Matiusu 15:19 - Ma Jou ai Demo-demo o Totobelohoka

¹⁹ “Angamoi doka o nyawa manga hiningaka ka ipuda ma dorou irupa-rupa. Abe hoka manga hininga ma dorou, de nagali o doma, de abe yomakitigi de abe ko manga fekatua eko manga rokatua. De nagali o dohiki, de o ngeluku, de o doa-doana o nyawaika.

Matiusu 15:19 ပူးပေါင်းရင်းမြစ်များ

Dodadi 6:5

De Ma Jou o Yawe wamake o nyawa mata-mataika manga wowango ma datoro itorou. De wamakeoli abe ka ihikaika ipuda manga hiningaka ka ma dorou dika.

Dodadi 8:21

De o Nuhi ai huhuba ma bounu idoaiye de Ma Jou o Yawe waame de duru iwihisanangi ho hiadono womatemo ai hiningaka wato, “Ngohi ko tohipohakaua o tonakuku de o hohowono hokonaa. De ngaro o nyawa duru manga etetekinohi manga hiningaka ipuda yodiai ka itorou dika masara, mata-mata de ma wowangoka ngohi ko tahibinaahakauali de o nguihi. Abe hoka ipopahaino naa idadioka hiadono yakokilutu, masara gea duru ko todiaiokauali.”

Sosawaro 4:23

Mata-mata ngone hodiai ngaro ma dorou eko ngaro ma owa, ma mata-mata gea imulaenge nanga hiningaka de aino. Ho gea abe itagi nanga hiningaka ahao ihupu de imahimatoko nanga wowango ma datoroka. Ho abe ngini kiani duru ka ihikaika nimahigoana la ufa nia hininga itagi ma dorouika angamoi ngaro mata-mata utu nia wowangoka ma ka enangohi kiani niogoana.

Sosawaro 6:14

Ka ihikaika hokogea manga hidee ma dorou ma dodunguu yodiai la yahikangela o nyawaika. Angamoi to ona manga hininga la ka ihikaika o nyawa yahikapusaka de yahikangamo.

Yesaya 55:7

Abe o nyawa yotobadiai ma dorou kiani yoporetika manga howono gea la yanoaka dika. De kiani manga hininga ma dorou yomahipidili genangino la ibootohi itagi manga hiningaka. De gea yolio Ma Jou o Yaweino la Una ahao ai hininga ma dora ma hiokoo wapake onangika. Kiani iwigilio Una manga Jouika la Una duru waofi manga howono ai hininga ma rorahaiino.

Gegetongo 22:29

De o Bileama wopaluhu ai keledaiika wato, “Ngona nohihiona-ona ho hiadono nohihimaleke ho hiadono tonipoha! Ngona o aewani dika de nako ahi dia naga ahi giamoka koaho tonitomaka dika!”

Matiusu 15:20

De ma dorou ena gea abe ka idadi inihihowono Ma Jouika. Masara abe nako o nyawa ko yomaihorikaua manga giama de yolomo, gea duru ko idadiua inihihowono Ma Jouika.” De hokogea o Yesusu ai dodotoko ona yowoe-woeika.

Matiusu 5:28

De gea igoungu, masara Ngohi tato ka onangua dika yahowono. Angamoi o nauru onagona dika abe womalega o nyawa manga fekatika de ai badanga ma hafini ipuda ai hiningaka hiadono woigo la yomakitigi de muna, gea imaketero dika abe hoka wahowonoka ai badangoka ngaro tanu ai hiningaka dika.”

Matiusu 9:4

De o Yesusu Una duru wahioriki to ona manga hininga ho Una wataere onangika wato, “Adodoa ho hokogea nia hiningaka de nitemo-temo ma dorou Ngohino? Marai ngini niato to Ngohi ahi kuaha ko iwa?

Hidingoto 8:22

Angamoi ngohi ka idadi tonihioriki ani hininga abe gea duru aomangoka de o daleana ho hiadono inihidapakitoka o howonika. De ngona kiani ani hininga ma dorou gea nanoaka de nomaniata Ma Jouiye de nomagahoko la Una woniapongo ngona ma titi ani howono.”

Roma 7:18

De gea ngohi duru tomahioriki abe moioo de ko iwa ma rorahai abe imanoa ngohioka. De gea ahi demo ma titi tanu ko iwa ma rorahai abe imanoa ahi badangoka, angamoi duru tomahioriki abe ahi badanga naa o duniaka dika ho ma rorahai ko iwa genangino. De tohioriki abe ma rorahai ko iwa ahi badangoka angamoi ngaro ngohi duru toigo todiai o datoro ma rorahai masara gea ena ko takunua.