Matiusu 15:29 - Ma Jou ai Demo-demo o Totobelohoka

²⁹ De ipaha o Yesusu wosoboli ho wanoaika ma tonaka gea de wolio o Galilea ma akere ma ngootika. De ma ngootoka gea Una wodoa o lokuiye ho genangoka wogogeruku.

Matiusu 15:29 ပူးပေါင်းရင်းမြစ်များ

Yesaya 9:1

Ho ona gea abe yomanoa duru o fufutuoka ahao yamake ma dararono moi abe duru kohadararono angamoi ona ahao ka idadi yataoko to Una ai hininga de ahao itararono onangika. De ona genangoka ma dihiraino yotobamodongo o hone-honengika, masara ahao ka idadi ihioriki itararono ma titi Ma Jou ai duduhunu onangika.

Matiusu 13:2

De o nyawa duru ko manga ngoe yoboaino Unangino ho hiadono iwihigilolitino. Masara o nyawa gea duru ka yowoeokaholi ho o Yesusu womaturuuruoka abe wofarene o ngotiroko de wogogeruku o ngotiroka gea. Masara o nyawa yowoe-woe abe yomafafoino genangoka, ona ka o dowongioka dika yototoihene.

Matiusu 4:18

De ma moiuku o Yesusu wotagi-tagi o Galilea ma akere ma ngooto ma ngigorino de genangoka naga Una wamakeika yahinooto o ria-dodoto. Abe ma riaka gea ai romanga hinooto, abe moi iwihiromanga o Simono, de ai romanga moioli o Peturusu. De ai dodoto ai romanga o Andareasa. De ona yahinooto yomatobalingi-lingiri o nawoko la genangoka yomamake o tiwi, de abe ma oraha o Yesusu wamake de ona manga gogiriaka manga homa yodotumo o akeruku.

Matiusu 5:1

De o Yesusu wamake o nyawa duru ko manga ngoe gea abe yoboaka Unangino ma ngioka gea, ho Una wodoaiye ma hohutulu o loku ma geleforoka de genangoka wogogeruku. De ona abe iwinii-niiki yomatoomuino Unangoka.

Maruku 1:16

De o wange moiuku de o Yesusu naga wotowongi o Galilea ma akere ma ngooto ma ngigorino. De wotagi-tagi de wamake o Simono de ai dodoto o Andareasa. De ona yahinooto naga manga ngotiroka manga homa yodotumo o akeruku, angamoi ona gea yotobahoma-homa.

Lukasa 5:1

De o wange moiukuoli o Yesusu naga o Genesarete ma akere ma ngooto ma ngigorino, abe ma ngooto gea naga ma romanga hinooto, de abe moioli ma romanga o Galilea ma akere ma ngooto. De Una naga ma ngigorino wahingahu-ngahu Ma Jou ai Demo-demo o nyawa yowoe-woeika. Masara ona iwihideefotino la ka idadi yotoihene ai demoino.

Yohanese 21:1

De ipahaino o Yesusu womahimatoko ma moioli ona iwitobaniikika. De gea womahimatoko o Tiberia ma akere ma ngooto ma datekoka abe ihiromangoli o Galilea ma akere ma ngooto. De ma oraha womahimatoko hokonaa ma ade-ade.

Yohanese 6:1

De gea ipahaino de o Yesusu de ona iwinii-niiki yomahihora o Galilea ma akere ma ngooto ma honongaika, abe ma ngooto gea naga ma romanga moioli o Tiberia ma akere ma ngooto. De ma oraha gea o nyawa duru ko manga ngoe iwiniiki o Yesusu. De gea yoigo iwiniiki angamoi yamake o heheranga wodiai o nyawa yopopanyakeika.