Matiusu 14:8 - Ma Jou ai Demo-demo o Totobelohoka

⁸ De to muna ngomi meme duru momihigaro munangika ho mopaluhu mato, “Ngohi togahoko ma oraha naa dika de kiani tamake abe o Yohanese Wotobaohi-ohiki gea, to una ai pea o dodaioka.”

Matiusu 14:8 ပူးပေါင်းရင်းမြစ်များ

1 Kokoano 18:13

Mode ngona ahi baluhu ko nohihiorikuahi abe ma oraha o ngo Isebele matoma Ma Jou o Yawe ai uru ma dodofanga manga ngoe de gea ngohi abe manga ngoe tagogono o aruku hinootoika? Ho naga yamoritoa o aruku moioka de o aruku moiokali naga ona yamoritoa. De ngohi tahiolomo de tahiokere abe Ma Jou o Yawe gea ai uru ma dodofanga.

1 Kokoano 18:4

Abe una ma dihira duru waduhunu abe Ma Jou ai uru ma dodofanga yaratuhu moi ma oraha o koano ngoi fekata, o ngo Isebele, muna duru momagawe matoma Ma Jou o Yawe ai uru ma dodofanga manga ngoe. Masara o Obaaja, una waduhunu Ma Jou o Yawe ai uru ma dodofanga gea la wato ufa o ngo Isebele gea makokitoma hiadono mamataka. Ho o Obaaja waduhunu ona Ma Jou o Yawe ai uru ma dodofangika abe yaratuhu moi wao o loku-lokuika de ahao ona wagogono o aruku hinootoika. Ho naga o regu moi yamoritoa wagogono o aruku moioka, de o aruku naga moiokali onangoo wagogono naga yamoritoa genangoka. De o Obaaja Ma Jou ai uru ma dodofanga mata-mataika gea wahidailako manga inomo de manga akere.

1 Kokoano 19:2

Ka de o ngo Isebele moihene ma ade-ade gea de ami hidee ma hingahu mohidingoto o Eliaika, mato, “Abe ngona nodiaioka onangika abe yoleleani o Baalika nakokitomaka ho ngohi o ngo Isebele, o koano ngoi fekata, kiani ona tahibalaha. Ho ngohi de ahi koboto ma demo tonihingahu, ‘Itebini adonoka o takoro hokonaa de ngona nohonengokau! Abe nako tokala hiadono hokogenangua idadi ngohi tomagahoko la o popangao gea ngohioo ihitoma ngohi.’” Hokogea o ngo Isebele ami koboto ma demo mohidingoto o Eliaika.

Esara 1:9

De Ma Jou ai Tau ma kiahonanga hokonaa abe o Miredata waetongoka de wohitulihuku: O hidoaka ma udo-udomo o gurasino ma gahumu gea moruange. O hidoaka ma udo-udomo o haakaino ma gahumu gea o sana moi. O udo-udomo utu ma gahumu gea monaoko de hiwo. O udo-udomo ma eteteke abe o gurasino ma gahumu gea moruange. O udo-udomo ma eteteke abe o haakaino ma gahumu gea o ratuhu iata de ngimoi. O leleani ma kiahonanga utu ma gahumu o sana moi.

Sosawaro 1:16

Ona duru yomatai-taiti manga dumutu o dorouika. De ona yoigo o nyawa manga awunu yakopoa.

Matiusu 14:11

Watobiki ibooto de o dodaiuku wonoauku de waoino o ngofekaika gea de womihidoaka. De muna gea ahao momihidoakoli ngomi memeika.

Matiusu 14:7

De mangale ma titi una duru womisanangi munangika ho womihibehehongo wato, “O kia dika nomagahoko ngohino ma gea ka idadi tonihidoaka ngonaika.”

Matiusu 14:9

De ami demo gea woihene de duru o Herodese ai hininga ihuha, masara angamoi ai behehongo gea wotemokau abe ai dodiawo manga hima-himangoka, ho ko idadiua de womieluku munangika. Ho una wiahoko de wihuloko o tentara womatengoika wato, “Noiki o Yohanesika la to una ai pea nale de naoino ngohino.”

Maruku 6:24

De wohibehehongo ibooto de ahao muna mohupu de moleha ngomi memeika mato, “Meme, ho naa o kia tomagahoko?” De muna mopaluhu mato, “Koua. Abe kiani nogahoko gea o Yohanese Wotobaohi-ohiki, una gea nogahoko to una ai pea.”

Maruku 6:25

De gea momataiti molio o Herodesika de mogahoko mato, “Ngohi togahoko ma oraha naa dika de tamakeoka abe o Yohanese Wotobaohi-ohiki gea, to una ai pea o dodaioka.”

Maruku 6:28

Watobiki ibooto de o dodaiuku wonoauku de wao o ngofekaika de womihidoaka. De muna gea momihidoakoli ngomi memeika.