Matiusu 14:26 - Ma Jou ai Demo-demo o Totobelohoka

²⁶ De ona iwinii-niiki ka de iwimake wotagi-tagi o ngooto ma lokuika de ona yato bote o tokata, ho duru yopoa-poaka ma titi manga hininga aomangoka de o hawana. Ho ona yopoaka ato, “Ei, abeika ga gena o tokata itagi-tagi!”

Matiusu 14:26 ပူးပေါင်းရင်းမြစ်များ

Lukasa 24:23

De yomahiadono ai lungunika ma ko yamakeua to Una ai honenge. De yolioino de yoade-ade abe yamake ai lungunoka o malaekata abe yahingahu onangika ato bari Una gea wowangokali.

Lukasa 24:37

De ona mata-mata yatodokana de duru iwimodongo angamoi manga hiningaka yomafikiri ato Una gea marai o nyawa yohonengoka manga tokata.

Lukasa 24:45

De ahao Una wafelenga manga hininga la ka idadi ona yataoko itiai Ma Jou ai Demo-demoino.

Lukasa 24:5

De ma ngo-ngofeka gea duru yamodongo onangika ho ka yomamotumuku manga himangoka ka hiadono manga himanga yodaharuku dau ma tonakuku. De ma nauru yahinooto yotemo ato, “Adodoa ho ngini niwilingiri womatengo abe wowango-wango naa o hone-honenge ma ngioka?

Hidingoto 12:15

Masara ami demo gea ko yongakua ho ona ato, “Ngona marai initogohangoka!” De gea muna mohigali-gali motemo de ami buturungu mato, “Koua, duru tagoungu abe o Peturusu naga ma poretoka!” Ho ona yotemo ato, “Marai gea to Peturusu ai malaekata masara ko unangua.”

Himatoko 1:17

De ngohi ka de timake de tomamotumukuoka to Una ai louoka de gea hoka ngohi tohonengoka. Masara gea Una wohituku de ai giama ma niraka ngohiuku de wotemo wato, “Ufa nohimodongo! Ngohi naa abe ko kia-kiauahi idadi de Ngohi nagau, de Ngohi duru ko iwa ahi bobaha.