Matiusu 13:45 - Ma Jou ai Demo-demo o Totobelohoka

⁴⁵ De o Yesusu wogila-gilahi wotemo iwinii-niikika wato, “De naa o hiketero moioli tinihingahu abe ma titi hokokia Ma Jou wahikoano ai nyawa. De hokonaa ma hiketero. De naga womatengo wotobalingiri o biagaro ma hakaru ma hohailoa o nyawa-nyawaika la gea ka idadi wofuku-fukunu de womatiwi-tiwi genangino.

Matiusu 13:45 ပူးပေါင်းရင်းမြစ်များ

Tobadotoko 12:13

De naa ngini niihenoka ahi demo mata-mata, ho naa tohidotoomuino ahi demo ka ma moi. Abe ngohi tonahigaro tato ngone kiani naga nanga horomati Ma Jouika de hatobaniiki to Una ai pareta ma demo ngoneino, angamoi ai pareta gea inahingahu to Una ai mau ngone mata-mataino.

Matiusu 13:24

De ahao o hiketero moioli o Yesusu wahidoaka o nyawaika, wato, “Ahi ade-ade ma demoino naa de tinihingahu nginika abe hokokia idadi ma oraha Ma Jou wahikoano ai nyawaika. De naga womatengo wotobaredi de o pine ma bibiti ma rahai wohibarihi ai redioka.

Matiusu 13:46

De o wange moiuku wamake moi o biagaro ma hakaru abe duru ihohailoa de duru de ma ijaka, ho una woiki de to una ai kiahonanga wakokifukunoka. De ma tiwi abe womamake ai kiahonangino, gea wapake la womaijaino ma biagaro ma hakaru gea angamoi duru wodosanangi enangika. De hokogenangoo o nyawa manga hininga nako Ma Jou wadafongo ma oraha wahikoano o nyawaika. Abe koaho o nyawa yaetongo gea duru de ma ijaka imaketero hoka o biagaro ma hakaru ma hali-hali gea.”

Matiusu 16:26

“Ho naa tinileha. Done o kia o nyawa manga utumu abe nako o kiahonanga mata-mata o dunia ma amokika yomaleino, masara ka de ma oraha yohonenge de duru yomakitingaka kohagurutika Ma Jouino angamoi yomanoa o Narakaka? De mode naga o kia ho ato ka idadi yomabangu la ato manga wowango amake ka hiado-adonika? Gea duru ko iwa!”

Matiusu 22:5

“De ai huhuloko yaniiki itiai ma koano ai demo onangika gea, masara ona ka yolukohi ho ko yoboaua. Abe utu yomahiaka ato naga manga karajaanga kiani yodiai, ho utu yoiki bari yokarajaanga manga redika de utuoli manga tokoika yoiki la bari yofuku-fukunu genangoka.

Matiusu 7:6

De o Yesusu ka wadotokohi wato, “Nako ngini niadotoko Ma Jou ai Demo-demo o nyawaika, masara ona gea ko yodafongua de ka yahohedu dika enangika, gea ngini ibootohi niahingahu onangika gea. Angamoi ai Demo-demo gea duru de ma medebinoka Ma Jou ai himangoka, ho ufa niahidoaka onangika gea abe ka yaoluku dika. Angamoi ona gea tahiketero abe hoka o fuhuku ma kaho eko abe hoka o ode. Abe ngaro o inomo ma rorahai hohitoofo o fuhuku ma kahoika ma yaoluku ho ko yaolomua, de hongoli ka idadiohi ma kaho inaorutu ngone. De ngaro naga o biagaro ma hakaru moi abe ena gea duru de ma ijaka la gea hato hohidoaka o odeika. Masara abe ma hali-hali gea ma ode ka yaoluku ho adoko-doko dika o pesekoka. Ho ngini nako niadotoko o nyawaika to Una ai Demo-demoino abe duru ikurutiye masara ona ka yoluku dika, gea ibootohi de niadotoko onangika.”