De o Yesusu wogila-gilali wotemo wato, “De naa tinihihohininga nginika abe ma titi ma dodihiraino o Niniwe ma nyawa manga ade-ade abe ma oraha o Yunusu woiki wadotaka onangika Ma Jou ai Demo-demo. Abe o Yunusu wahingahu-ngahu onangika ma abari Ma Jouino de ona gea yototoihene de yodafongo ka hiadono yotoba manga howo-howonino de iwingaku Ma Jouika. De masara nako ngini naa, naga Womatengo nia himangoka abe Ma Jou ai Demo-demo winihingahu-ngahu nginika de ka Unangohi ai kuaha duru ikurutiye nako de o Yunusu. De barikua ka Unangohi duru wokurutiye masara ngini naa ka nioluku ai demoika de ko nitobaua nia howonino. De gea ma titi hiadono Ma Jou ahao winihohowono nginika. De naa tinihingahu abe ona o Niniwe ma nyawa ma dodihiraino ona gea ahao yodomoteke de to Ma Jou ai hohowono nginika. Angamoi ona gea ma dodihiraino de yotobaka masara ngini naa ko nitobaua. Abe dokengika ma oraha Ma Jou winitailako nginika de o Niniwe ma nyawa onangoo naga genangoka. De to ona manga hininga nginika ka imaketero dika de to Ma Jouoli ai hininga, abe ona ato kiani ngini niamake nia hohowono Unangino mangale ngini ko nitobaua abe ma oraha Ma Jou ai Demo-demo inihingahu-ngahu nginika.”
Matiusu 11:20 - Ma Jou ai Demo-demo o Totobelohoka20 De o Yesusu ai dodagi ma goronaka abe wotulu-tulu o Galilea ma tonaka ma kapo-kapongika de ma ngoe wodiai o heheranga onangoka. Masara ona genangoka manga ngoe ko yotobaua manga howo-howonino ho manga hininga ko itagiuahi Ma Jouika. Ho gea o Yesusu wahingahuohi o nyawaika abe hokokia ahao Ma Jou wahohowono ona ko iwingaku-ngakua. အခန်းကိုကြည့်ပါ။ |
Matiusu 11:20
17 ပူးပေါင်းရင်းမြစ်များ
De ipahaino de o Yesusu womahimatokoli abe iwinii-niiki yangimoi de yamoiika. Abe ona gea yolomo manga gogiriaka de onangika womahimatoko de wataere wato, “Ngini naa marai nia ngongaku ikuranga. De adodoa ho kangano manga demo ko niangakua abe ma titi Ngohi tomomikoka? Abe ona ihimake de inihingahu ma gea ngini ko niodafongua. Maraioka ngini nia pea ka itogowinohi, e?”
De gea ngohi tohawana abe ahao Ma Jou wohihitipokouku ma moioli ma titi ngini nia wowango ma datoro genangoka. De nako idadi hokogea, to ngohi ahi hininga ahao duru ihuha ma titi ngini utu genangoka abe ma dihirainohi de niahowo-howono masara ko nitobauahi de ko niliouahi abe Ma Jouika. Abe ngini utu ka nianiikohi nia datoro ma dorou abe hoka nimahitorou, de nimakitigi ko itiaiua de utuika, de nia gimono ma dorou duru inihipareta nginika. Ho ngohi tonganono ahao ma oraha tomahiadono nginika de nia datoro mata-mata gea niakokinoaka la to ngone nanga hininga mata-mata iborisanangi de ngaro ufa ihuha.
De nako hoka naga nia gianongoru abe wamao ai hiningaka abe ai sosawaro ka ikurangohi ho ko wohiorikua ai wowango ma datoro hokokia wodiai la itaana de Ma Jou ai mau, una gea koaho o sosawaro womagahoko Ma Jouino. Angamoi Una gea duru de ai hininga ma gahumu wonahidoaka ai sosawaro ngoneino de ko wonataerua, ho nako ai sosawaro ngone homagahoko Unangino, gea ahao wonahidoaka.
De o nyawa yakokiuku ma titi o wange ma hauku kohagiria gea, ho hiadono ona duru iwingelo-ngelo Ma Jou ai romangika. De gea to Una ai kuahaka abe ma hohowono ma kokangela gea yadaene o dunia ma nyawaika. De ngaro hokogea masara ona iwingelo Unangika, de ka yoluku yotoba manga datorino de yoluku iwihigiriiri Unangika.