Matiusu 12:2 - Ma Jou ai Demo-demo o Totobelohoka

² Masara o Farisi manga doomuino ma nyawa yamuruono naga ona yamake abe ma oraha ona yomagutuku de duru iwitaere o Yesusika abe ma titi iwinii-niiki manga datoro gea. De o Farisi ma nyawa manga dodaere ma demo ato, “Abeika to Ngona ani nyawa abe ininii-niiki gea ona yatilakuroka to ngone nanga Pareta ma titi o Hiaini ma wange ma hiaturu. Abe ko idadiua yokarajaanga hokogea angamoi gea yomaino-inomo o Hiaini ma wangeoka!”

Matiusu 12:2 ပူးပေါင်းရင်းမြစ်များ

Huhupu 35:2

Ngone o Isiraele ma nyawa o wange butaangaino hapake la hokarajaanga masara ka de ma wange tumidoka de gea ena idadi o wange ma debi-debini ngoneino. O wange tumidi idadi to ngone nanga Hiaini ma wange abe homadingakoka la nanga hininga ma dumutu ka Ma Jou o Yaweika dika. Ho onagona dika nanga doomuino abe yokarajaanga o Hiaini ma wangeoka, ona gea kiani hahohowono ka hiadono yohonenge.

Matiusu 12:10

De genangoka womatengo wimakeika abe naga ai giama ma hononga iheluku. De nagali o Farisi ma nyawa yamuruono naga genangoka de ona iwibole ma goa-goa o Yesusika ato, “Nako nanga Pareta haniiki, sarakia, o Hiaini ma wangeoka de itiai hahitogumu o nyawaika eko ko itiaiua?” Ho hokogea iwileha angamoi ona yoigo la naga moi ai demoino abe ka idadi ihititi genangino la ka idadi iwitaere ato Una wahowonoka ma titi ma Paretaino.

Matiusu 12:3

Masara o Yesusu wapaluhu onangika wato, “Ho mode ngini ko nibasauahi o Dautu ai ade-ade Ma Jou ai Bukuoka? Abe ma oraha gea o Dautu de ai dodiawo duru yahafini.

Maruku 2:24

De o Farisi ma nyawa iwitaere o Yesusika ato, “Abeika ona gea! Adodoa ho o Hiaini ma wangeoka de atilakuru to ngone nanga pareta? Angamoi o Hiaini ma wangeoka de ko idadiua hokarajaanga!”

Lukasa 14:3

Ho o Yesusu wotemo o Farisi ma nyawaika de onangika abe yotobadotoko o Musa ai Paretaino, abe waleha wato, “Sarakia, nako o Musa ai Pareta ma demoino, gea o Hiaini ma wangeoka ka idadi hahitogumu o nyawa manga panyakeino eko ko idadiua?”

Lukasa 23:56

De ipaha de o ngo-ngofeka gea yolio de ihidiaiohi o minya abe ma bounu duru ihailoa de o muuru la ahao ka idadi ihiehe ai honengika. Masara gea ihidiai ibooto de o wange itumunoka la o Hiaini ma wange adonoka, ho ona yomahiaini dika la ka idadi yaniiki manga pareta.

Lukasa 6:2

Masara o Farisi manga doomuino ma nyawa yamuruono naga yamake ma oraha yomaborigutuku de duru yataere onangika ma titi manga datoro gea. De o Farisi ma nyawa manga dodaere ma demo ato, “Adodoa ho ngini niatilakuru to ngone nanga pareta abe o Hiaini ma wange ma hiaturu?”