Matiusu 14:20 - Ma Jou ai Demo-demo o Totobelohoka

²⁰ De ona mata-mata yolomo ka hiadono yakokipunuhoka. De yolomo ibooto de ahao o roti ma hou de o nawoko ma hou yagorakino iwinii-niiki gea de yonoa o tupauku. De gea yonoa hiadono o tupa ngimoi de hinooto aomangiye de manga inomo ma hou-hou.

Matiusu 14:20 ပူးပေါင်းရင်းမြစ်များ

Huhupu 16:12

“Musa, Ngohi toihenoka o Isiraele ai totoforauku manga gurubungu ma demo gea. Ho naa ngona nahingahu onangika ahi demo naa, nato, ‘Ngini bootino o wange ilobioka de ahao niamake o roehe de gea ena ka idadi niaolomo. De ahao itebini o ngoru-ngoruminoli niamake o roti abe ka idadi niaolomo hiadono ka idadi inikokipunuhoka. Hokogea Ngohi Ma Jou tomahitaana nginika abe Ngohi naa Ma Jou o Yawe ti ngini nia Jou.’ Ho ngona Musa kiani ahi demo gea nahingahu onangika.”

Huhupu 16:8

Ho ngini ahao winihidoaka o roehe abe ka idadi niaolomo o futu naa. De ahao o ngorumino de winihidoakoli o roti hiadono duru inikokiwedono homoi-homoiika o roehe de o roti. Ho de gea ena wodiaioka de duru winihitararono nginika abe ma titi o kia dika niakurubungu ngaro ufa de ngomino nimihigurubungu angamoi nia gurubungu ma demo gea ma dumutu duru Ma Jou o Yaweika!” Hokogea o Musa de o Harunu yahingahu ona mata-mataika.

Matiusu 14:21

De o nyawa manga ngoe abe yolo-olomo o roti gea, ona abe o baluhu o nau-nauru dika genangoka, naga yasana motoa. De gea o ngo-ngofeka de o ngofa-ngofaka ko yahidetongua. De hokogea ma ade-ade abe o Yesusu wahiolomo o nyawa ko manga ngoe.

Matiusu 15:33

De iwinii-niiki yopaluhu ato, “Masara naa done sarakia angamoi ma hoanoka ho done o kiaino hamake ma roti la hato hahikawedono o nyawa mata-mataika naa la yolomo?”

Matiusu 5:6

De abe o nyawa duru yohafini de manga hininga ma gahumu la ato ka Ma Jou ai totiaiika dika yanii-niiki manga wowangoka, onangoo gea yamake ma hiowa Ma Jouino, angamoi Una ahao wahiakunu la hiadono ona duru yototiaioka Ma Jou ai himangoka.

Lukasa 1:53

De ona yahafi-hafini Una wahibunuhu de ai hiowa, Masara abe o nyawa de manga tiwi-tiwioka, Ona wakiniikoka ho ona ka manga homoa dika.

Lukasa 9:17

De ona mata-mata yolomo hiadono yakokipunuhoka. De yolomo ibooto de ahao o roti de o nawoko ma hou yagorakiye iwinii-niiki gea, de naga o tupa ngimoi de hinooto aomangiye manga inomo ma hou.

Yohanese 6:7

De o Filipusu wopaluhu o Yesusika wato, “Ahi Baluhu, ngaro de o tiwi ma amoko imakadaene de o nyawa manga hewa abe yokarajaanga o wange ratuhu hinooto ma dekana, de ngaro ma tiwi gea mata-mata hapake la homaija o roti dika, masara ko hahikegetongua. Ona abe yoboaino naa ka yowoeholi ho ngaro hahikokidoaka ma hutu ma hutu dika ma ko hahikawedonua.”