Matiusu 13:36 - Ma Jou ai Demo-demo o Totobelohoka

³⁶ De ipahaino de o Yesusu wadotoko ibooto o nyawa ko manga ngoeika gea ho Una de abe iwitobanii-niiki ona yokokiwohama ma tau ma goronaika. De genangika yowohamoka de ona iwinii-niiki yomagahoko o Yesusika ato, “Mia Baluhu, marai ngomi migahoko la Ngona nomihitararono ngomino ma hiketero kangano ma titi. Abe ma hiketero ma goronaka de notemo nato womatengo ai redioka de naga o ruruubu duru kohangoe. Gea ena done ma titi o kia?”

Matiusu 13:36 ပူးပေါင်းရင်းမြစ်များ

Matiusu 13:1

De ma wangeoka gea abe o Yesusu ngoi meme de ai doo-dodoto iwitutumu de bootino ahao Una ma tauoka de wosobo ho woiki o Galilea ma akere ma ngooto ma ngigoroka. De ma ngigoroka gea wogogeruku la wadotoko o nyawaika.

Matiusu 13:11

De o Yesusu wapaluhu onangika wato, “Ma dihiraino o nyawa ko ihiorikuahi Ma Jou ai dogogono abe ma titi hokokia Una wahikoano ai nyawaika. Masara ma oraha naa Una ai dogogono gea winihimatokoka nginika abe nihinii-niiki la wato ngini ka idadi nihioriki. Masara naga o nyawa utuoli gea abe tanu ko iwa manga hininga Ma Jouika ho Una ko wahidoakua onangika la wato ufa ihioriki.

Matiusu 13:18

De ahao o Yesusu ka wotemohi iwinii-niikika wato, “De naa tinihitararono nginika ma hiketero ma ade-ade abe kangano tinihingahuoka, la ka idadi nihioriki abe ma titi womatengo gea o bibiti wohibarihi.

Matiusu 13:25

De wohibarihi ipahaino de ma futuku gea o nyawa mata-mata yakiookoka. Masara naga womatengoli abe wotobaredi gea ai musu, de una womatohiki woboaino de unangoli wodatomo o ruruubu abe o pine ma redioka gea ho imakasapurino de ma pine ma bibiti ma rahai.”

Matiusu 14:22

Ka de o Yesusu wahikokiolomo ipaha o nyawa ko manga ngoe gea de Una wahuloko iwinii-niikika la ona yokokifarene ma ngotiroko de yohira yomahihora doka ma akere ma ngooto ma honongaika. Abe Una ai hininga la wahulokohi o nyawa manga ngoe-ngoeika gea la yokokilio manga tau homoi-homoiika, de ona yokokilio ipaha de ahao bootino Una wahiduru yangimoi de yahinooto gea doka ma honongaika.

Matiusu 15:39

Ka de gea ipaha de o Yesusu wahuloko o nyawa manga ngoe-ngoeika gea la yokokilio manga tau-tauika. De ahao o Yesusu de iwinii-niiki yofarene o ngotiroko de yoiki o Magadana ma tonakika.

Matiusu 9:28

De o Yesusu ona yomahiadonoka o tau moi de yowohamika ma goronaika la genangoka yomahiaini, de ona yahinooto yorafi-rafi ka iwihidoo-doduruohi. De hiadono onangoo yowohama ma tau ma goronaika. Ho o Yesusu waleha ona yorafi-rafika wato, “Sarakia, ngini ningaku abe Ngohi ka idadi tinihitogumu la hiadono nimahioriki?” De ona yahinooto yopaluhu ato, “Iya, mia Baluhu, ngomi naa mingaku abe Ngona ka idadi nomihitogumu.”

Maruku 4:34

De ai dodotoko ko moiua de ko wohiketeroua. Duru o hiketero dika wapake. Masara nako Una de iwitobanii-niiki dika naga, gea ahao wahitararono onangika abe o hiketero ma titi mata-mata.

Maruku 6:45

Ka de gea ipaha de o Yesusu waribuutu iwitobanii-niikika la ona yofarene o ngotiroko de ona yohira yosobo la ato yomahihora doka o Besaida ma kapongika. Ho ona yosoboka de Una wahuloko manga ngoe-ngoeika wato, “Ahi gogianongoru, marai naa ka idadi ngini nikokilio nia kokitauika.”

Maruku 7:17

De ahao o Yesusu wanoaika o nyawa manga ngoe gea de wowohamoka ma tau ma goronaika, de genangoka iwinii-niiki iwilehali ato, “Ani dodotoko ma demo kangano gea ma titi totokia?”

Maruku 8:9

Ho ona yolo-olomo gea naga yasana iata. Gea ipaha de o Yesusu o nyawa wahuloko la yokokilio.