Matiusu 15:25 - Ma Jou ai Demo-demo o Totobelohoka

²⁵ Masara muna gea ko mosoboua ho ka ino dika momahitigi o Yesusu ai himangino de matilabukuku genangoka. De gea ka momagahokohi o duduhunu mato, “Ahi Baluhu, duru tomagahoko la Ngona nohiduhunu ngohi!”

Matiusu 15:25 ပူးပေါင်းရင်းမြစ်များ

Dodadi 32:26

Masara o Yakubu ko wipidilua de una wogahoko wato, “Kiani nohipidili angamoi itebinoka abe ngade-ngade o wange ipotoka.” Masara o Yakubu wowomaha ka wodobi-dobiki de wogahoko wato, “Nako ngona ko nohihiowauahi ko tonihigunoauahi nosobo.”

Matiusu 14:33

De ona iwinii-niiki o ngotiroka gea yomakokihuba Unangika de ato, “Ngona naa duru igou-goungu Ma Jou ai Ngofaka!”

Matiusu 15:26

De o Yesusu womipaluhu wato, “Hobata, tomahilooa, ma kiani ma ngofa-ngofaka ona yohira yahiolomo. Ko idadiua o ngofa-ngofaka manga inomo genangino yagoraka de yododutumoika o kahoika gea. Ho gea Ngohi tato kiani o Yahudi ma nyawa tatihira abe taleleani.”

Matiusu 20:31

De o nyawa manga ngoe genangoka yataere onangika ato, “Ufa nigigoro hokogea! Nimariidoka dika!” Masara ka de hokogea de utuohi yaamo-amokiye abe imaketero hoka manga demo ihira-hira ato, “Mia Baluhu! O Dautu ai Toforauku, ngomi mimagahoko la nomidora ngomi naa!”

Matiusu 8:2

De abe wouti ai gogiriaka de ka itodokanino womatengo iwipado woboa o Yesusino de watilabukuku ai himangoka la wihoromati Unangika. De iwipado gea womagahoko wato, “Ahi Baluhu, nako Ngona nomodeke, ngohi tohioriki Ngona ka idadi nohiduhunu la hiadono ka idadi totogumu.”

Maruku 9:22

Nengokadau ma ngoeoka iwiumo o ukuika de o akerikaoo la ato iwihohonenge. Ho nako Ngona ka nakunu niduhunu, tanu duru migahoko la nomidora ngomi naa de nomiduhunu.”

Maruku 9:24

Ka de wotemo ibooto de ai baba wopoaka wato, “Ahi Baluhu, ahi ngongaku naga, masara ka ikurangohi. Ho ngohi tomagahoko la nohiduhunu la ahi ngongaku ka idogo iputurungu!”