Maruku 9:7 - Ma Jou ai Demo-demo o Totobelohoka

⁷ De ahao yamake o lobi abe yakokihawoka o Yesusu de o Musa de o Elia. De ahao Ma Jou wotemo abe yoihene o lobino ma ilingi itemo ato, “Naa to Ngohi ahi Ngofaka de duru tidora, ho kiani Unangika niwihigihene.”

Maruku 9:7 ပူးပေါင်းရင်းမြစ်များ

Higiriiri 2:7

De ahao ma Koano gea wohidogo to ai Baba ai hingahu, wato, “Ngohi naa Ma Jou ai koano abe womahitounangoka, Ho ma titi Ngohi, hiadono Ma Jou o Yawe ai demo hokogea, Abe Una ma dihiraino wohihingahuokau Ngohino wato, ‘Ngohi o wange naa de tomahitaanoka abe Ngona nodadioka ahi Ngofaka, De abe Ngohi tagou-goungu to Ngona ani Baba.

Huhupu 24:16

De naga Ma Jou o Yawe ai medebini ma dararono o Sinai ma lokuoka. De ma lobi gea atamunuku hiadono o wange butaangaino ma dekanino ho de ma wange ma tumidi de Ma Jou o Yawe witemo o Musaika ma lobino gea.

Huhupu 40:34

Ka de manga karajaanga mata-mata gea ibooto de naga o lobi ma lou iuti hiadono o Tau o Ngoerino gea atamunuku de ma lobi de Ma Jou o Yawe ai medebini ma dararono iwohama hiadono aomangoka Ma Jou ai tau ma goronaka de ai dararono ma meletongo gea.

Matiusu 27:43

De Una womahingahu wato bari womahinganono ka Ma Jouika dika de abe Una ma hirete womahingahu wato, ‘Ngohi naa to Ma Jou ai Ngofaka.’ Ho abeika howuni-wuningi la hohioriki nako Ma Jou wagou-goungu wisanangi Unangika la hiadono widuhunu de ufa wohonenge naa!”

Matiusu 27:54

De o Yesusu ai gotaka naga o Roma manga tentara manga baluhu abe ai kokawaaha yaratuhu moi de nagali ma tentara yamuruono naga utuoli. De ona yamake abe hokokia ma tonaka ihikelu-kelu de abe utu mata-mata idadioka ma oraha gea de duru yokokihawanoka de yotemo ato, “Duru igou-goungu Una gea to Ma Jou ai Ngofaka!”

Matiusu 3:17

De nagali woihene o ilingi moi o Horogauku itemo ato, “Una naa ahi Ngofaka abe duru tidora de duru tidosanangi Unangika.”

Maruku 1:11

De nagali o ilingi o Horogauku itemo ato, “Ngona naa ahi Ngofaka duru tonidora de duru tosanangi Ngonaika.” Hokogea Ma Jou o Baba wotemo.

Maruku 9:6

O Peturusu ka hokogea dika wotemo angamoi yakokitomomonoka de duru yohawana de o kiahi wato wotemo ma ko wohiorikokaua.

Maruku 9:8

Ka de yoihene ma ilingi gea de yomalega arihonongaika masara ka o Yesusokahi iwimake angamoi o Elia de o Musa ka aiaho, ko yakokimakeokaua, ho o Yesusu dika nagahi.

Lukasa 3:22

De ahao Ma Jou o Womaha wouti o Yesusuku abe hoka o namodaara de iwidangi Unanguku. De nagali o ilingi o Horogauku itemo ato, “Ngona naa ahi Ngofaka abe duru tonidora de duru tonidosanangi Ngonaika.” Hokogea idadi abe ma oraha o Yesusu iwiohiki.

Yohanese 1:34

Ho duru tohioriki tamakeoka ai dodunguu Ma Jouino abe Una naa Ma Jou ai Ngofaka de duru tagou-goungu nginika tinihingahu Una naa.” Hokogea o Yohanese ai hitararono onangika.

Yohanese 1:49

O Yesusu ai demo gea woihene de o Natanele wohidemo de ai heranga ma demo wato, “Mia Guru, gea mata-mata nohioriki e? Ngona igoungu Ma Jou ai Ngofaka. Ngona o Isiraele ma nyawa manga Koano!”

Yohanese 12:28

De ahao o Yesusu wotemo ai Babaika wato, “Baba, iti to Ngona dika ani medebini ma dararono nomahimatoko o nyawaika.” De ahao naga o ilingi o Horogauku itemo ato, “Ahi medebini ma dararono o nyawaika tomahimatokoka, de ahao tomahimatokoli ahi medebini ma dararono gea.”

Yohanese 19:7

Masara o Yahudi ma nyawa manga ngoe gea iwiribuutu o Pilatusika ato, “Masara naga to ngomi mia pareta abe nako o nyawa iwingelo Ma Jouika kiani yohonenge ho kiani haniiki mia pareta gea angamoi Una womafetongokau wato, ‘Ngohi naa Ma Jou ai Ngofaka.’”

Yohanese 20:31

Masara abe tohingohamoka o bukuoka naa, gea tohitulihuku la nginioo ka idadi niwingaku abe o Yesusu Una o Mesia de Unangoo Ma Jou o Ngofaka. Abe o Yesusoka de aino ngini ka idadi niamake o wowango ma ngango ka hiado-adonika.

Yohanese 5:18

Ho ka de o Yesusu ai demo gea yoihene de o Yahudi ma nyawa manga balu-baluhu gea duru idogo iwidohata hiadono iwihidee ato kiani iwitoma. Ona iwihidee ato iwitoma angamoi ma titi hinooto, moi manga bohono watilakuroka abe ko idadiua yokarajaanga o Hiaini ma wangeoka. De utuohi o Yesusu wifetongo Ma Jou, wato “Ahi Baba” hoka ma titi womahingahu wato yomatoteroino Una de Ma Jou. Gea ma titi hiadono ona yomakoketemo ato, “Kiani hitoma la hiadono wohonenge.”

Yohanese 5:37

De o Baba ma hirete ka ma dihirainohi wohihingahuokau ma titi Ngohi naa de ai hidee abe ahao wohihidingoto o duniauku. Ngini naa ko ma moiuahi niihene to Una ai ilingi de ko ma moiuahi niwimake abe ai rupa.

Yohanese 6:69

Ngomi naa miningaku abe duru minihioriki Ngona naa o Mesia, abe Ma Jou womadingakoka de wonihidingotuku ngomiuku.”

Yohanese 9:35

Ka de o Yesusu woihene abe worafi-rafi gea manga dodotoko ma tauoka iwiumoka ma hoanika de wilingiri una. Ho gea ka de wimake de o Yesusu wileha unangika wato, “Sarakia, nako o Nyawa ma Ngofaka ngona ningakuoka Unangika?”

Hidingoto 1:9

De hokogea wahibehehongo ibooto de abe ka iwilega-legahi de ahao iwigoraka daku o Horogaiye ho wongohama o lobi moi ma goronaiye ho ka aiaho, ko iwimakeokaua.

Hidingoto 7:37

“De ma dihiraino gea de o Musa una ma hirete wahingahu o Isiraele ma nyawaika wato, ‘Ma Jou ahao wigoraka womatengoli ai uru ma dodofanga ti ngini nia hidogoronaino. De una gea ai hiningaka de womaketero abe hoka ngohioli.’

Hidingoto 8:36

De abe manga dodagi ma goronakahi de manga kereta imahitigino de o akere, ho una witemo o Filipusika wato, “Abeika, naga genangoka o akere! Ho boteua ngohi ka idadi tomaohiki naangoka dika!”

Roma 1:4

Masara Una ka o nyawa biahaua dika, de gea hohioriki angamoi ipahaino de Ma Jou o Womaha abe duru wotebi-tebini wihimomiki nanga Baluhu idodutu o Yesusu Kristusu ai honengoka de aino. De abe ma oraha womomiki, genangoka de o Yesusu duru iwihitaana abe Una gea Ma Jou o Ngofaka duru de ai kuahaka. Ho o Abari ma Rorahai abe ngohi tatobahingahu-ngahu o nyawaika, ma abari gea duru ihititi nanga Baluhu idodutu o Yesusu Kristusoka.

Ibarani 2:1

Ho mangale ma titi naa ma duru Ma Jou wonatemoka abe to Una ai Ngofakino, de ma titi abe ka Unangohi duru wokokurutiye nako de o momalaekata, ho ngone naa kiani duru hohidodiai hototoihene de haniiki ma hingahu ma demo abe ngone hoihenoka, done genangoka de aino horehene,

2 Peturusu 1:17

Abe gea ngomi wiwimake abe ma oraha nanga Baba Ma Jou wihidoaka Unangika o horomati duru kohaamoko. De genangoka Ma Jou abe duru de ai medebini ma dararonoka Una wotemo wato, “Naa to Ngohi ahi Ngofaka de duru tidora. De Ngohi duru tisanangi Unangika.”

1 Yohanese 5:20

De hohiorikoo abe Ma Jou o Ngofaka Una woboaka ngoneuku de wonahidoakoka o hiakunu nanga hiningaka la ka idadi hihioriki Ma Jou idodutuika. De ngone homanoaka Ma Jou idodutuoka angamoi ai Ngofaka o Yesusu Kristusokaoo ngone homanoa. De o Yesusu Kristusu Unangoo gea Ma Jou idodutu, de o wowango ka hiado-adonika ma titi naga Unangoka. De gea mata-mata duru tonahigaro la tato ngone duru ka idadi hohioriki de honganono enangika.

Himatoko 1:7

Abeika nimafikiri. Una gea ahao woboa o lobi-lobi ma goronaka, de ma oraha gea o nyawa mata-mataika ahao iwimake Una de manga lako hinooto. De ngaro ona ma dihiraino abe iwihakara ai badangika, ma onangoo iwimake ma oraha woboa. De gea iwimake de ahao o dutu amomoiika o dunia ma amokika ona duru yoari de yopoa-poaka kohaamokiye ma titi Una woboa. De gea duru igoungu abe hokogea ahao idadi. Amin.