Matiusu 12:40 - Ma Jou ai Demo-demo o Totobelohoka

⁴⁰ Abe ma dodihiraino o Yunusu una o nawoko kohaamoko iwilahiroka ho una naga o nawoko ma pokoroka ai dekana ai futu hangeino. De ai futu hange ibooto de ahao iwihihupuoli ai ngango. De hokogenangoo Ngohi o Nyawa ma Ngofaka abe toboa o Horogaka de tauku ahao ahi futu hange dika o tonaka ma goronaka de ahao Ngohi towangoli ahi honengino.”

Matiusu 12:40 ပူးပေါင်းရင်းမြစ်များ

Yunusu 1:17

De o Yunusu iwiumoka dai o gahiuku de o nawoko duru ma amoko Ma Jou wohiboaino la gea o Yunusu iwilahiri masara ko wohonengua. Ho o Yunusu ai wange hangeino de ai futu hangeino, o nawoko ma amoko ma pokoro ma goronaka.

Matiusu 16:21

De abe ma oraha gea de imahikaino de o Yesusu ma ngoe wahingahu iwinii-niikika abe hokokia ahao idadi Unangika. De gea Una wahingahu onangika wato kiani o Yerusaleeme ma kotaika woiki de genangoka ahao o Yahudi ma nyawa manga balu-baluhu iwihikangela Unangika. Abe to ona manga hidemo Ma Jouiye abe yokokurutiye de abe ona yotobadoto-dotoko o Musa ai Paretaino de manga hibaluhu utuoli naga, masara ona mata-mata ahao iwihikangela de hiadono iwitoma Una. Masara Una wahingahuoo onangika wato ai wange hange dika de womomikoka ai honengino.

Matiusu 17:23

De gea ihihohonengoka masara ma futu hange ipahaika de ahao tomomikoli ahi honengino.” De ona iwinii-niiki duru to ona manga hininga ihuha ma titi ai demo gea abe womahingahuoka.

Matiusu 27:40

De manga hohedu ma demoino de ato, “Ei, abe Ngona gea notemoka nato ahao Ma Jou ai Tau nakilianga de o wange hangeino dika ma dekana de nohigokokali. Ho abeika, nako Ngona nagou-goungu Ma Jou ai Ngofaka, abeika nomaduhunu nouti nenanguku abe o gota isosalioauku gea.”

Matiusu 28:6

Masara Una ko iwiwaka ai dingiioka naa, angamoi womomikoka ai honengino! De gea idadi duru imaketero abe hoka ma dihiraino de winihingahuokau. Abeika ai dingii naa o kiaka iwikelengauku ai honenge.”

Matiusu 8:20

Ma o Yesusu wipaluhu unangika wato, “Sarakia, gea ani demoino nagou-goungu la nato ka ihikaika nohinii-niiki Ngohi? Angamoi nako o fuhuku ma kaho ena gea naga ma ngingidu abe imatobaidu-idu genangoka, de o totaleo to ena naga homoi-homoi ma dididu, masara Ngohi naa ko iwa ahi ngi abe biaha ka idadi tomaidu-idu genangoka. Abe ngaro Ngohi o Nyawa ma Ngofaka abe o Horogaka de tauku toboa masara o nyawaino tomaboa, masara duru ko iwa ahi ngingidu la tomatobaidu-idu genangoka. Ho sarakia, ngaro hokogea masara ngona ka idadiohi nohinii-niiki Ngohi?” Hokogea o Yesusu ai babaluhu abe unangika wotobadotoko o Musa ai Paretaino.

Yohanese 2:19

De o Yesusu wapaluhu onangika wato, “Nako Ma Jou ai Tau nenanga niakilianga de ahao o wange hange dika de Ngohi tohigokokali.”