Matiusu 10:32 - Ma Jou ai Demo-demo o Totobelohoka

³² De o Yesusu wahingahu onangika wato, “De onagona dika o duniaka naa de yomahingahu o nyawa manga hima-himangoka ato, ‘Ngohi naa tingaku o Yesusika,’ de ona gea ahao dokena manga wowango ma bahaika abe ahi Baba o Horogaka ai himangoka de tadafongo onangika. Abe ma oraha gea tadafongo de tatemo tato, ‘Igoungu ngona naa nagau ani gogao de de Ngohi.’

Matiusu 10:32 ပူးပေါင်းရင်းမြစ်များ

Matiusu 25:34

“De gea tahikatingaka ibooto de ahao Ngohi manga Koano ahao tahoko ona ahi nirakoka tato, ‘Niaino la niamake nia hiowa ma hidoaka ahi Babaka de aino, angamoi naa adonoka ma oraha la Ngomi miahikoano to Ngomi mia nyawaika. De nia hiowa ma hidoaka gea duru ma dodihirakahi abe o dunia ko idadiuahi de inihidiaiokau la ngini to Ngomi mia nyawa ahao niamake abe ma oraha minihikoano ngini.’

Lukasa 15:10

De ahao o Yesusu wahitararono onangika wato, “De naa ma moioli tinihingahu abe nako hiadono o howo-howono ma nyawa womatengo dika yotoba manga howonino, gea Ma Jou de ai momalaekatoo duru yogogarago.”

Yohanese 9:22

Hokogea dika ai dimono yopaluhu angamoi yamodongo manga hidimonika. Yamodongo onangika angamoi ihioriki o Yahudi ma nyawa manga hidimono gea yoputuhoka ato onagona dika yotemo ato, “O Yesusu Una gea o Mesia,” gea ona ko yahigunoakaua yowohama manga dodotoko ma tauika.

2 Timotiusu 1:8

Ho naa ahi ngofaka, ufa hiadono inimaleke ma titi o Yesusu Kristusu nanga Baluhu idodutu abe to Una gea ai abari ngone hahingahu-ngahu o nyawaika. De ufa inimaleke ma titi ngohi, ngaro igoungu ngohi ma oraha naa naga ihibuikahi nenangoka angamoi tileleani Una. Masara koaho ngona ani tagongo gea ka nohidagiohi de ani hininga de ma domoroinoka la o Abari ma Rorahai ka nahingahu-ngahuohi o nyawaika. De ngaro ahao idadi abe o nyawa inihikangela hiadono ngonaoo ani kangela naga abe imaketero hoka to ngohioli ahi kangela, masara gea de ahao Ma Jou wonihiputurungu ani hiningaka de ka napoa.

1 Yohanese 4:15

Ho onagona dika abe yomahingahu ato yongaku ma titi o Yesusu Una gea Ma Jou o Ngofaka, ona gea Ma Jou womanoa onangoka, de onangoo yomanoa Ma Jouokaoo. De manga demoino gea de yomahitaanoka ma titi manga gogao Ma Jouika.

Himatoko 2:13

De ahao Una wahibehehongo onangika wato, “Ngohi tohioriki ti ngini nia ngi, abe ngini nimanoa o kotaka abe genangoka naga o Ibilihi ma haeke ma gogere. De ngaro genangoka nigogere, ma ngini ka nimahigagaoohi Ngohino de ko nirehenua abe nia ngongaku Ngohino. De gea ka tohiningahi nengokadau ma oraha abe nia gianongoru o Antipasa una ka ihikaika naga wahingahu-ngahu o nyawaika ma titi Ngohi de hiadono una gea iwitomaka ti ngini nia hidogoronaka, abe genangoka o Ibilihi ma haeke imanoa. De gea ngaro nginioka de iwitoma, ma ngini ka nihingakuohi Ngohino, de genangoka de aino ma titi Ngohi duru tinisanangi.

Himatoko 3:5

“De onagona dika yolaku ho ma dorou ko yahikalaua onangika, onangoo ahao yomahinoauku o baju ma gare-garehe. De ona gea manga roma-romanga duru ko taofiua o Wowango ma Bukuino naa de ka hiado-adonika. De hongoli ahao ahi Baba ai himangoka de ai momalaekatoo manga hima-himangoka de Ngohi tomahingahu abe ona gea tahidadioka to Ngohi ahi nyawa.”

1 Samuele 2:30

“Ngohi Ma Jou o Yawe, o Isiraele ma nyawa manga Jou de ma dihiraino tahibehehongo ani doomu ma famika, abe o Lewi ma dutuino, tato ahao ngini ka idadi nihileleani Ngohi ka hiado-adonika. Masara ko idadiokaua hokogea angamoi ahi behehongo gea ngini inihange naa niaolukoka! Ngohi de ahi horomati tomalega onangika abe manga horomati naga Ngohino. Masara ona abe ihiemono Ngohino, kiani Ngohioo taoluku ona gea.