Matiusu 15:18 - Ma Jou ai Demo-demo o Totobelohoka

¹⁸ Masara nako o demo ma dorou gea mata-mata o hininga ma dorouoka de aino iboa, de ena gea abe inahipeseke de inahihowono Ma Jouika.”

Matiusu 15:18 ပူးပေါင်းရင်းမြစ်များ

Sosawaro 10:32

O totiai ma nyawa manga uruino ihitobademo o demo abe ma rorahai dika. Masara ona abe manga datoroka itorou yapake manga uru ihidemo ihowono, ho manga demo ma dorou dika.

Sosawaro 4:23

Mata-mata ngone hodiai ngaro ma dorou eko ngaro ma owa, ma mata-mata gea imulaenge nanga hiningaka de aino. Ho gea abe itagi nanga hiningaka ahao ihupu de imahimatoko nanga wowango ma datoroka. Ho abe ngini kiani duru ka ihikaika nimahigoana la ufa nia hininga itagi ma dorouika angamoi ngaro mata-mata utu nia wowangoka ma ka enangohi kiani niogoana.

Sosawaro 6:12

De hokonenangoli o nyawa manga wowango ma datoro abe tahiromanga yotobatualono de ko iwa ma utumu manga wowangoka! Abe ona yotobadiai itorou muruono naga, abe hoka ona duru ka ihikaika yotobaeluku de manga demo.

Matiusu 12:34

Masara ngini ka nioluku nihifetongo abe to Ngohi ahi hininga ma rorahai. De genangino ma titi hiadono Ngohi tinihiromanga nginika tato nimaketero abe hoka o dodiha ma biha-biha, angamoi ngini niatobabudi-budi o nyawaika de niahitobahirehene la ma bahauku ona yokangela. De ti ngini nia demo mata-mata gea ka o demo ma dorou dika ihupuino, angamoi ka o dorou dika imanoa ti ngini nia hiningaka. Ho done sarakia ma rorahai iboa nginioka de aino? Duru ko idadiua! Abe o kia dika imanoa o nyawa manga hiningaka, gea ena ma demo abe ahao ihupu manga uruino.

Matiusu 15:11

De naa Ngohi tinihitararono abe o kia tanu ka idadi inahihowono Ma Jouika. Angamoi ahao kangano naga abe yataere ahi nyawaika ihinii-niiki ato yahowono Ma Jouika mangale ma titi manga giama ko yomaihoruahi de ka yolomo, ho bote naga ma peseke iwohama manga badanguku. Masara naa tinihitararono tato ko iwa ma hoanino abe o nyawa manga badanguku iwohamuku de yahihowono Ma Jouika. Masara o demo ma dorou abe manga uruino ihupu, ena gea abe yahihowono Ma Jouika.” De hokogea o Yesusu ai demo onangika.

Matiusu 15:17

Marai hokonaa ma hitararono. De o kia dika abe ngone haolomo de ena gea ko itulua nanga hiningaika ma ka igila-gila nanga pokoruku de ahao nanga badangoka ihupuokali.

Maruku 7:20

De o Yesusu ai hitararono wohigila-gila onangika hokonaa wato, “Abe ihupu o nyawa manga hiningaino gea ena abe yahipeseke de yahihowono Ma Jouika.

Lukasa 19:22

“De ma koano woihene ai demo gea de duru ko wisanangiua ho wipaluhu wato, ‘Ngona ahi huhuloko duru ani datoro gea itorou! De naa to ngona ma hirete ani demoino de tonihohowono ngonaika. Ho ngona naa nohitaere ngohino nato tatobaribuutu o nyawaika, e? De ngona nato bote tomale-le dika o nyawa manga tiwi, de abe o nyawa manga gugutuku ma hasili de tomahitongohioka dika. Ho naa done sarakia hiadono noelu-eluku?

1 Samuele 24:13

Abe imaketero hoka o demo ma dulu ngoneoka itemo, ato, ‘Nako o nyawa yodiai itorou gea mangale doka manga hiningaka naga o dorou imanoa.’ De nanga demo ma dulu gea ngohi tapake la tomahitunguu abe ngona ka idadi nohihioriki ngohi ko todiaiua ngonaika ma dorou.” Hokogea o Dautu womahingahu.