Matiusu 10:11 - Ma Jou ai Demo-demo o Totobelohoka

¹¹ De o Yesusu wogila-gila wahibehehongo onangika wato, “De nia dodagioka abe nimahiadonoka o kapongo eko o kota moiika, de nialingirohi o nyawa abe manga wowango yao itiai de abe yosanangi inidafongo manga tauino. De nako ma nyawa inidafongo irahai, ufa nimaturuuru o tau moiikali, ma onangoka dika nimanoa ka hiadono nihupu ma kapongino gea.

Matiusu 10:11 ပူးပေါင်းရင်းမြစ်များ

Matiusu 10:10

De ngaro ufa dika nia beta-beta niao abe biaha nihilulu nia kiahonanga genangino. De ka idadi nimasandaaliye, de ka idadi nimahinoauku dika nia baju abe ka nia kokiroehoka, masara nako nia doduruuru eko nia sandaala ma duruuru, gea ngaro ufa dika de niao. De ngaro nia tutukunu masara gea moi dika nimagao. De ngaro ufa niao mata-mata gea angamoi ti ngini nia perelu gea ahao Ma Jou winihidailako o wange-wangeiye, abe imaketero hoka o nyawa hahewa la ona yokarajaanga nanga redioka de ngone kiani hahidailako manga karajaanga ma hibalaha abe hoka manga perelu o inomo. Ho hokogenangoo ti ngini nia perelu Una ahao winihidailako angamoi duru Una gea abe winihikarajaanga ngini.”

Matiusu 10:12

De ma oraha niwohama manga tauika gea de ona niagahoko ma owa Ma Jouika la Una wahiowa manga wowangoka.

Maruku 6:10

De wohibehehongohi wato, “Abe nia dodagioka de nako o kapongo moioka inidafongo de naga iniahoko o tau moiika la nimanoa onangoka, ufa nimaturuuruoli o tau moiikali, ma onangoka dika nimanoa ka hiadono nihupu ma kapongino gea.

Lukasa 19:7

Masara ona abe yamake, ona mata-mata iwihigurubungu ma titi o Yesusu ato, “Abeika Una gea winiikoka o tobahowo-howono ma nyawa la womahiaini ai tau ma goronaka!”

Lukasa 9:4

“De nia dodagioka abe nimahiadonoka o kapongo eko o kota moiika, gea nimanoa o tau moioka dika de ufa nimaturuuruoli o tau moiikali, ma onangoka dika nimanoa ka hiadono nihupu ma kapongino gea.

Hidingoto 16:15

De muna mingakuoka de ahao muna de abe ona ami tauoka ona yomaohiki. De yomaohiki ipahaino de muna momagahoko la ngomi mimaidu to muna ami tauoka. Abe motemo mato, “Nako ngini nihidafongo ngohi abe tagou-goungu tingakuoka nanga Baluhu idodutuika, gea de ahao tomagahoko la ngini nimanoa ahi tauoka.” De muna mohigali-gali momagahoko hokogea, ho ma bahauku de mianiiki ami higaro ma demoika.