Matiusu 15:28 - Ma Jou ai Demo-demo o Totobelohoka

²⁸ Ho ka de o Yesusu woihene ami demoino de wotemo wato, “Hobata, to ngona ani ngongaku Ngohino duru ko ietekua. Ho naa tonihidoaka ngonaika abe imaketero hoka ngona nomagahokoka.” Ka de wotemo hokogea de to muna ngomi ora motogumoka angamoi ma tokata gea imatitokoka munangino.

Matiusu 15:28 ပူးပေါင်းရင်းမြစ်များ

Matiusu 14:31

Ka de o Peturusu wopoaka de o Yesusu ai giama widoaka de wiso o Peturusika done wogila-gila iwilutu. De o Yesusu witemo unangika wato, “Ahi dodiawo, marai ani ngongaku Ngohino ko ilamokuahi, e? Adodoa ho hiadono ani hininga ka hinootohi Ngohino?”

Matiusu 15:27

De muna mataoko ai demoino ma titi abe wahiketero ona ko o Yahudi ma nyawaua hoka o kaho, ho gea momagahokoli mato, “Ahi Baluhu, igoungu, masara ngaro o kaho, ma naga utu o inomo ma hou abe ma dutu ma mejaka de auku itifa-tifauku de gea ena ngomi o kaho ka idadi miaolomo. Ho bote ka idadiohi Ngona nohiduhunu.”

Matiusu 8:10

Ka de o Yesusu woihenino ma tentara manga haeke ai demo gea de Una duru woheranga ma titi ma haeke gea ai ngongaku. De o Yesusu wotemo onangika abe iwinii-niiki wato, “Naa tagou-goungu tinihingahu abe nako to una naa ai ngongaku de o Isiraele ma nyawa manga ngongaku masara ka to unangohi iputurungu ai ngongaku. De abe naa ahi dekanino o Isiraele ma tonakoka ma ko tamakeuahi abe o nyawa manga ngongaku iputurungu abe imaketero hoka o homoaino ma nyawa naa to una ai ngongaku!

Matiusu 8:13

De o Yesusu witemoli o Roma ma tentara manga haekika wato, “Ngona ka idadi nolio dika, angamoi naa idadioka abe duru imakiniiki de ani ngongaku ma demoino.” De duru ma oraha gea dika de to una ai duduhunu abe ka o goohi una wotogumoka.

Matiusu 9:22

Ho ka de maso ai bajuika de o Yesusu womadogilioro de womitemo munangika wato, “Ngohi ora, ufa ani hininga ihuha, angamoi ma titi ngona naa ani ngongakuino hiadono notogumoka.” De duru ma oraha gea dika de to muna ami kangela ko iwaka.

Maruku 5:34

De momangaku ibooto de wotemo munangika wato, “Ngohi ora, inihitogumoka ma titi ani ngongakuino. Ho naa ani hininga isanangioka de ka idadi nolio, angamoi ani kangela gea ko iwaka.”

Lukasa 17:5

De ahao o Yesusu ai hidingoto ma nyawa iwitemo Unangika ato, “Mia Baluhu, duru migahoko la Ngona nohidogo mia ngongakuika la utuohi iputurungu!”

Lukasa 7:50

De ahao o Yesusu wotemoli ma ngofekaika gea wato, “To ngona ani ngongaku iniduhunoka ani howo-howonino, ho naa ngona ka idadi nolio dika ani tauika de ani hininga de ma riidoka.”

Lukasa 7:9

Ka de o Yesusu woihene ma demo gea de duru woheranga ma titi una gea ai ngongaku. De Una womadogilioro o nyawa yowoe-woeika de wotemo onangika wato, “Naa tagou-goungu tinihingahu abe nako o Roma ma nyawa naa ai ngongaku de o Isiraele ma nyawa manga ngongaku, masara ka to unangohi iputurungu ai ngongaku. De abe naa ahi dekanino o Isiraele ma tonakoka ma ko tamakeuahi abe o nyawa manga ngongaku iputurungu abe imaketero hoka o homoaino ma nyawa naa to una ai ngongaku!”

2 Tesalonika 1:3

Mia gogianongoru, ngomi nenangoka ka ihikaika mitarimakase Ma Jouiye ma titi ngini, angamoi gea miihenoka abe ngini nia ngongaku Unangika ka idogo-dogo de nagali nia doraoo ma idogo hiadono ngini duru nimakodora. Ho gea ma titi nia ngongaku de nia dora gea hiadono ngomi miato duru itaana abe miato kiani ngomi naa mitarimakase Unangiye ma titi ngini.

1 Samuele 2:30

“Ngohi Ma Jou o Yawe, o Isiraele ma nyawa manga Jou de ma dihiraino tahibehehongo ani doomu ma famika, abe o Lewi ma dutuino, tato ahao ngini ka idadi nihileleani Ngohi ka hiado-adonika. Masara ko idadiokaua hokogea angamoi ahi behehongo gea ngini inihange naa niaolukoka! Ngohi de ahi horomati tomalega onangika abe manga horomati naga Ngohino. Masara ona abe ihiemono Ngohino, kiani Ngohioo taoluku ona gea.