Matiusu 13:33 - Ma Jou ai Demo-demo o Totobelohoka

³³ De ahao o Yesusu woade-ade o hiketero moioli onangika abe enangoo ma titi hokokia Ma Jou ai nyawa yodadi yowoe abe ma oraha wahikoano ai nyawaika. De gea o Yesusu wotemo wato, “De naa o hiketero moioli tinihingahu abe ma titi hokokia Ma Jou wahikoano ai nyawa. De naga momatengo o ngofeka abe momadiai o roti. De muna maleino o ragi ma hohutulu dika de gea mohikasapuru de mohidoojo de o tarigu kohaamoko abe ngade-ngade o litere moruata ma amoko. De ngaro o tarigu gea kohaamoko de ma ragi duru ma hohutulu dika mohidogo, masara gea ahao ma tarigu mata-mataika ifero ma titi ma bobero ma kuaha ma ragioka gea. De hokogenangoo idadi abe ma oraha Ma Jou wahikoano ai nyawa.” Ho o Yesusu ai hiketero enangoo ma titi ka imakadaene dika de abe kangano. Abe ma titi ma dodihiraka de Ma Jou ai nyawa duru ko yowoe-woeua, masara ika-ika de ahao duru yodogo-dogoli yowoe hiadono ma bahauku de duru ko manga ngoe iwingaku-ngaku Unangika.

Matiusu 13:33 ပူးပေါင်းရင်းမြစ်များ

Dodadi 18:6

Ho gea o Abarahaama womataiti wowohama ai tau ma goronaika de womitemo o ngo Saraika wato, “Nomataiti o tarigu irahai nale ngaro o litere monaoko de ahao nadedetahi de nohisapuru la gea ka idadi o roti nahinaanga.”

2 Samuele 13:6

De o Anono wosanangi de ai dodiawo ai demo gea ho woiki womaidu de ai datoro wodiai hoka o nyawa abe yagogama. De igoungu ai baba o Dautu woboa witutumu, ho una womagahoko unangika wato, “Baba, duru tomagahoko la ngona nomihuloko ngohi biranga o ngo Tamara la moboa ahi himangino de mohihakai o inomo abe duru tohafini. De mohihakai ipahaino de ka idadi mohitoofo de to muna ami giama.”

Sosawaro 4:18

“Masara o nyawa abe yaniiki o totiai gea to ona manga ngekomo hoka o wange ipotokaiha ma dararono abe itararono ma morikotiha de ka ihikaika idogo ma buturungu ma dararono gea ka hiadono o wange ikoronaiha. De imaketero hokogea idadi nako o nyawa yapake Ma Jou ai totiai abe gea ma ngekomo la ka ihikaika idogo ma buturungu manga totiai manga wowango ma datoroka.

Matiusu 13:24

De ahao o hiketero moioli o Yesusu wahidoaka o nyawaika, wato, “Ahi ade-ade ma demoino naa de tinihingahu nginika abe hokokia idadi ma oraha Ma Jou wahikoano ai nyawaika. De naga womatengo wotobaredi de o pine ma bibiti ma rahai wohibarihi ai redioka.

Maruku 13:20

De tanu o kokangela ma oraha gea hatoli itedekana de o nyawa mata-mataika o duniaka naa ahao yahikokibinaahaka, masara Ma Jou ahao kiani o kokangela ma dekana wabatingi, wato, ‘Masara naga to Ngohi ahi nyawa abe duru tasanangi onangika, ho naa o kokangela ma dekana tabatingoka la tato ufa ahi nyawa gea yokokihonenge.’”

Lukasa 13:21

De hokonaa ma hiketero. Naga momatengo o ngofeka abe o roti modiai. De muna maleino o ragi ma hohutulu dika de gea masapuru de mohidoojo de o tarigu kohaamoko abe ngade-ngade o litere moruata ma amoko. De ngaro o tarigu gea kohaamoko de ma ragi duru ma hohutulu dika mohidogo, masara gea ahao ma tarigu mata-mataika ifero ma titi ma bobero ma kuaha ma ragioka gea. De hokogenangoo idadi abe ma oraha Ma Jou wahikoano ai nyawa.”

Yohanese 15:2

De o angguru ma jaga mata-mata abe naga Ngohioka wogoana de nako hiadono naga o jaga moi abe ko iwa ma hasili gea kiani watobiki. De hokogea ma jaga mata-mata abe ko ihofokua wakokitobiki. Masara o angguru ma jaga mata-mata abe ihofoko gea wakabiiri de woodebini la idogo iwoe ma hofoko.

Galatia 5:9

De ngini genangoka kiani duru nimahidodiai, angamoi o rerehene ma dodotoko gea duru de ma bihaka de igapanga imahora ngini mata-mataika. De gea imaketero abe hoka nanga demo ma dulu itemo ato, “O tarigu o pupuka moi de o ragi ma hohutulu gea ihifero mata-mataika.” Hokogea nanga demo ma dulu.

Filiipi 1:6

De ngohi tohioriki abe Ma Jou winitila la wato ngini nihiduhunu ngohi, de genangoka tohioriki ngini niwihingounu Unangika. De tohioriki gea nihiduhunu mangale ma titi Ma Jou ma hirete wokarajaanga ti ngini nia kokihiningaka. De ko watogu-togumua wokarajaanga ka hiadono ma bahaika abe ma wange gea o Yesusu Kristusu woboali nenanguku. De nako ma baha gea adonoka, ahao gea ingodumoka ai karajaanga nia wowangoka.

Filiipi 1:9

De abe hoka kangano totemo tato ngini tinigahoko Ma Jouika, gea tinigahoko hokonaa. Tinigahoko la nginioka nia dora ka idogo-dogo hiadono nia tobahiorikoo idogo ilamoko, abe ma titi ka idogoli niwihioriki Unangika. De nako nia dora gea idogo-dogo, de ahao nia hiakunu moioli naa idogo ilamoko, abe nia hiakunu la o kia dika naga ipuda nia hiningaka ma, Ma Jou ai hininga duru niataana. Ho ma titi hange gea tinigahoko Ma Jouiye la idogo ilamoko nia wowangoka.

2 Peturusu 3:18

Masara koaho ngini ka ihikaika nioaguru nia ngongakuika la to Una ai owa utuohi ma amoko niamao nia kokihiningaka. De koaho ka ihikaika idogo-dogo nia tobahioriki la utuohi itararono niwihioriki o Yesusu Kristusika, abe Una gea nanga Baluhu idodutu de nanga Duduhunoo. Ho naa ngone ngaro ka hihigiriirioka Unangika ma oraha naa naga de ka hiado-adonika. Amin.

Hihira 6:19

De o Gideono womataiti wolio ai tauika. De genangoka waleino ai kabingi moi ka ma goohi de watoma la wahakai. De o gandumu ma ngedere waleino abe o litere monaoko de wodiai o roti ko iwa ma ragi. Gea mata-mata ibooto de ahao o roehe ma teongo woguhe o manyilauku de ahao ma roehe wohingohama o karaanjauku de ma inomo gea mata-mata wao wigilio Ma Jou o Yaweika abe naa nagahi o tarabatini ma timiuku. De ai huhuba ma inomo gea wihidoaka Ma Jou o Yawe ai malaekatika.

1 Samuele 1:24

Ho ipaha o Samuele ai lamoko adono abe ka idadi womatingaka ngoi memeino de ahao o ngo Hana miao Ma Jou o Yawe ai Tauika ngaro una duru ka o ngofakohi. De manga huhuba ma kiahonanga utuoli yao abe naga manga hapi ma nauru ma taongo hange ibooto, de naga o gandumu ma ngedere abe idadioka o tarigu ma alu-aluhu ngade-ngade o supa monaoko de hinooto. De nagali o angguru ma teongo o ngi moi iomanga de manga ngi gea abe manga biaha yodiai o kabingi ma kaiino. De mata-mata gea yao ma oraha ona yoiki Ma Jou o Yawe ai Tauika abe o Silo ma kotaka.