Matiusu 14:12 - Ma Jou ai Demo-demo o Totobelohoka

¹² De ipaha abe o Yohanese ai dodiawo iwinii-niiki ona yoihene abe iwitomaka de ona yoboa ai honenge yale, de ai honenge gea yalungunoka. De yalungunu ibooto de ahao iwiade-ade o Yesusika abe hokokia idadioka. De hokogea ma ade-ade abe ma titi o Yohanese wohonenge.

Matiusu 14:12 ပူးပေါင်းရင်းမြစ်များ

Matiusu 14:11

Watobiki ibooto de o dodaiuku wonoauku de waoino o ngofekaika gea de womihidoaka. De muna gea ahao momihidoakoli ngomi memeika.

Matiusu 14:13

Ka de o Yesusu woihene ma abari abe o Yohanese iwitomaka de Una de iwinii-niiki yomatingaka o nyawa yowoe-woeino ho yofarene o ngotiroko. De ona yomahihora o akere ma ngooto ma honongaika angamoi manga hininga la yoiki o ngi moiika abe genangoka ko iwa o nyawa. Masara o nyawa manga ngoe yoihene ma titi o Yesusu ai dumutu ho ona yahiduru yotowongi. De nagali o nyawa abe o kapongo ma ngoeino yomahidogo onangika ho yomakiniiki yotowongi. De ona yototowongi, ona yohira yomahiadonika, ho o Yesusu de iwinii-niiki ka onangoli yoturu yomahiadono.

Maruku 6:29

De ipaha abe o Yohanese iwinii-niiki ona yoihene abe iwitomaka de ona yoboaino de ai honenge yale, de yalungunoka ai honenge gea. De hokogea ma ade-ade abe o Yohanese iwitoma.