Maruku 9:5 - Ma Jou ai Demo-demo o Totobelohoka

⁵ De ahao o Peturusu witemo o Yesusika wato, “Guru, naa duru irahai abe ngone naga nenangoka! Ho koaho ngomi o hijai-jai ma tau o gahumu hange midiai nenangoka, moi to Ngona, moi to Elia, de moi to Musa.”

Maruku 9:5 ပူးပေါင်းရင်းမြစ်များ

Matiusu 17:4

Ho ka de gea wamake de o Peturusu wotemo o Yesusika wato, “Ahi Baluhu, abe ngomi miamakeoka naa duru irahai. Ho nako ani hininga adaene ngohi ka idadi o hijai-jai ma tau o gahumu hange todiai nenangoka. Abe moi to Ngona, moi to Musa, de moi to Elia.”

Matiusu 23:7

De duru yoigo la o nyawa yahayanga onangika o kiaka naga abe o nyawa yowoe-woe, de yoigo la o nyawa yafetongo onangika ato, ‘Mia Guru.’”

Matiusu 23:8

“Masara nako ngini naa, ahi gogianongoru, ngini mata-mata ka nimakoketero dika Ma Jou ai himangoka abe ma titi nia gogere, ho ufa niagorakiye o nyawa utu de niafetongo ‘Mia Guru’ onangika, angamoi tanu ti ngini nia Guru ka womatengo dika.

Maruku 9:4

De abe ma oraha ona yaruange iwilega-lega Unangika de ahao ka itodokanino de yamake naga o Elia de o Musa abe ma dodihiraino yodadi Ma Jou ai uru ma dodofanga. Ho ona yahinooto de o Yesusu yomakoketemo abe iwinii-niiki manga hima-himangoka.

Maruku 9:6

O Peturusu ka hokogea dika wotemo angamoi yakokitomomonoka de duru yohawana de o kiahi wato wotemo ma ko wohiorikokaua.

Lukasa 9:33

De o Musa de o Elia ona ato yosobo masara o Peturusu wotemo o Yesusika wato, “Ahi Baluhu, abe ngomi miamakeoka naa duru irahai. Ho nako ani hininga adaene de ngohi ka idadi o hijai-jai ma tau o gahumu hange todiai nenangoka. Abe moi to Ngona, moi to Musa, de moi to Elia.” Masara gea o Peturusu ko wofikirikauahi de ka oko dika wotemo.

Yohanese 4:31

Ka de ona doka o kapongoka yoiki de ma humuoka naga ona abe o Yesusu iwitobaniiki iwihileha la wolomo ato, “Mia Guru, iti ma hohutulu nolomohi.”

Filiipi 1:23

De gea duru tokangela tomaputuhu, abe tanu daku o Kristusiye toigo tosobo la Una tidodiawo, angamoi enangohi ihailoa.

1 Yohanese 3:2

Ahi gogianongoru abe duru tinidora nginika, ngone hagoungu hodadioka to Ma Jou ai ngofa-ngofaka! De gea ngaro duru hohiorikoka abe ai ngofaka hodadioka, masara naga ma titi moi abe ngone ko hohiorikuahi. De gea ko hohiorikua abe ma titi ahao dokengika de to ngone nanga rupa ahao hokokia. De ngaro nanga rupa dokengika ko hohiorikuahi masara ma oraha naa de duru hohiorikoka abe ahao ma oraha womahimatoko de gea to ngoneoo nanga rupa idadi abe hoka to Unangoli ai rupa. Angamoi ma oraha gea de ahao ngone ka idadi himake Unangika abe ai rupa ma gou-goungu. Ho gea to ngoneoo nanga rupa ma hungioli kiani naga la ka idadi homarihimanga ngone de Una.