Matiusu 14:10 - Ma Jou ai Demo-demo o Totobelohoka

¹⁰ De o tentara gea wosobo woiki o bui ma tauika ho o Yohanese ai tomarino watobiki.

Matiusu 14:10 ပူးပေါင်းရင်းမြစ်များ

Matiusu 14:11

Watobiki ibooto de o dodaiuku wonoauku de waoino o ngofekaika gea de womihidoaka. De muna gea ahao momihidoakoli ngomi memeika.

Matiusu 14:9

De ami demo gea woihene de duru o Herodese ai hininga ihuha, masara angamoi ai behehongo gea wotemokau abe ai dodiawo manga hima-himangoka, ho ko idadiua de womieluku munangika. Ho una wiahoko de wihuloko o tentara womatengoika wato, “Noiki o Yohanesika la to una ai pea nale de naoino ngohino.”

Matiusu 17:12

Ho naa tinihingahu dika, igoungu una gea abe iwihiromanga o Elia, una woboaka, masara o nyawa ko iwihiorikua abe una o Elia. Ho o kia dika naga abe o nyawa manga hiningaka ma dorou, gea unangika iwihipake. De naa ko itedekanokaua de Ngohioo o Nyawa ma Ngofaka ihihikangela o nyawa utu manga giamoka.”

Lukasa 9:9

De manga demo gea o Herodese woihene masara ka wopusingohi ai hiningaka de wato, “Masara nako o Yohanese una gea titomaka abe ai pea yaleokau, ho naa done onaguna abe ai datoro duru o fara moi gea toihenino?” Hokogea o Herodese ai demo. Ho una duru woigo witutumu unangika abe o heheranga wotobadiai.

Himatoko 11:7

De ona yahinooto gea ka yogila-gila dika yahingahu de yahigaro o nyawaika ma titi Ma Jou ai hingahu ma demoino la ato o nyawa ka idadi iwingaku Unangika. De hokogea ka ihikaika yodiai ka hiadono ma hingahu gea ingodumoka de gea ahao to ona manga oraha adonoka. De ahao ma oraha gea de naga ihupu o aewani moi duru itualono dau o haariye, abe ma haara gea ena abe duru kohagurutuku. De gea abe ma aewani ma dodualono ihupuino ma haarino gea ena yaparangi ona yahinootoika de hiadono yahikala de yatoma onangika.