Matiusu 15:30 - Ma Jou ai Demo-demo o Totobelohoka

³⁰ De genangoka ahao o nyawa duru ko manga ngoe yao-aoino o Yesusino o nyawa yokokangela. Abe utu naga yaoino ona yolugu-lugu ho ko yomagakunua, de utu yorafi-rafi, de nagali abe yotalo-talo, de utuoli yomou-mou, de nagahi utuohi manga badanga ma kokangela. De ona mata-mata yaoino de yakokelengauku o Yesusu ai himangoka, de Una wahikokitogumu ona mata-mataika!

Matiusu 15:30 ပူးပေါင်းရင်းမြစ်များ

Higiriiri 103:3

“Una woigo wohihiapongo hiadono ka ihikaika ahi howono Unangika waofi, De ma oraha topanyake Una abe ka ihikaika wohihitogumu ahi popanyakeino.

Maruku 9:43

De Una wotemohi onangika wato, “Nako de ani giama ma hononga inihiatara la nako norehene Ma Jouino, gea ani giama nafokoka dika. Angamoi koaho inihipoloka la idadi ani toba genangino la ahao namake o wowango ka hiado-adonika. Masara nako ko notobaua de kiani o Narakaika nowohamika, abe genangoka ma uku ko ihone-honengua, genangoka ngaro ani giama ma gahumu nagahi, ma, done o kiaka ma utumu namake ani giamino?

Lukasa 14:13

Ho ufa hokogea nodiai, masara koaho irahai ngona nahokino o hu-huha ma nyawa de ona yotalo-talo de abe yolugu-lugu de abe yorafi-rafioka.

Hidingoto 2:22

De o Peturusu ka wotemohi onangika wato, “Ngini o Isiraele ma nyawa kiani nitotoihene ahi demoino! Naa ma duru o Yesusu, abe o Nasaretoka ma nyawa gea, Una wowango ti ngini nia hidogoronaka. De ma oraha gea de Ma Jou winihitaana nginika abe ma titi o Yesusu Una duru wagoungu nanga Mesia, Ma Jou ai Ngofaka abe wodiai o heheranga ma dodunguu ma ngoe Unangino. De gea wodiai duru ti ngini nia hidogoronaka la ka idadi niamake to Yesusu ai kuaha de ai buturungu duru kohaamoko.