Matiusu 14:27 - Ma Jou ai Demo-demo o Totobelohoka

²⁷ Masara ka de yopoaka de o Yesusu wotemo onangika wato, “Ngohi naa, ho nimatotomoroini dika, ngaro ufa de nihimodongo.”

Matiusu 14:27 ပူးပေါင်းရင်းမြစ်များ

Matiusu 14:28

De wotemo ibooto de ahao o Peturusu wiahoko Unangika wato, “Ahi Baluhu, nako igoungu abe gea Ngona genangoka notagi-tagi, kiani nomahitaana ma titi ani kuahaino abe nohihiakunu ngohi la ngohioo totagi-tagi o akere ma ngooto ma lokuika abe imaketero hoka Ngonali.”

Matiusu 17:7

De ahao o Yesusu woboa onangino de waso de wotemo onangika wato, “Nimomikoka, de ibootohi nihawana.”

Matiusu 28:10

De ahao o Yesusu wotemo onangika wato, “Ho ngaro ufa ngini nihawana! Masara niloikohi ahi gogianongoruika de niahibehehongo la ona yosobo yoiki o Galilea ma tonakika, la ahao ona de Ngohi mimakamake genangoka.”

Matiusu 28:5

De ma malaekata gea wotemo o ngofeka yahinootoika gea wato, “Ngaro ufa de nihimodongo! Angamoi tohiorikoka abe ngini niwilingiri o Yesusu, abe Una gea iwihohonengoka o gota isosalioaka.

Matiusu 9:2

De yomahiadonoka genangoka de naga womatengo wolugu-lugu abe ai dodiawo iwiao o Yesusino. De wolugu-lugu gea una ka womaiduoka dika ai nanaooka. Ho ka de o Yesusu wamake wolugu-lugu gea de ai dodiawo abe iwiaoino de wahioriki abe ona mata-mata manga hiningaka de duru iwingakuoka Unangika. De mangale manga ngongakuino gea ho o Yesusu witemo wolugu-luguika wato, “Ahi ngofaka, ufa ani hininga ihuha, angamoi naa ani howono Ma Jouika Ngohi takokiofioka.”

Maruku 6:50

angamoi ona mata-mata iwimake de duru iwimodongo. Masara ka de yopoaka gea de wotemo onangika wato, “Ngohi naa, ho nimatotomoroini dika de ngaro ufa de nihimodongo.”

Lukasa 1:13

Masara o Gabiriele witemo o Sakariaika wato, “Sakaria, ngaro ufa nohawana, angamoi naa ngohi toboa la tonihingahu abe Ma Jou wohigihenoka ani gogahoko. Abe ma dodihirainohi de ngona nogahoko Ma Jouika o ngofaka, ho Una wohihidingotino la gea tonihingahu ngonaika. Ho ngoni fekata o ngo Elisabete ahao momagerewoto de ami ngofaka o nauru, de ti ngini nia ngofaka gea kiani ngona nihiromanga o Yohanese.

Lukasa 1:30

Masara o Gabiriele wotemoli munangika wato, “Maria, ngaro ufa nohawana angamoi Ma Jou duru wonisanangi ngonaika hiadono wonihiowa ngona.

Lukasa 12:32

“De igoungu abe ngini Ma Jou ai nyawa ko niwoeua de nia kuaha hatoli ko iwa. Masara ufa nihawana, angamoi ti ngini nia Baba duru wosanangi dika winigorakiye la nidadi to Una ma hirete ai nyawa hiadono Una winihikoano nginika.”

Lukasa 2:10

Masara ma malaekata gea wahingahu onangika wato, “Ngaro ufa nihawana! Ngohi naa tinidotaka o Abari ma Rorahai abe ahao o nyawa mata-mataika duru yahidogaragoka o Abari ma Rorahaiika gea.

Yohanese 16:33

“Ahi hingahu mata-mata naa tinihingahu nginika la ti nginioo nia hininga de ma miriidi angamoi nigogere Ngohioka. Ho nia miriidi gea naga ngaro nigogerohi o duniaka naa, de ngaro kiani o huha niamake. Ho ufa nia hininga aliko o huhaika gea! Kiani nikokisanangi dika! O dunia ma kangela naa Ngohi tohikalaka la nginioo ka idadi nilaku.”

Yohanese 6:20

Masara o Yesusu wotemo onangika wato, “Ibootohi nihawana, naa Ngohi ho!”

Hidingoto 23:11

De ma futu gea de nanga Baluhu idodutu womahimatoko o Paulusika de wihingahu wato, “Paulusu, ngona ufa ani hininga ihuha masara ka idadi notomoroini dika. Angamoi abe imaketero hoka o Yerusaleeme ma nyawaika naa nahingahuokau ma titi Ngohi, duru hokogenangoo ngona ahao o Roma ma kotaka de nahikodoku onangikali ma titi o Abari ma Rorahai.” Hokogea nanga Baluhu wihingahu o Paulusika.