Matiusu 15:32 - Ma Jou ai Demo-demo o Totobelohoka

³² De ipaha de o Yesusu wahokino iwinii-niiki Unangino. Ho ona yomatoomuinoka Unangoka de Una wotemo wato, “De naa ahi hininga duru ihuha ma titi o nyawa manga ngoe naa. Angamoi ona naga de de Ngohi abe manga futu hangeinoo de manga inomo duru ko iwaka. De Ngohi ko toigoua tahuloko la yokokilio nako ko hahiolomuahi. Angamoi gea ona ka de manga hafinokahi ho done ahao manga dodagi ma goronakahi de manga hininga ka ihihihanga de ko yomahiadonua manga tau-tauika.”

Matiusu 15:32 ပူးပေါင်းရင်းမြစ်များ

2 Kokoano 4:42

De naga o wange moiuku o nauru abe una gea o Baala-Salisa ma kapongino de o inomo wagao la Ma Jou ai uru ma dodofangika wahidotaka. De ma inomo gea ma roti ma gahumu monaoko abe ahao kangano yaharongo de nagali o gandumu ma goo, abe ahao yautukino ai gandumu ma domorino, de mata-mata gea wihidoaka o Elisaika. De o Elisa wihuloko ai gilaongika wato, “Ma inomo naa nahikodoku nanga dodiawo Ma Jou ai uru ma dodofangika la ona mata-mata ka idadi yokokiolomo.” Hokogea wohibehehongo.

Matiusu 12:40

Abe ma dodihiraino o Yunusu una o nawoko kohaamoko iwilahiroka ho una naga o nawoko ma pokoroka ai dekana ai futu hangeino. De ai futu hange ibooto de ahao iwihihupuoli ai ngango. De hokogenangoo Ngohi o Nyawa ma Ngofaka abe toboa o Horogaka de tauku ahao ahi futu hange dika o tonaka ma goronaka de ahao Ngohi towangoli ahi honengino.”

Matiusu 14:13

Ka de o Yesusu woihene ma abari abe o Yohanese iwitomaka de Una de iwinii-niiki yomatingaka o nyawa yowoe-woeino ho yofarene o ngotiroko. De ona yomahihora o akere ma ngooto ma honongaika angamoi manga hininga la yoiki o ngi moiika abe genangoka ko iwa o nyawa. Masara o nyawa manga ngoe yoihene ma titi o Yesusu ai dumutu ho ona yahiduru yotowongi. De nagali o nyawa abe o kapongo ma ngoeino yomahidogo onangika ho yomakiniiki yotowongi. De ona yototowongi, ona yohira yomahiadonika, ho o Yesusu de iwinii-niiki ka onangoli yoturu yomahiadono.

Matiusu 15:33

De iwinii-niiki yopaluhu ato, “Masara naa done sarakia angamoi ma hoanoka ho done o kiaino hamake ma roti la hato hahikawedono o nyawa mata-mataika naa la yolomo?”

Matiusu 20:34

De o Yesusu ai hininga ma dora ma hiokoo duru itagi ona yahinooto yorafi-rafika ho wakokisoika manga lakoika. De ka de wakokisoika de yotogumoka ho ka idadi yomahioriki! De ahao ona yahinooto onangoo iwiniiki o Yesusu abe yotagi-tagi ma ngekomoka.

Matiusu 27:63

De ona yotemo ato, “Mia gubernuuru, ngomi miongano-nganono wotobaelu-eluku gea o Yesusu ai demo moi abe ko wohonenguahi de womahingahu wato, ‘De ngaro tohonengoka masara o wange hange dika ipahaika de tomomikokali.’ Hokogea Una womahingahu.

Matiusu 9:36

De gea to Una ai hininga ma dora duru itagi o nyawa mata-mataika abe yokokiboaino Unangino. Angamoi Una wahioriki to ona manga kangela duru ma dodubuho de ko moiua yaduhunu onangika. De Una wamao abe ona gea yomaketero hoka o domba ko iwa ma gogoana la yaduhunu de yapaliara enangika.

Maruku 9:22

Nengokadau ma ngoeoka iwiumo o ukuika de o akerikaoo la ato iwihohonenge. Ho nako Ngona ka nakunu niduhunu, tanu duru migahoko la nomidora ngomi naa de nomiduhunu.”

Lukasa 7:13

Ho ka de o Yesusu womimake o ngo bao gea de ai hiningaka duru iwilufungu de o dora ma hiokoo ho woiki munangika de womitemo wato, “Ibootohi noari.”

Hidingoto 27:33

De duru o ngoru-ngorumino abe ma wange ko ipotokauhi de o Paulusu duru womihigaro la wato kiani ngomi miolomo. Abe wotemo wato, “Ngini naa nia minggu hinooto ibooto ko niolo-olomua o inomo ma titi nikokihawanoka!

Ibarani 4:15

De to ngone nanga Hidemo wokokurutiye Ma Jouika, Una gea ka idadi duru wonahioriki abe to ngone nanga hininga ma buturungu ka ikurangohi. Angamoi Unangoo ma dihiraino de iwihiata-atara ma ngoe, de abe o hiatara mata-mataika inadaene ngone o nyawaino, enangoo gea mata-mata iwidaenoka Unangika. Masara ngaro hokogea iwihiata-atara Unangika, masara Una duru ko wahowonua.