Matiusu 10:10 - Ma Jou ai Demo-demo o Totobelohoka

¹⁰ De ngaro ufa dika nia beta-beta niao abe biaha nihilulu nia kiahonanga genangino. De ka idadi nimasandaaliye, de ka idadi nimahinoauku dika nia baju abe ka nia kokiroehoka, masara nako nia doduruuru eko nia sandaala ma duruuru, gea ngaro ufa dika de niao. De ngaro nia tutukunu masara gea moi dika nimagao. De ngaro ufa niao mata-mata gea angamoi ti ngini nia perelu gea ahao Ma Jou winihidailako o wange-wangeiye, abe imaketero hoka o nyawa hahewa la ona yokarajaanga nanga redioka de ngone kiani hahidailako manga karajaanga ma hibalaha abe hoka manga perelu o inomo. Ho hokogenangoo ti ngini nia perelu Una ahao winihidailako angamoi duru Una gea abe winihikarajaanga ngini.”

Matiusu 10:10 ပူးပေါင်းရင်းမြစ်များ

Matiusu 10:11

De o Yesusu wogila-gila wahibehehongo onangika wato, “De nia dodagioka abe nimahiadonoka o kapongo eko o kota moiika, de nialingirohi o nyawa abe manga wowango yao itiai de abe yosanangi inidafongo manga tauino. De nako ma nyawa inidafongo irahai, ufa nimaturuuru o tau moiikali, ma onangoka dika nimanoa ka hiadono nihupu ma kapongino gea.

Maruku 6:8

De wahibehehongo onangika wato, “Naa tinihidingoto la niloiki o nyawaika. De nia dodagi naa ufa nia kiahonanga nimagao, bowahu nia tutukunu dika. Ma nako o bilaono de nia beta-beta de nia tiwi, gea ngaro ufa dika de niao.

Lukasa 3:11

De o Yohanese wapaluhu onangika wato, “Onagona dika nginioka abe nia baju ma biri-birini naga hinooto, gea moi niahidoaka o nyawaika abe to ona manga baju ma biri-birini ko iwa. De nako nia inomo naga iniwedono, enangoo ka idadi utu niahikodoku onangika abe manga inomo ko iwa.”

Lukasa 9:3

Ho ko yosobouahi de Una wahibehehongohi onangika wato, “De nia dodagi naa de ufa nia kiahonanga nimagao. Abe ngaro nia tutukunu de nia beta-beta abe biaha nia kiahonanga nionoa genanguku, ma gea ngaro ufa dika nimagao. De nia bilaono de nia tiwi enangoo ufa nimagao, de abe nia baju ka idadi nimahinoauku de nia baju abe ka nia kokiroehoka dika niapake, masara nako nia baju ma doduruuru gea ngaro ufa dika de niao.”

2 Timotiusu 4:13

De naa moioli togahoko la ma oraha noboa ngohino de ahi baju ma gogurutuku naoino de ahi buku gea abe ihipali-palino. De gea ahi baju nengokadau tanoaika o Karpus ai tauoka abe una wogogere o Toroasa ma kotaka. Ho togahoko la ngona ahao noiki de nodulu ai tauoka de ahi baju ma gogurutuku gea nale de nao ngohino. De abe ahi buku genangoo kiani nao ngohino, masara gea abe duru toperelu, ma buku gea ihipali-palino abe o aewani ma kaiino yodiai.

1 Samuele 17:40

De ahao waleino ai domba ma gogoana ma tutukunu de wouti ma dolauku abe genangoka naga o akere ma ngairi ma eteteke de genangoka womagoraka o hakaru ma eteteke ma nou-nouhu o gahumu motoa de wonoa ai domba ma gogoana ma popojeuku. De ai kawai naga ai giamoka wasoino de wogila-gila womahitigi o Goliatika.

1 Samuele 9:7

Masara o Saulu wopaluhu wato, “Marai ko idadiua angamoi ko iwa ngoneoka abe ka idadi hihidoaka unangika la una wonaduhunu. Abeika, ngaro nanga bilaono ma enangoo duru ko iwaka ho duru ma hohutuloo de ko iwa abe ka idadi hihidoaka unangika.”