalimi ai pareta ma demo gea abe ninadotoko ngoneino niato to Una ai pareta gea ngaro ko hohingounua haniiki ma ko adodoaua. Abe biaha o nyawa yosanangi dika yaduhunu manga dimonika ma titi o kiahonanga eko o tiwi la ka idadi yao irahai manga dimonika. Masara ngini naa ninadotoko niato, ‘Abe nako nia duduhunu gea nia dimonika la niaduhunu de niahidailako manga perelu, gea ka idadi niwihidoakoli Ma Jouika. Ho ngaro ti ngini nia dimono ko yamakeokauali ma duduhunu nginioka de aino, ma gea ko adodoaua.’ Ho gea ngini niato ngaro o nyawa ko yaduhunua manga dimonika masara genangino de ona ko yahowonua de ko yatilakurua Ma Jou ai Paretaika. De hokogea ti ngini nia dodotoko o nyawaika, masara duru genangino de niahigaro o nyawa la niato ngaro ufa dika de manga dimono yao irahai ho duru niatilakuroka to Una ai Pareta gea.”

Matiusu 15:5 ပူးပေါင်းရင်းမြစ်များ

Matiusu 15:4

“Abeika ngini nimafikirohi abe ma pareta naa moi niatotilakuru. Abe ma dodihiraino Ma Jou wonahuloko wato, ‘Ngini kiani de nia horomati nia babaika de nia memeika hiadono niahingounu de niao irahai,’ de wotemoli wato, ‘Onagona dika abe yahikoboto manga babaika eko manga memeika kiani yohonenge, de manga hohowono gea itiai.’

Matiusu 15:6

“Masara nia dodotoko ma demoino gea de Ma Jou ai Pareta ngoneino ngini nihitipokouku. De gea ngini nidiai la ka idadi ti ngini ma hirete nia dodotoko de nia bohono niagorakiye de nihitihira!

Hidingoto 4:19

Masara o Peturusu de o Yohanese ona yopaluhu ato, “Abeika ngini ma hirete nimafikiri de nimaleha ma titi nia huhuloko ma demoino gea. Bote Ma Jou ai mau la ngomi naa mininiiki ti ngini nia demo ekola koaho wiwihigihene to Una dika ai demo ngomino? Nako ngini niataoko sarakia?

Hidingoto 5:29

De o Peturusu de ai dodiawo o hidingoto ma nyawa utu yopaluhu ato, “Ngomi naa ko idadiua mioporete Ma Jou ai huhuloko ma demoika la ka o nyawali dika manga demo mianiiki, masara kiani Ma Jou ai demo dika miatobaniiki.